Bursary from University of Manchester, UK

The University of Manchester’s one-year MSc ICTs for Development degree aims
to create “ICT4D champions” who combine technical competencies in
information systems and project management with an understanding of
development context and practice:
http://www.sed.manchester.ac.uk/postgraduate/taught/courses/06237/?code=0623
7&pg=2

The 2011 Development Leaders Bursary – worth £6,150 – is available for
developing country applicants to the MSc ICT4D programme, with a May 27th
deadline.  Application and eligibility details can be found at:
http://www.sed.manchester.ac.uk/idpm/postgraduate/taught/funding/

This page also contains details on other funding sources and on part-time
employment opportunities while studying in Manchester.

Австрали амьдрал:Holiday=Holly+Day

Австралид лонг-вийкэнд буюу таван өдөр дараалан амрах урт амралтын өдрүүд тохиож байгаа учраас хүмүүс гэр бүл, найз нөхдөөрөө кэмпингдэхээр ийш тийшээ явдаг. Нэгд загалмайтны шашинтны улаан өндөгний баяр болон Австрали Улс дэлхийн дайнд оролцсон түүхийг тэмдэглэдэг баярын өдрүүд үргэлжлэн тохиож байгаа тул ийм олон хоногоор амарч байгаа юм.

Улаан өндөгний баярын хувьд хоёр янзын  утга агуулдаг гэнэ.

1. Шинэ амьдралын эхлэл-хавар

Эртний паган шашны зан үйл ёсоор хавар цаг шинэ амьдралын эхлэл болдог 3 сарын 22-ны өдөр шөнө тэнцэх өдрийг тэмдэглэх зан үйлтэй холбоотой. Ийм учраас улаан өндөгний баяр гэж нэрлэдэг ба өндөг нь шинэ амьдрал, туулай нь үржин төлжихийг бэлэгдэн өндгөн шоколад, молтогчин туулайны дүрс нь энэхүү баярын гол бэлэг тэмдэг болдог. Шоколад бие биедээ өгөх соёл сүүлийн 40 жилийн дотор бий болсон гэнэ. Өмнө нь өндөг будаад зөвхөн Sunday буюу нарны баярын өдөр өгдөг байжээ. 

Бид бямба, ням гаригийг хагас, бүтэн сайн өдөр гэж нэрлэдэгтэй ижил холидэй гэдэг үг нь ариун өдөр гэсэн үгнээс гаралтай. Ням гаригт бүх хүмүүс сүмд очиж ариусдаг байсан учраас ингэж нэрлэгдсэн. Сүүлдээ энэ нь баяр ёслолын өдөр гэсэн утгыг авчээ. Хэрэв анзаарвал дэлхийн бөмбөрцөгийн экватороос хойш орших олон улс, үндэстнүүд хавар цаг, нарны баярыг өргөн тэмдэглэдэг. Жишээлбэл манай ханш нээх өдөр, казак түмний наурызын баяр, бөө мөргөлийн хаврын их тайлган г.м

2. Easter

Загалмайтны шашны энэхүү том баярын гол түүх нь Easter Friday-д Иесусыг цовдлон хороосон өдөр бол бүтэн сайн өдөр нь түүний дахин мэндэлсэн өдөр гэж баярладаг юм байна. Жил бүр энэхүү баярын өдрүүд өөр өөр өдөр таардаг нь манай цагаан сартай ижил. Хаврын өдөр шөнийн тэнцлийн дараа тохиох эхний бүтэн сарын дараагийн баасан гариг. Зарим жилдээ католик болон үнэн алдартны урсгалын улаан өндөгний баяр давхцана. Заримдаа долоо хоногийн зайтай байх нь бий.  

Пүрэв гарагт нь Иесүс эцсийн удаа өөрийн дагалдагсад, найз нөхдийн хамт хоол идсэн Жүүд хүмүүс энэ үйл явдлыг CEDER гэж нэрлэн хамгийн сүүлийн оройн зоогийг нь дуурайлган хонины мах, гамбир, самар, алимны нухаш идэн тэмдэглэдэг. Тав дахь өдөр нь цовдлогдсон Иесусын зовлон шаналлыг бэлэгдэн hot cross bun буюу дээрээ хэрээс бүхий боов иддэг.

Сүүлийн дөчин жилд хэрэглээний зах зээлийн соёл нь энэхүү уламжлалт баярын бэлэгдэлт шинжийг ихэд өөрчилсөн гэж үздэг юм байна. Хэрээстэй боов, өндгөн шоколад нь тодорхой өдрөө бус жилийн туршид худалдан авах боломжтой. Сүмд очиж ариусдаг өдөр нь энгийн амралтын өдөр гэсэн ойлголт болсон г.м

Энэхүү хэрэглээний зах зээлийн соёл манайд сүүлийн үед маш хүчтэй нэвтэрч байгааг бид бэлхнээ мэднэ. Залуучуудын өргөн тэмдэглэдэг Валентины баяр нь үүний тод илрэл юм. Тийм болохоор худалдан авалт, хэрэглээг нэмэгдүүлэх зорилго бүхий иймэрхүү маркетингэд автахаасаа өмнө яагаад энэ баяр бий болсон, ямар учир утгатай эд болох талаар бага ч болов  бодож байгууштай.   

3. ANZAC Day

Australian and New Zealand Army Corps дэлхийн нэгдүгээр дайнд хатан хааны арми буюу англичуудтай нэг тал болон байлдсан. Дайны баатруудын алдрыг дурсахын тулд жил бүрийн 4 сарын 25-ныг амралтын өдөр болгон тэмдэглэдэг.

Хөөрхий, Францтай хамсарсан Английн эзэнт гүрний армид алба хааж байсан австрали, шинэ зеландчууд явган цэргийн хамгийн эхний эгнээнд зоригтойгоор байлдаж, ихээхэн хохирол амссан юм. Англичууд тэднийг эр цэрэг гэж үзэхээсээ илүүтэйгээр diggers буюу малтагч гэж доромж маягаар хэлцгээдэг байж. Ихэнхидээ фронтын шугам дээр хамгийн түрүүн дайран орж, бэхэлгээ, окоп ухах ажил хийдэг байсан тул энэ нэрийг авчээ.

Дэлхийн нэгдүгээр дайны хамгийн том тулаан нь Оттоманы эзэнт гүрний нийслэл Константинополь хотын орчимд болсон бөгөөд Галлиполигийн хошууны төлөөх энэхүү тулаан нь Туркийн тусгаар тогтнолын төлөөх тэмцэлд онцгой ач холбогдолтой байсан бол австрали, шинэ зеландчуудын хувьд тусгаар үндэсний ухамсрыг сэргээсэн түүхийн маш чухал үйл явдал гэж үздэг. Туркийн талын жанжин нь өнөөдрийн Турк улсыг үндэслэгч Ататюрк Мустафа Кэмэл Баша байлаа.

Харин австрали, шинэ зеландчуудын хувьд дайнд оролцсон нийт цэрэг эрсийнхээ дөрөвний нэгийг зөвхөн энэ тулаанд алдсан гэсэн тоо баримт байдаг. Үүнтэй ижил дэлхийн хоёрдугаар дайнд оросууд гол тулаандаа жижиг үндэстнээс бүрэлдсэн нэгжүүдийг эхний ээлжинд давшилтад оруулж байсан гэсэн баримт байдаг.  

Английн эзэнт гүрний нэг хэсэг байсан учраас алс хол Европт өрнөж буй дайнд австрали, шинэ зеландчууд очиж амиа алдсан гэдэг нь гашуун боловч үнэн түүх бол тусгаар тогтносон Монгол Улсын иргэд газрын зураг дээрээс л мэдэх Афганистан, Иракт очиж энхийг сахиулахаар “байлдаж” байгаа нь үүнээс ч “гашуун” юм. 100 жилийн дараа түүх бичигдэхэд бидний үр хүүхдүүд энэхүү үйл явдлыг дурсахын тулд “Ядуу улсын дурсгалын өдөр” тэмдэглэх ч юм билүү хэн мэдлээ дээ.

ЗАРЛАЛ

Mozzies Association is organizing an information session about Australian Leadership Scholarship.

The information session will be held on Monday, April 25, 2011 at 6:30pm at the Conference hall of Ministry of Finance (new building).

 Ms. Undarmaa, ALAS 2009 scholar and Ms. Tsetsgee, deputy program manager of Mongolia-Australia Scholarship program are kindly agreed to take part in this event and introduce about ALAS program and provide hints in application process and filling out application forms.

Cheers

VET Endeavor-Мэргэжил сонгох нь

Индээворын мэргэжлийн сургуульд суралцах тэтгэлэгт өргөдөл гаргах хүсэлтэй хүмүүст зориулав.

Гол шаардлага:

1. Австрали дунд сургуулийн 10 жилийн боловсрол эзэмшсэн 18 нас хүрсэн Монгол Улсын иргэн

а. 10-р анги төгссөн

б. 8-р анги төгсөөд хоёр жил коллеж, мэргэжлийн сургуульд суралцсан

2. Англи хэлний шалгалтын оноо нь тавьс буй шаардлага хангасан байх  (IELTS 5.0 тус бүр нь 4.5аас багагүй, TOEFL 510, бичиг. 4.0-оос багагүй)

3  Австрали мэргэжлийн сургуульд элсэн орсон урилга. Энэ урилган дээрээ чамайг уг сургуульд элсүүлэн сургахад бэлэн бөгөөд мөн Индээворын тэтгэлэг хүртэхэд дэмжиж байгаа утгатай үг, өгүүлбэр байх юм. Тийм болохоор сургуульдаа өргөдөл гаргахдаа энэ талаараа сайтар тайлбарлан ойлгуулж, энэ захиаг авсан байх ёстой.

Үүний дараа бүрдүүлэх материалын жагсаалтын дагуу бүх шаардлагатай материалаа бэлдээд, нотариатаар баталгаажуулна. Өмнөх жилүүдийн туршлагаас харахад дараахи чиглэлээр их анхаарах хэрэгтэй юм  байна билээ.

Дүнгийн хуудасны орчуулга, нотариат баталгаажуулж хавсаргахаас гадна дүнгийн хуудасны тайлбарыг мөн хамтад нь хийх хэрэгтэй.

А, Б, С Д дүнгээ 100 онооны системээр хэрхэн дүгнэдэг тайлбарыг хавсаргана.

Нийгмийн ажлын идэвхи, үүнийг тодорхойлох нотлох баримт.

Нийгмийн сайн сайханд чиглэсэн ажил гэдэг нь цалин, пүнлүү ашиг хонжоо харахгүйгээр хийсэн чиний ажил. Хүний эрхийн чиглэлээр жагсаал цуглаанд оролцсон, сургуулийн оюутны зөвлөл, ангийн сонгууль ажил, улс төрийн сонгуулийн кампанит ажилд оролцсон г.м-ээс гадна дунд сургуулийн урлагийн үзлэгт орж байсан зургаа хэрхэн зохион байгуулсан талаархи тайлбартайгаар хавсаргаж болно. Оролцсон зохион байгуулсан, удирдан манлайлсан ажил их боловч нотлох баримтыг сайтар хавсаргаагүй бол оноо хасагдана. Жишээлбэл. ДОХ-ын өдрөөр Эрх чөлөөний талбайд очиж жагссан, Архийг жигшэе аяны хүрээнд талбай дээр сор залах ёслолд оролцсон бөгөөд энэ тухай мэдээллийг www.news.mn вебийн англи хувилбарын УРЛ заагаад эсхүл сонин дээр гарсан мэдээллийг скандаад хийж болно. Мөн тэнд оролцсон гэдэг тодорхойлолтыг оюутны холбооноосоо аваад, эсхүл тодорхойлох захиан дээрээ энэ талаар дурдсан байж болно. Нийгмийн ажил гэдэг нь академик ур чадварыг үнэлэх биш тул олимпиад, уралдаан тэмцээний шагнал, медалиа хавсаргах хэрэггүй юм.

За ингээд болоод явчихаж байгаа юм. Харин мэргэжил сонгох тухайд бол уг мэргэжлээрээ ажиллаж байсан бол магадлал өндөртэй. Гэхдээ дараахи чиглэлээр сурвал манай улсад их хэрэгтэй байгааг бодож үзээрэй.

1. Онгоц, галт тэрэг,тээврийн хэрэгслийн техникч, засварчин, механикч

2. Уул уурхайн мэргэжил

3. Хөдөө аж ахуйн мэргэжил

4. Хоол, хүнсний технологи: бяслагачин, виночин, нарийн боовчин г.м

5. Холбоо дохиолол, аюулгүй ажиллагааны мэргэжилтэн

6. Гагнуурчин, цахилгаанчин, засалчин,

7. Хуванцрын үйлдвэрийн техникч

8. Ландшавт дизайн, цэцэгчин, модчин

Эдгээр нарийн мэргэжлээр Австралийн мэргэжлийн сургууль нь адвансед диплом буюу бакалаврын арай өмнөх боловсролыг олгоно. Адвансед дипломтой хүн дахиад нэг семестэр сурахад л бакалавр болдог.

Амжилт хүсье

Endeavor Award Open!!!

Энэ линкээр ороорой.

http://www.deewr.gov.au/International/EndeavourAwards/Pages/2012EndeavourAwardsOpen.aspx

Яах талаар будаа бичлэгүүдээс аваарай.

ТAFE-д оюутнуудын тоо энэ жил 6 ирэх жил 10 болох болтугай.

Австрали амьдрал: Australian rule football

Би гэдэг хүн хөл бөмбөгийн үнэн хорхойтой, МЮ-ийн улаан фэн шүү дээ. Зарим хүмүүс гайхаал байдын. Хөл бөмбөг гэдэг чинь багийн тоглолт, дээр нь хөлнөөс гадна толгой, толгой доторхитойгоо хамт сайн ажиллаж байж ялалтад хүрдэг тул нийгмийн хөгжилтэй төстэй санагдаад байдгийн.

Австраличууд өөрсдийн хөл бөмбөгтэй бөгөөд гар оролцдог энэ тоглоомоо FOOTY гэж нэрлэнэ. Жил бүр лигийн аваргаа шалгаруулна. Мужаасаа шалгарсан мундагчууд нь дээд лигт тоглодог.Өнгөрсөн амралтын өдрүүдээр явж австрали хөл, гартай бөмбөг үзлээ.

Adelaide Crows vs Freemantle Dockers. Энэ удаагийн тоглолт 50 мянган хүний суудалтай ААМИ стадионд болов. Миний танил гэр бүлээрээ энэ багийн мөнгөн гишүүн тул тоглолт бүрийг нь үзэх карттай. Өглөөнөөс эхлэн тоглолт үзэх бэлтгэлээ сайтар базаасны эцэст өвөө, ач хүү, миний танил бид дөрөв нэг баг болон хотын баруун хойд эргийг чиглэн гарлаа. Хэдийгээр стадион хүртэл үнэгүй автобус явдаг боловч машинаар 45 орчим минут явах газар автобус бараг цаг явна.   Миний өмнө огт очиж байгаагүй дүүрэг байсан бөгөөд хямд өртөгтэй орон сууц (public housing) зонхилсон дүүрэг болохыг надад тайлбарлаж өглөө. Тэр нь ч үнэн бололтой. Тоглолттой өдөр айлууд өөрийн хашаандаа машин тавиулж нэг машинаас 5 дойлуур олдог гэнэ. Стадионы гадаа зогсоол нь пиг дүүрэн, ойролцоогоор 8 дойлуур байдаг бөгөөд тэр мөнгө нь стадионы ашиглалтын зардалд нэмэр болдог.

Миний суусан хэсэгт жинкэн улаан фэнүүд буюу клубын гишүүд суудаг юм байна. Сандалны зөөлөвчөөс авахуулаад малгай, цамц, борооны цув, туг далбаа гээд бэлтгэлээ асар сайн базаасан хүмүүс суулаа.

Суудлын зөөлөвч

Тоглолтын дүрэм ерөнхийдөө энгийн. Зэрэгцээ гурван хаалганы голд оруулбал 3 оноо, хоёр захыхд бол 1. Талбай дээр нэг баг 18 тоглогчтой. Хаалгач байхгүй. Талбай нь зуйван бөөрөнхий. Бөмбөг нь мөн тийм хэлбэртэй. Бөмбөгний ойлт нь их эвгүй хаашаа ч байж мэдэх. Бөмбөгөө ойрын зайд гараар, холын зайд хөлөөрөө дамжуулна. Мөн газарт гүйдэл дундаа газарт ойлгон залах, эсрэг талын тоглогчоо араас нь татаж унагах г.м холимог хуурга шиг олон төрлийн дүрэмтэй юм. Харин гоолыг бол хөлөөрөө өшиглөж оруулна. Дайсны талбайн довтлох хэсэгт өшиглөсөн бөмбөгийг шууд хоёр гараараа тосч авч чадвал марк гэх ба энэ нь чөлөөт цохилт хийх боломж олгоно.

Хөгжөөн дэмжигчид өөрсдийгөө 19 дэх тоглогч гэж нэрлэнэ. Тоглолт эхлэхийн өмнө 19 дэхь тоглогчийн тусламж гэдэг ойлголт байх ба багийн тугийг өргөх үед “өнөөдөр бид нар 7 голоор багтаа туслана” гэж ярив. Учрыг лавлавал дайсны тал манай талбайд чөлөөт цохилт хийхэд нь ҮҮҮ гэж орилолдох ба хэрэв уг цохилт амжилтгүй болбол 19 дэхь тоглогч багтаа тусалсан гэж үздэг юм байна.

За ингээд тоглолт эхэллээ.

Тоглолт эхлэхэд багууд цаасан баннер зүсэн гарч ирдэг уламжлалтай. Их салхитай байсан тул айлчин багийн баннер салхинд урагдаад Баруун Австралийн Фриймантэл хотын Докерсууд энэ ёслолыг хийсэнгүй.

Элээнүүд нисээд ирлээ

 Энэ шар хувцастай нөхдүүд талбайн шүүгч. Бөмбөгийг газарт ойлгон тоглолтыг эхлүүлэх ба багууд бөмбөгний төлөө сагсан бөмбөг шиг үсэрнэ. Хэн сайн үсэрдэг нь бөмбөгөнд хүрэх юм байна. Бараг бие биенийхээ нуруун дээр мордчих юмөө. Мөн талбайн захаас бөмбөг оруулахдаа хажуугийн шүүгч буруу харж зогсож байгаад шидэх юм. Энэ нь хэн нэгэн рүү чиглүүлэхгүй гэсэн санаа юм байна.

Тоглолт 30 минут 4 үеэр талбайгаа сольж тоглов. Тоглолтын завсарлагаанаар хүмүүс идэх уух юм эргүүлцгээж, сайхан буу халах юм. Уламжлалт хоол нь meat pie. Мөн спонсор байгууллагын гоожуурын пиав зарж байв. Муу хүн идсэнээ гэж. Сайн хүн болж явснаа үргэлжлүүлэн бичье.

 Тоглоод л байлаа тоглоод л байлаа. Манай талынхан гол хийх бүрд нь стадион даяараа туг далбаагаа намируулаад л. Урд эгнээний шар куртикт байн байн босч ирээд ADELAIDE гэж хашгираад гурван удаа алгаа ташиж, хүн бүр дуурайн нэг хэсэгтээ уухайлав. Дуусахаар нь миний цаана зогсож буй алтан гишүүд “GO, GO, CROWS” гээл уянгалуулан дуудах юм. Саравчтай малгайт бол алтан гишүүн буюу бүүр часан улаан фэн. Би бас гайгүй, ягаарч байгаа фэн.

Ар талд бас нэг улаан фэн хүүхэн суусан. “Тэйлороо сайн байна, Малич чи гөлийчөөд хаашаа хараад байна. Гүйгээчээ, гол руугаа дамжуулаач”-аас эхлээд “тэнэг мулгуу, дүнкүү, ичиж үхмээр, мэдрэл муутууд, хуруунуудаа ажиллуулаач…” гээл явж өгчийнаа. ККК.

Ингээд тоглолт дууслаа. Дүн гарав. Элээнүүд нам хожигдов.

Тоглолтын тайлбарыг танилын маань 10 настай ач Заки хийсэн. Мөнгөн гишүүн бөгөөд өвөөтэйгээ ирж тогтмол үздэг, өөрийнхөө сургуулийн багт тоглодог. Сонирхолтой нь Элээнүүд багт баахан инженер, цөмийн физикч, усны хайгуулчин г.м боловсролтой хүмүүс байдаг гэнэ. Агресс буюу уур хилэн, түрэмгий зангаа бүтээлчээр илэрхийлэх боломжийг олгодог спорт гэж мэргэжилтнүүд үздэг гэнээ. Заки-ийн өвөө нь Архи, мансууруулах асуудал хариуцсан газрын дарга байсан бөгөөд фүүти яагаад Австрали соёлын нэг хэсэг болсныг тайлбарлаж өгөв.

Хөл бөмбөг тайлбарлагч Заки

Thank you David, Graham and Zaki for giving me an opportunity to experience Australian footy madness. And wish the Crows last till quarter finals this year. GO GO CROWS!!! 

Архи, тамхи, мөнгө, хөгжил

Нүүрномоор нэг “ДАЙН” болж байнаа. Үсэрч ороод хэдэн үг хэлсэн чинь залуу эдийн засагч нар алах гэжээнэ. Учрыг өгүүлсүү.

Энэ сарын 5-нд МОХ-оос санаачлан архины эсрэг жагсаал цуглаан Сүхийн талбайд зохион байгуулжээ. Архиар барам хийж, сор залаад их л сүртэй, дуулиантай болсон гэнэ. Энэ зөв буруу талаар хүмүүс санал бодлоо МОХ-ны албан тушаалтан, улс төрийн агуу идэвхитэй, Боловсролын яамны мэргэжилтэн залуугийн НН-д тавьсан зурагны доор илэрхийлжээ. Гол санааг дараахи байдлаар ангилж болмоор санагдав.

Эхлэл: МОХ хэлбэрдэж байна.

Өрнөл: Архи залуучуудын асуудал мөн тул үүнтэй тэмцэх нь зөв. 

Лоозогнол: Архийг жигшин зэвүүцэж уухаа болий, үйлдвэрүүдийг нь хаая, өөрсдөөсөө эхлэе

Хүний эрхийн тунхаглагчид: Горьд, боловсрол муутай, ухамсаргүйчүүд архи уудаг. Коммунистууд шиг шууд нухчин дарна ч гэж байхгүй шүү харин ч нэг.

Өнөөдрийн өнцгөөс харагсад: Архи гэмт хэргийн гаралтад хамгийн их нөлөөтэй. Би архигүй орчинд амьдармаар байна.  

Гадаадад ямар байдгийг жишээлэгчид “кинон дээрээс харахад” гээд явж өгчээ.

Хамгийн олон давтагдсан санаа:

1. Би биш, боловсролгүй, соёлгүй, ажилгүйчүүд архи уудаг.

2. Ерөөсөө хорих хэрэгтэй.

3. Архины үйлдвэрлэлийг хорихоор хэдэн баячууд л үйлдвэрлэж, зарж ашиг олоод ядуучууд улам ядуурах юм уу. Тэгш боломж байхгүй, шударга бус байна.

Энд зохистой хэрэглээ гэдэг санааг цөөн бус тооны хүмүүс гаргаж байна. Хамгийн гол нь зохистой хэрэглээ гэж яг юуг хэлэх вэ гээд тодорхой тоо, хэмжүүртэй хэлсэн чинь архины далд сурталчилгаа явуулсан тул хувьдаа архины үйлдвэртэй гэж хардуулав. Хөөрхөн ч юмаа даа.

Архи, архидалт гээч нийгмийн үзэгдлийг үнэлэх гээд үзье

Эдийн засгийн дэд бүтций хувьд

-Үндэсний манлай татвар төлөгчид хэн бэ?

-Газар тариалангийн бүтээгдэхүүний гол худалдан авагчид хэн бэ?  

-Хоршоо дэлгүүрийн ашиг орлогын гол эх сурвалж ямар төрлийн бүтээгдэхүүн байдаг вэ?

-Чанараа алдалгүй хадгалагддаг үйлдвэрлэлийн зардал харьцангуй багатай бүтээгдэхүүн юу вэ?

Нийгмийн дэд бүтцийн хувьд:

-Баяр ёслолоор архи хэрэглэдэггүй өрхийн тоо хэд вэ?

-Нэгж хороололд ногдох архины дэлгүүр, паб, уушийн газрын тоо?

-Архинд хандах хүмүүсийн нийтлэг хандлага юу вэ?

Улс төрийн дэд бүтцийн хувьд.

-Энэ төрлийн бизнест шийдвэр гаргагчдын ашиг сонирхол хувь хэмжээ хэд вэ?

-Намуудын санхүүжилтэд эдгээр бизнсеийн хандивын хувь хэмжээ хэд вэ?

Ийм сүлжээг ганцхан цавчилтаар таслах боломжгүй учраас яавал асуудлыг шийдэхдээИ бодит үр дүнд хэрхэн хүрэх вэ гэдгийг нь бодсон нь илүү дээр байх. Хамгийн ойрын жишээ: ОХУ. 90-ээд оны задралын дараа дэлгүүрт хамгийн олон төрөл байсан бараа архи, согтууруулах ундаа байлаа. ТВ-ээрээ ч ичихгүйгээр сурталчилдаг байв. Хэрэв анзаарвал оросын сувгуудаар пиво маш их сурталчилдаг, үүнийгээ дагаад сүүлийн 10 жилд согтууруулах ундааны хэрэглээгээ өндөр градустайгаас бага градустай руугаа шилжүүлж чадсан гэж мэргэжилтнүүд үздэг юм байна лээ.

Манлай татвар төлөгчдийнхөө бизнесийг шууд хаах боломжгүй юм чинь пиав хэрэглээг багасгах арга хэмжээ авбал илүү үр дүн гарах байх. Хэрэглээг багасгах хоёр арга байна.

1. Худалдан авах бололцоог хязгаарлах. Гадаадад байгаа архины төрөлжсөн дэлгүүрийн лицензийг олгохдоо хүн амд ноогдох дэлгүүрийн тоогоор олгодог. Австралид лав 25 мянгад нэг юм байна. Нийслэлд хэдэн жилийн өмнө үүнийг нэвтрүүлэх гээд чадаагүй. Гол шалтгаан нь сонгуулийн өмнө овоо хэдэн өрхийг амжиргаанаас нь салгах гээд байсан гэнэ лээ.

Татвар өсгөж үнэ нэмэх, савалгааг томруулах бас нэг арга байна. Мөн согтууруулах ундаа зарах насны доод хязгаарыг нэмэгдүүлэх

2. Сонголтод нөлөөлөх арга зүй. Энд зохистой хэрэглээ гээчийг сайтар толгойд нь суулгах юм. Гол санаа нь эрүүл мэнд, эрхтэн системдээ өөрчлөлт оруулж, хяналтаа алдчилгүйгээр согтуурах арга. Энэ нь нэг цагт хүний элэг цэвэршүүлж чадах спиртын хэмжээтэй уялдаж гарсан хэмжигдхүүнийг нэгж болгон авч үзээд тооцоолох арга зүй.

Нэг цагт өөрт хор холбогдолгүйгээр уух согтууруулах ундааны хэмжээ

4 сарын 1

Да да да? Ха ха ха.