Тэтгэлэг горилогсдод тусламж

Дараалал

Ойрын үед Чингэлтэй дүүрэг дээр бараг орон тооны ажилтан болтлоо бичиг цаас хөөцөлдөж байна. Иргэний бүртгэл, үл хөдлөх хөрөнгийн бүртгэлээр бол үйлчлүүлэх шиг л болж байна дөө.

Шинэ төрсөн хүүхэддээ төрсний гэрчилгээ авах гэсэн, хороо, хорин шилжүүлэх гэсэн хүмүүс пиг. Хамгийн гол нь бичиг цаасаа ганцаараа биш гэр бүлээрээ явж хөөцөлдөцгөөх юм. Ажиглаад байвал дотроо зохион байгуулалттай байх шиг байнаа. Авгай нь хүүхдээ тэврээд дугаарлаж байхад нөхөр нь төлбөр төлөх, эсхүл авгайг маягт анкет бөглөж байхад нөхөр очер авах г.м.

Эд хөрөнгийн бүртгэлийн жижиг өрөөнд нэг айлын 4 хүн, дээр нь би, тэгээд маягт бөглөх дахиад 2 гэр бүл, миний өмнөх нэг залуу, түүний найз-балиашиг бололтой бас нэг залуу, юм асуухаар зогсох хоёр хүн гээд үсрээд л 14 ам. метр талбайд арван хэдэн хүн очерлов. Арын эгч надтай наалдан пад. Би оочероосоо гараад зогсохоор л түрж ирээл наалдчих юм.

Бүртгэлийн залуугийн тэвчээрийг гайхлаа. өрөвдлөө. Би ганц юм асуугаад орхий гээд толгойгоо шилэн цонх руу шургууцгаачих юм.

-Хашаа, байшингаа барьцаалж, банкнаас зээл авах гэсэн юм. Банкны юм нь болсон би юу бүрдүүлэх вэ?

Хариулт. Бла-бла-бла. Тэр самбар дээр байгаа.

-Байшингаа 65 саяар зарсан юм. Тэгээд гэрчилгээ шилжүүлэх гэсэн юм.

Хариулт. Чингэлтэй дүүргийн татварт орлогын албан татвар төлсөн баримт

-Хэдийг төлөх вэ?

Орлогын 2%.

-Тэр нь хэд болох вэ? (Би энд тэсэлгүй түс хийтэл инээд алдав).

Хоёр хүүхдээ дагуулсан авгай нөхөр хоёр үнэн түгшүүртэй ярина. Хүмүүс хоёр маягт өгөөд байнаа. Дахиад нэгийг бөглөе.

Бүртгэгч залуу: Хашаандаа нэг, байшиндаа нэг маягт бөглөнө шүү.

Өө ягаан маягтыг нь авъя. Түүний ард талын хүн би бас авъя. Цэнхэрээс нь бас өгчих.

Авгай нөхөр хоёр цонхонд очив. Бүртгэгч залууг үзэж дуусаагүй байхад хэзээ гарах вэ гэсэн асуултаар булав. Баримт бичиг дутуу гээд буцав. Дараагийн хүн нь ягааныг бөглөх ямар ч хэрэггүй, ерөөсөө баримт бичиг нь дутуугийн дутуу, газрын зураг нь Нийслэлийн газрын албаар баталгаажаагүй байна г.м-ээр тайлбар аваад эргэлээ.

Түүний дараагийн хоёр хөгшин хүүхдүүдийнхээ хашааны газрыг хөөцөлдөж байгаа болж таарч, өргөдлөө буруу бичсэн гэдэг үндэслэлээр буцаагдав. Бүртгэгч залуу өргөдлийг нь уншиж, монгол хэлний багш шиг л засч харагдана. Тэрний дараагийн орон сууц худалдан авч байгаа залуугийн материалыг авав. Тэгээд миний ээлж боллоо. Энэ хугацаанд бүртгэгч залуугаас тогтмол хэн нэгэн ямар нэг юм асууж байсныг хэлэх хэрэгтэй.

Явган хүний гарцан дээр чи давуу эрхтэй. Горьдвоо

Чингэлтэй дүүргийн хойд талын гарц. Урагшаа арай ядан мөлхөх машин яг гарцан дээр машинаа зогсооно.

-Урагшаа, эсхүл хойшоо зогсох боломжгүй юу?

-Гуц. Ална шүү “нэр үг минь”.

Tedy-Мобикомын урд талд. Хаалган дээр хөндөлдөн шүлсээ хаян, тамхи татах утасны чэнжүүд.

-Та хэд жоохон ийшээгээ зогсчихож болдоггүй юм уу? Яг хаалга таглаад байна.

-Монгол эх орныхоо ХААНА зогсохоо чамаар заалгахгүй.

Их дэлгүүрийн ар талд Нийслэлийн прокурор руу гардаг замыг засч байна. 10 гаруй мэтр шугамны нүхний овоолсон шороон дээр тэнцвэрээ хадгалан тойрч нэг, дайрч нэг гарах явган зорчигчид. Нүхний яг хажууд хүрзээ тарааж шиджээ. 14 хүн байгаагаас ажил хийж буй нь 3. Хүний хөлд саад болохгүй байлгахаар тавих гээд хүрзийг нь авсан чинь нэг залуу “Ахын дүү, наад хүрзээ нааш нь аваад ирээ”. 🙂

Comments on: "Бидний араншин" (4)

  1. Tsoomoo said:

    Ayayaya, bohir agaar, batalgaagui hunsnii buteegdehuun deerees ni iimerhuu haritsaa yag l hadnii mangaa…tend baihdaa estoi yaya l daa gej boddoj baijulee…

  2. deegii said:

    neeree l tiim yum boldog doo. tehdee jilees jild muudaad bgam shigee, esgul bid nar yag tiim yumiin olj haraad buhimdaad bdgiinmuu/? jookhon udaan bwal uusad tiim boloh wii dee, society n ooroo buhimdaltai bolohoor humuusees eyreg haritsaa goridoltgui. Mongold ochohoor taarahgui yum zondoo boldgiin, tegeel butsaal yawna. ergeel sanana, oorchilj chaddag bol neg heseg humuusiig ch gesen soyoltoi haritsaand surgah san

  3. europe-d bdag naizas iphone4s irev. lock-toi uchir lock-iig ni tailulax ged tedy ochiv. neg zasdag gesen noxort uzuultel end languu xaraad bj bai. bi iishee yavchihaad ireye ged utas avaad yavchihav. tanixgui xun tul battery ed nariig ni solichixvii dee ed gel boon sana zovson bodol dotor xovrov. ardaas ni dagaad yavax xetsuu utsaa xuleegeed bj bx xetsuu altsaganav. yagaad xund itgexee bolichihvoo. esvel yorooso xumust bitgii gesen message aguulsan sain service (gadaadiin xuiten xondii) ni yagaad nevtrexgui bnaa. ter xuniig ardaas ni dagaad xyanaad yavaxaar chi xulgaich ged xyanaad bga yum shig. ooroo uldeed utasniixa battery-g ch yumu yamar negen yumig ni soliulchihaar bi xoxirogch bolchih ged bdag yaltai ve.

  4. tulip said:

    Арын эгч надтай наалдан пад. Би оочероосоо гараад зогсохоор л түрж ирээл наалдчих юм.- haha yag tegdeg shu, naaldahgui bol dunduur ni hun orchihno gej aidag yum shig baigaan

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

Шошгон үүл

%d bloggers like this: