Австрали амьдрал: TV

Аливаа улсын амьдралын хэв маягийг ТВ нэвтрүүлгээс нь харах боломжтой гэж боддог. Австралид улсын мэдлийн 1 хувийн 5 сувагтай. Эдгээр сувгууд бүгд 2 сувагтай. Тийм болохоор арван хэдэн суваг гараад байх шиг байгаа юм.

Улсын мэдлийн суваг ABC-гийн Ази, Номхон далайн орнуудад зориулан цацдаг суваг нь манай Сансар кабель сувгаар гардаг. 4 цагийн үед гардаг англи хэлний нэвтрүүлэг нь хэл сурч буй хүмүүст их зүгээр юм байна лээ. Энэ сувгийн мэдээ нь нэг талыг баримтлаагүй, төв шударга байдаг. Мэдээ гэснээс манай цагийн хүрдтэй төстэй мэдээ орой тодорхой цагаас нэг удаа гардаг. Бусад үед нь News Update гээд хоёр, гурван минутад багтаан тойм яваад “More to come at the News 7 o’clock”  geel orxino. Энд ирсэн нэг дарга австралийн мэдээ гэж үнэн хөгийн, нээх жоохон гээд уурлаад байсан. Масс медиагаар тархиа угаалгаад хэрэгтэй, хэрэггүй мэдээллээр толгойгоо дүүргэсээр байгаад тэрүүндээ донтчихсон тул тийм хөнгөн чанарын юм явахаар ойлгохгүй байх нь аргагүй юм даа. Мэдээний төгсгөл дандаа сэтгэл өөдрөг болгохоор сайхан, хөөрхөн мэдээллээр төгсгөхийг хичээцгээдэг. Одоогоос хэдэн жилийн өмнө дөө, манай үндэсний ТВ-ийн оройн хөтөлбөр нь атомын бөмбөгний хор уршгийн тухай их хүнд нэвтрүүлэг гарч байж таарч үзсэн би шөнөжингөө хар дарж зүүдлээд, өглөө нь хачин царайлсан амьтан босч ирсэн юм даг. Тэгж байхаар ихэр ботго төрлөө ч юм уу, эсвэл цэцэрлэгийн хүүхдүүдийн найрал дуу ч юм уу тийм юмаар төгсгөвөл гоё доо. Гэхдээ тольтроо сурвалжлагчийн тайлбаргүйгээр шүү.

Сурвалжлагч, нэвтрүүлэгч нарын хувьд шалгуур өндөртэй, хэл ярианы хөгжил маш сайн байх нь хамгийн гол шалгуур.   Түүнээс заавал туранхай, царайлаг, залуу гэхгүй. Манайд нэвтрүүлэгч Чимгээ, Цоодол шиг нэг их гоё, сонсоол баймаар хоолойтой сурвалжлагч нар ховор юм даа.

ТВ гэдэг үзэл суртлын маш хүчтэй зэвсэг. Харах, сонсох мэдрэхүйд зэрэг хүрдэг тул өгч буй мэдээлэл нь хүний тархинд илүү баттай хадгалагдан үлддэг учраас манай хөрөнгөтнүүд ТВ-д эзэн суух хоббитой байдаг нь тэр. Тийм болоод Ерөнхий сайд өнөөдөр хэнтэй уулзаж, хэн рүү харж мишээснээс эхлээд Иракт хэдэн хүн үхсэнийг бид мэддэг. Хэрэв анзаарвал манай мэдээний лав 10 минут нь эрхтэн, дархтангууд хаашаа, хэнтэй явсан талаар БҮХ сувгаар гардаг. Бүүр байчихаад тусад нь “Монгол Улсын Ерөнхий сайд Франц Улсад” нэвтрүүлэг бэлдэж гаргах нь ч бий. Саяхан эндхийн Гадаад хэргийн сайд сөрөг хүчний шүүмжлэлд хэмх нүдүүлэв. Оны эхний 3 сард гадагшаа явсан нь өмнөх сайдуудын нэг жилийн нормыг давсан гэнэ. Мөн байгаль орчинд найртай Тоёота Приус унадаг боловч нислэгээрээ байгальд үлдээсэн мөр нь хэдэн ширхэг хуучин машин хэрэглэж байгаатай тэнцэнэ гээл авч өгсөн байна лээ.

Манай ТВүүдтэй ижил, арилжааны сувгуудаар ТВ реклам их гарна, гэхдээ тэр нь тодорхой хугацаатай. Манайхаас ялгаатай нь рекламан дундуур кино гаргах биш, кинон дундуур нь зар сурталчилгаа явна. Жишээлбэл, дор хаяж 15 минут нэвтрүүлэг тасралтгүй явсны дараа 2 минутаас илүүгүй реклам гарах ёстой.

Гарч буй кино бүр кодтой. Бүх кино нь манайхаар бол Хэрэглэгчдийн эрх ашгийг хамгаалах газар гэх юм уу тийм байгууллагаар орж үнэлгээ авсан байх ёстой бөгөөд тэр үнэлгээний код нь кино эхлэхийн өмнө гардаг. Кино театрт мөн адил. Тийм болохоор гэр бүлээрээ кино үзэж суутал хэт задгай үйл явдал харуулсан кино гарч эцэг, эхийг байдалд оруулах явдал гарахгүй. Тодорхой мэдээллийг эндээс авч болно. http://www.classification.gov.au/

Нэвтрүүлгийн агуулгын хувьд янз бүрийн хоол хийдэг, цэцэрлэг, садаа тохижуулдаг, засвар хийдэг, аяллын нэвтрүүлгүүд хамгийн их. Энэ нэвтрүүлгүүдээр хийсэн зүйлс нь адилхан нэртэй сэтгүүл дээр гарах бөгөөд бизнесийн синержи үүсгэж чадсан тул их амжилттай ажилладаг юм. Америкт Марта Стюарт, Опра Винфри гэх мэт хүмүүс өөрсдийн нэрээ брэнд болгон зөвхөн энэ брэндийг сурталчлах ажиллагааны хүрээнд ТВ нэвтрүүлэг, сэтгүүл, радио, видео үйлдвэрлэл г.м олон нийтийн мэдээллийн хэрэгслүүд ажилладаг. Хэрэв Т цаг, Танайд хоноё, Үүргэвчтэй аялал гээд манай ТВ-ийн одууд толгойгоо сайн ажиллуулбаас Монголд энийг хийх бүрэн боломжтой.

Сүүлийн үед хоолны нэвтрүүлгүүд нь аяллын шинжтэй болж, Вьетнам, Итали, Грект очиж тэр хоолыг нь хийдэг болсон байна лээ. Энэ нь аялаад явах боломжгүй боловч тэнд очсон мэт тийм сэдэл төрүүлэх зорилготой хийгдэж байгаа бололтой. Жишээлбэл, Солонгосын Жежү арал дээр манайд олдох боломжтой хүнсний зүйлсээр хоол хийгээд 25-р ТВ үзүүлбэл, Скай худалдааны төвийн борлуулалт лав нэмэгдэнэ дээ.

Энд үдээс хойш ихэнхидээ Америкийн ток-шоу, сериал кинонууд гардаг.  Зохиогчийн эрхийн хууль маш чанга учраас дэлгэцэнд гараад дор хаяж хоёр, гурван жил болсон кино ТВ-ээр гардаг. Тав дахь өдөр гайгүй америк кинонууд гарна. SBS гэдэг сувгаар орон орны кино титрэн орчуулгатай гардаг. Сүүлийн үед Хятад, Хонгконгийн кино их гарах болсон. Бас Монгол, Шар нохойны дууль өнгөрсөн жил гарч байсан.

Ерөнхийд нь хэлэхэд зарим нэг нэвтрүүлгийг эс тооцвол ТВ-ээр үзэх юм бага. Манайхан шиг суваг солиод кино биш болохоор яг өөрийн товлож үздэг киноноос бусдыг бол нэг их тоож үздэггүй.

Цөмийн хаягдлын эргэн тойронд.

Ойрд чинь манайхан бүгдээрээ цөмийн хаягдлын эргэн тойронд шуугиж байнаа.

http://golomt.org/2011/05/20/chronicles/

Үүнээс харахад олон нийтэд мэдээлэл байхгүй байгаагаас ХАРДАЛТ өндөр түвшинд байгаа юм байна. АЦС барих халхавчин дор эсхүл уран олборлолтын хүрээнд ӨӨРИЙН хаягдлыг ӨРӨӨЛИЙН хаягдалтай нийлүүлж булах БУЛХАЙ явж байх магадлалтай учраас хүмүүс эсэргүүцэж байна гэж би хувьдаа ойлгосон. Мэдээж тэр булхайн ард маш их МӨНГӨ байгаа. Олон улсын жишигт ураны баяжмал үйлдвэрлэсэн бол нийлүүлсэн баяжмалаас гарсан хаягдлаа буцаагаад авдаг юм байна л даа. Гол асуудал нь АЦС, цөмийн эрчим хүч, уран олборлолт бидэнд хэрэгтэй, үгүй дээр маргаж байгаа юм байна.

Үнэхээр энэ хөгжилтэй орнууд нь цөмийн эрчим хүчнээс татгалзаад байхад яахаараа манайхан тэр зүг рүү нь зүтгээд байдаг юм? Эсвэл хөгжлийн жамаараа яваа болохоор модоо нүүрсээр, дараа нь уранаар солиод түүний дараа тэр байгаль орчинд хоргүй технологидоо хүрэх юм болов уу? Гэхдээ өмнө энэ замаар явсан хүмүүсийн туршлага бэлхэнээ байхад яахаараа ч заавал ӨӨРИЙН биеэр МЭДРЭХ гээд байдаг юм?

Нэгэнт ардчилсан, олон ургальч үзлийг хүлээн зөвшөөрсөн  нийгэмд амьдарч байгаагийн хэрэг юу билээ, хүмүүс үзэл бодлоо илэрхийлэх эрхтэй. Асуудал хэн илүү эх орончдоо байгаа юм биш. Үзэл бодлоо илэрхийлж байгаа арга, хэлбэр нь асуудлыг өндөрт гаргаад  байна.

1. Ундраа гэдэг хувь хүнийг доромжлох нь арай дэндэж байна. Сэтгэгдэл дээр элдэв юм бичиж буй хүмүүс МАНАЙ нийгмийн үндсэн дүр зураг.
2. Нэг талыг барьсан мэдээллээр хүмүүсийн тархи угааж зохиомол ДЭМЖЛЭГ үүсгэхээр чармайж байгаа эвэртэн туурайтнуудыг харахаар зэвүү, дургүй хоёр зэрэг зэрэг хүрч байна. Тийм болохоор хүмүүс эсрэг талын байр суурийг маш их сонирхон хүлээж аваад байна шүү дээ.
3. Амарлин өөрт байгаа мэдээлэлдээ тулгуурлаад сайн нийтлэл бичсэн. Тэрийг нь сониныхон шүүрч аваад сайхан дэлгэрүүлснээрээ хүмүүст эсрэг байр суурьтай мэдээлэл хүрсэн.

Тэгэхээр эх оронч биш мөн гэж маргахаасаа өмнө асуудлын ГОЛ нь юундаа байгааг олж хараад холбогдох БОЛОМЖИТ мэдээллийг судалж үзсэний дараа байр сууриа илэрхийлбэл уг нь их зүгээр байна даа. Боломжит гэдгийн хувьд үндэсний аюулгүй байдалтай холбоотой нууцын зэрэглэлтэй мэдээллийг бид авах боломжгүй учраас байгаа мэдээлэлдээ логик гаргалгаа хийх боломж бидэнд байна.

Миний байр суурь гэвэл энэ :https://alimaa.wordpress.com/2010/12/03/uranium-vs-%d0%b1%d0%b0%d0%b9%d0%b3%d0%b0%d0%bb%d1%8c-%d0%be%d1%80%d1%87%d0%b8%d0%bd/

ADS 2013 Announcement

MONGOLIA-AUSTRALIA SCHOLARSHIPS PROGRAM (MASP)

 

2013 AUSTRALIAN DEVELOPMENT SCHOLARSHIPS FOR MASTERS’ DEGREE STUDY IN AUSTRALIA

 

The Government of Australia through the Agency for International Development (AusAID), in cooperation with the Cabinet Secretariat of the Government of Mongolia, is pleased to announce that 38 scholarships are being awarded to individuals to undertake Master’s degree studies at Australian Universities commencing in either January or July 2013.

The scholarships are made available through the Mongolia – Australia Scholarships Program (MASP). The scholarships are available under two targeted categories. Category 1 is for applicants from target ministries and their associated agencies. Category 2 is restricted to targeted fields of study but open to applicants from the public and private sectors, as well as non-government organisations.

 

Category 1 – Targeted Institutions 

21 scholarships are available under Category 1 for core staff and staff of the associated agencies of the: Cabinet Secretariat of the Government of Mongolia, Civil Service Council, Ministry of Defense, Ministry of Education, Culture and Science, Ministry of Finance, Ministry of Food, Agriculture and Light Industry, Ministry of Foreign Affairs and Trade, Ministry of Mineral Resources and Energy, Ministry of Health, Ministry of Justice and Home Affairs, Ministry of Nature, Environment and Tourism, Ministry of Roads, Transportation, Construction and Urban Development, Ministry of Social Welfare and Labour, the offices of the President, Prime Minister, Deputy Prime Minister, First Deputy Prime Minister, Parliament and Supreme Court.              

The scholarships will be awarded following capacity building needs identified in ministry human resource development plans.

Category 2 – Targeted Fields of Study

17 scholarships are available under Category 2, on a competitive basis, for Masters programs covering the following target fields of study:

Mining/Mining Engineering, Construction Engineering, Energy and Natural Resources Law, Resource Economics, Renewable Energy, Coal Technology, Nanotechnology, Biotechnology, Environmental Studies relating to Resource Development, Agricultural Economics and/or Marketing, Infectious Plant Diseases, Pasture Management, Actuarial Studies, Non-Bank Financial Regulation, Epidemiology and Public Health, Reproductive Health, Gender and Women’s Development Studies, Human Rights, Teaching English to Speakers of Other Languages.

Eligibility Criteria:

 

The following criteria apply to be eligible:

• be a Mongolian citizen and resident;
• not hold or have held an Australian government-funded scholarship in the preceding 12 months at time of application;
• be a full-time employee with the current Employer for at least a continuous 2 year period of work experience at the time of application;
• be holding a bachelor degree (or equivalent) qualification from an academic institution recognized by Australian universities;
• be willing to undertake a medical and meet Australian visa requirements;
• be willing to return to work for their respective employer for a period of not less than 2 years following the completion of studies;
• have the approval of their employer;
• have a level of English equivalent to an average IELTS level of 5.0 or above; and
• provide an expression of interest (completed application form) including an outline of a proposed study Action Plan (both in Mongolian and English languages) and an academic transcript from a recognized Mongolian tertiary institution;

 

English language training in Mongolia will be available to successful applicants to improve their English language skills to meet the requirements of Australian universities of 6.5 IELTS with no band score below than 6.0.

 

Contact Details

Applicants interested in Category 1 should contact the Public Administration and Management Department of their Ministries for further information and application forms. Additional information for Category 2, including the targeted fields of study scholarships, is available from the MASP Office at:

Suite 201, Building 8, Behind IT Park, Ulaanbaatar, Mongolia;

Telephone:  (976 11) 318852; Fax:  (976 11) 322284;

Website: www.masp.mn. Email: masp@magicnet.mn

A briefing session for Category 1 will take place at the Altai Conference Hall, Kempinski Hotel,  on Monday, May 16, 2011 at 10:00 am. A briefing session for Category 2 will be held at the Altai Conference Hall, Kempinski Hotel on Monday, May 16, 2011 at 3:00 pm.

 

Closing Date for Applications

Monday, June 6, 2011 at 10:00 am at MASP office.

Tutti frutti

1. Австралийн Сангийн сайд нь төсвийн төслөө Парламентдаа өргөн барив. Сөрөг хүчний хамгийн сайн тоглолт:

Рой Вайят. (Либерал нам, хамгийн залуу сенатор)

“Би 21 настай. Миний амьдралын түүхэнд Австрали Улс төсвийн шинэтгэл хийх амлалт хэрэгжиж, төлөвлөсөн хугацаанд зарлагаасаа давсан орлоготой байж үзээгүй.” ПАУЗ. “Тийм болохоор таны төсөлд би яаж итгэх вэ?”

2. Дутуу тээлттэй хүүхдийн хөгжил

Хугацаагаа гүйцээгүй төрсөн буюу 40 долоо хоногоос дутуу тээлттэй 90-ээд оны дундуур төрсөн хүүхдүүдийн дунд хийсэн судалгааны дүн уншив. Долоо хоногоор хэмжигдэх тээлтийн хугацаа богиносох тусам хөдөлгөөн, эвслийн асуудалтай болж өсөх магадлал нь ихэсдэг гэнэ. Нялх, балчир насандаа энэ нь мэдэгдэхгүй боловч сургуульд орсны дараа хөдөлгөөний болон оюун ухааны хөгжил нь хоцорч эхэлдэг ба эцэг эхчүүд, сурган хүмүүжүүлэгч нар энэ тал дээр анхаарахгүй бол амжилтгүй сурах нэг үндэс болно гэж дүгнэжээ.

3. Англид бага сургуулийн багшийг “Хүүхэдтэй зүй бус харьцсан” гэдэг үндэслэлээр ажлаас нь халжээ. 5 настай нэг жаал сургуулийн завсарлагын үеэр хичээлдээ орохгүй талбай дээр тоглоод байсан тул захирлыг орлож байсан 20 жил ажиласан туршлагатай багш уг нөхрийг сугаар нь тэврээд өргөөд ангид нь оруулчихаж. Энэ үйлдэл нь камерт бичигдэж үлдсэн ба “хүүхдэд хүч хэрэглэсэн” гэж үзээд захирал нь буцаж ирэнгүүтээ халжээ. Ажлаасаа халагдсан багш хэлэхдээ “сургуулийн орчимд өмнө ял шийтгүүлж байсан хүн харагдсан тул уг хүүхдийн аюулгүй байдлын үүднээс ингэхээс өөр арга байгаагүй” гэжээ. Мэдээж эхлээд ангийн багш нь шаардаж нэг, аргадаж нэг, гуйж нэг үзээд дийлдэхгүй болохоор нь захирлын үүрэг гүйцэтгэгчийг дуудсан байж таараа. Хүний эрх, дураараа хүүхдийг өөрөөр яалтай ч билээ дээ. Ямар манайхан шиг ороолгоод хаяж болох биш.

АВСТРАЛИ ТӨСӨВ

Ирэх жилийн улсын төсвийн хэлэлцүүлэг эхэлж байна. Энд санхүүгийн жил 7 сард эхэлж 6 сард дуусдаг. төгссөн залуугийн хэлснээр “коммунизм гэж энийг л хэлэх байх” гэмээр хүн төвтэй энэ улс нийгмийн халамжийн бодлогоо чангатгаж эхэллээ. Хамгийн сонирхолтой нь зүүний нам засаг барьж байгаа үед либералуудын тэлсэн халамжийг ёстой хуних бодлого барьж байгаа юм.

Хамгийн гол өөрчлөлт нь урт хугацаанд ажилгүй байгаа, халамжаар амьдрагчдыг буцааж ажлын талбарт татан оролцуулах стратегитэй.  Ингэснээрээ

• Хамгийн урт хугацаанд халамжлуулсан хүмүүсийг онцолж, “тулж ажиллана”.
• Хөгжлийн бэрхшээлтэй, группд байдаг хүмүүс тэтгэмжээ алдалгүйгээр хагас цагаар хөдөлмөрлөх боломжтой болно.
• Залуучууд, ганц бие эцэг, эхийг хөдөлмөр эрхлэхийг дэмжих
• Бүтээмжийг нэмэгдүүлэх, халамжаас хамааралтай байдлыг багасгах

Миний танилын яриагаар бол цагаачилж ирсэн хүмүүс нь хүүхэд гаргаад ганц бие гээл мөнгө аваад ажил хийлгүй, элдэв хөнгөлөлт, халамж, тусламж эдлээд суучихдаг. Тэр орлого нь гүрийтлээ ажил хийж, татвараа үнэнчээр төлсөн хүний орлоготой тэнцдэг гэнэ. Цагаачдыг ихээр оруулж байгаа нь ажиллах хүчээ сэлбэх болохоос амруулах биш учраас СОРРИ гэжээнэ. 

Мөн нэгэнт ажиллах хүчний дутагдалтай байгаа учраас өөрсдийн нөөц бололцоогоо ашиглаж,, ажилгүйдлийн тэтгэмж олгох нөхцлийг чангатгана. Ерөнхийдөө халамж улсаасаа татгалзаад хөдөлмөрчин улс болохнээ.

PS: Tutti Frutti гэдэг нь олон зүйлсийн талаар бага багаар гэсэн утгатай итали үг.

Үзсэн киногоо бодит амьдралд хөрвүүлэх нь

Америкийн тусгай албадын 50-60-аад онд хийж байсан нууц туршилтууд, хөөрхий ядуу оронд төрийн эргэлтээр гарч ирсэн зүүний үзэлтнүүдийг устгах ажиллагаа, төлөвлөгөөний талаар баримтат кино үзлээ. Мэтт Дэймоны тоглосон Борн цуврал кинон дээр гардаг үйл явдлууд бодит амьдралтай ойрхон талаар өгүүлж байна. Жишээлбэл, ухаан санааг нь түр самууруулж, алуурчин болгож хувиргадаг туршилтыг хийхдээ гипноз, тариаг ашигладаг байсан бөгөөд сэтгэл мэдрэлийн эмнэлгийн өвчтөнүүд, биеэ үнэлэгч г.м нийгмийн хамгийн эмзэг бүлгийн хүмүүс дээр туршилт хийдэг байсан нь сүүлд мэдэгдэж бөөн хэрүүл шуугиан үүсгэж байсан юм байна. Тэгээд яахуу дээ шүүхдэж, заргалдсаны эцэст хэдэн төгрөг өгөөл асуудлыг хаажээ.

Борн нэг хар нөхрийг Лондонд алах гэж өрөөнд нь орчихоод даалгавар гүйцэтгэхгүй гарч ирдэг хэсэг нь бол Конгын удирдагч асан Патрисия Лумумбыг (Москвад байдаг Улс түмний найрамдлын их сургууль түүний нэрэмжит) хороох нууц төлөвлөгөөнөөс сэдэвлэсэн гэнэ. Ийм төлөвлөгөө байсныг тухайн үед тус улсад ажиллаж байсан АНУ-ын элчин сайдын яамны ажилтан/гатнуул саяхан үхэхээсээ өмнө дэлгэж бөөн юм болсон юм байх. Гэхдээ хөөрхий Лумумба босогчдын гарт үхсэн бөгөөд тэр босогчдын санхүүжилтийг АНУ хийж байсан байна.

Усама Бин Ладенг бол нууцсаад байлгүйгээр алчихжээ. Тэглээ гээд нөгөө хүнлэг, энэрэнгүй, христийн шашинт америкчууд баярлаад байх юм. Яасан их үзэн ядалт вэ? Өдөрт нь оршуулдаг лалын ёсны дагуу тэр өдөрт нь хүүрийг нь далайд хаясан гэхчив. Зуз, зуз, зуз, мөн энэрэнгүй хүмүүсээ? Хөөрхийг Аллахтайгаа уулзах замыг нь сайхан шулуухан болгосон байна. Бас дээр Садам Хуссэйныг барьчихаад сахал үсэндээ баригдсан тэр амьтны ам хамрыг нь татаж үзээл байсан. Тэр үед нь хүний эрхийн төлөө тэмцэгчид хүний нэр сүрийг гутаан доромжилж байна гээл хэл ам хийж байсансан.  Бин Ладеныг устгасан ажиллагаа нь өөрөө алдаатай байсан эсэх талаар өөр өөр мэдээллүүд гараад сүүлдээ ийм хүн байсан ч юм уу үгүй ч юм уу гэж эргэлзэхэд хүргэж эхэлж байна. Зартай алан хядагч, америкийн хамгийн том дайсанг устгах нь шударга ёсонд сайхан нийцэж буй боловч хүн ёсны зарчим, ёс зүйд лав огтоосоо нийцэхгүй. Гэхдээ нөгөө талдаа амьдаар нь баривчлаад Гуантаномо Бэйд хорьж, хэдэн жилийн өмнө бөөн дуулиан шуугиан тарьдаг зурагнууд шиг доромжлох бол яршиг зүгээр буудуулаад үхсэн нь дээр ч байж магадгүй юм.

Уг баримтат кинон дээр гарсан нэг сонирхолтой зүйл нь хоёр Солонгосын дайны үед олзны Америк цэргүүдийн хийсэн мэдэгдэл байлаа. Нөгөө эх оронч сайхан залуус чинь “Муусайн янкууд бол адгийн амьтад, жигшин зэвүүцье” гээл мэдэгдэж алдаж байна. Яаж чиг тамлаж доромжилсон байсан бэлтгэгдсэн хүмүүсийн хувьд долоохон хоногийн дотор үзэл бодол ингэж 180 градус өөрчлөгдөх боломж байхгүй учир тусгай психотронны бодис хэрэглэсэн гэж үздэг юм байна. Тусгай бэлтгэл гэснээс Америкийн ТТГ-ын тусгай бүлгийн мэргэжилтнүүдийг бэлтгэхдээ гарын доор материал ашиглан хамгийн бага энерги зарцуулан хэрхэн зодолдож сурахаас эхлээд  олзлогдсон үед байж болох бүх сценариар ажиллуулдаг. Ингэснээр мэдэхгүй зүйлээс айхгүй, эмоцио хамгийн бага түвшинд байлгах боломж олгож, контролоо алдахгүй байх сахилгад сургадаг гэнэ. Боломжтой бол сурчихмаар л ур чадварууд байна.

“Мона Лиза инээмсэглээрэй”. Жулиа Робертс, Кирстэн Данст-ын тоглосон энэ киног өмнө нь үзээгүй байсан бөгөөд бас их үзүүштэй кино байлаа. Тавиад оны үед эмэгтэйчүүдийн коллежид багшилж буй залуу эмэгтэй оюутнууддаа хэрхэн өөрийн биеэр үлгэрлэж байгааг харуулжээ. Баян чинээлэг айлын  охидод уг сургуулийн уламжлалт номлолоос өөр үзэл бодлыг урлаг судлалын хичээлээр дамжуулан олгож байгаа нь оюутнуудын болон захирал, эцэг эхийн эгдүүг барж байгааг харуулжээ. Хамгийн гоё хэсэг нь тухайн үеийн рекламны постер дээрхи хормогч зүүсэн эмэгтэйчүүдийг слайдаар үзүүлж дуусаад “Та нар  үр хүүхэд, дараа үедээ өөрсдийнхөө тухай ямар имиж, мэдээллийг үлдээж байгаагаа ойлгож байна уу?” гэж цөхрөнгөө баран асууж байгаа нь. Киноны төгсгөлд тэр үеийн гоо бүсгүй шалгаруулах тэмцээний даалгавруудыг хараад нулимсаа гартал инээлээ. Орны даавуу солих, хүүхдээ өлгийдэх, тоос соруулах, хоол хийх гэх мэт даалгаврыг Олимпийн тамирчин лугаа адил цагтай уралдан гүйцэтгэж байх юм.  Би мэт нь орвол юу вэ сүүлээсээ шууд нэгд орох юм байна л даа.

Австрали ээж маань намайг инээхийг хараад хүйсийн тэгш эрхтэй холбоотой хэдэн түүх ярьж өглөө. Түүнийг коллеж төгсөөд багшилж эхлэхэд эмэгтэйчүүдийн цалин эрэгтэйчүүдийнхээс 30 хувь бага байсан бөгөөд түүнтэй хамт ажилладаг эрэгтэй нэртэй багш эндүүрлээс болоод эрчүүдтэй ижил цалин авдаг байжээ. Оны эцэст энэ нь баригдаад илүү авсан цалингаа буцааж тушаахыг шаардахад ГОРЬД гэж хэлсэн гэнэ. Мөн тэр үед гэр бүлгүй эмэгтэйд жирэмслэлтээс хамгаалах эм бичиж өгдөггүй байсан тул найздаа тэр эмийг нь авч өгдөг байсан гэнэ. Хашир том гэдэстэй байхдаа эмчээсээ бичиг авах гээл очсон чинь эмчийнх нь нүд ар шил дээрээ үсрээд гарчихсан гэсэн. Ха-ха-ха

Жирэмслэлтийг төлөвлөх боломж нэмэгдсэнээр эмэгтэйчүүдийн амьдралд жинхэнэ хувьсгал гарсан юм. Нэгэнт жил дараалан хүүхэд гаргах нөхцөл байхгүй болсон учраас сурч боловсрох, тогтвортой ажиллах, тушаал дэвших г.м боломжууд бий болж энэ хэрээрээ цалин пүнлүү өссөн нь тэдний өөртөө итгэх итгэлийг нэмэгдүүлж, феминизм хөгжлийн гараандаа гарчээ. Түүнээс хялбараар томъёолбол гэр бүлтэй болсны дараа ээж болж, үр хүүхдээ асран хамгаалах үүргийг гүйцэтгэдэг учраас ажил хөдөлмөр тогтвортой эрхлэх боломжгүй, иймд ном эрдэм сурах хэрэггүй, харин гэрийн ажилд сайн байх, сайхан хоол хийдэг байх, хадмуудаа халамжлах г.м айлын эзэгтэйн үүрэг гүйцэтгэхэд шаардлагатай чадвар охидууддаа эзэмшүүлэхийг эцэг эх чармайдаг байсан нь тухайн үеийн хэрэгцээ, шаардлагадаа зохицсон шийдэл байжээ. 

“Би лав залуу байхдаа ХЭЗЭЭ ч эмэгтэй, тэгээд бүр нөхөрт гараагүй эмэгтэй Австралийн Ерөнхий сайд болно гэж бодож байгаагүй. Тийм болохоор танай улс ч гэсэн өөрчлөгдөнөө” гэж Австрали эмээ нар хэлж байсан. Тийм болохоор бидэнд ч гэсэн найдлага байна. Намайг тэтгэвэрт гарахад манай улс эмэгтэй Ерөнхий сайдтай болчихоод ахмадуудад үзүүлдэг нийгмийн үйлчилгээнд хувьсгал хийх ч юм бил үү хэн мэдлээ. Харин тэр Ерөнхий сайд эмэгтэй зөвхөн өөрөө мундагтаа биш энэ боломжийг олгохын төлөө мятрашгүй тэмцсэн Жулиануудаа дурсаж байвал болох нь тэр.

Ажилд авах зар

http://economics.gogo.mn/news/87334 

Сэтгэгдэл хэсгийг уншиж үнэн их баясав. Хуучин нийгэмд хөдөлмөрийн сахилга бат, хариуцлага гэж ойлгогддог зүйлсийг зөвхөн хангалттай цалин олгосноор бий болгож чадна гэж зарим хүн үздэг. Тэгвэл хэдэн төгрөгний цалинг хангалттай гэж үзэх вэ?

Цалингийн хэмжээг тодорхойлогч нь ажилтны хувьд хэрэгцээ, ажил олгогчийн зүгээс тухайн ажилтны хөдөлмөрийн бүтээмжээр тодорхойлогдоно . Манайд нийтлэг байгаа дүр зураг болох нэг хүүхэдтэй залуу гэр бүл дээр жишээлж үзье. Орон сууцны зээлийн эргэн төлөлт нь сарын орлогын гуравны нэгээс ихгүй байвал таны амьдралын чанарт хүчтэй нөлөө үзүүлэхгүйгээр аятайхан амьдрах боломжтой гэж барууны нийгэм судлаачид, эдийн засагчид антропологочид үздэг байна. Тэгвэл дунджаар сард 300 мянган төгрөг моргэйжид төлдөг залуу гэр бүл сарын орлого нь нэг сая орчим төгрөг байхад болоод явчихна байна. Энэ нь нэг хүүхэдтэй гэр бүлийн хувьд боломжийн тооцоолол. Бүсээ чангаллаа гэхэд гэр бүлийн сарын орлого 600 мянгаас бага бол үндсэн хэрэгцээгээ хангах магадлал муу. Үүнээс болоод сэтгэл ханамжгүй байдал үүсэх учраас бүтээмж буурна. Тийм болохоор сард 300 төгрөгний цалин гэдэг нь минимум болохоос тухайн хүнийг үр бүтээлтэй хөдөлмөрлүүлэх хөшүүрэг болохгүй. Миний танилын хэлдгээр хоббигоороо л биш бол ийм цалинд ажиллах чадварлаг мэргэжилтэн байхгүй.

Ажлын байрны нийтлэг шаардлага болох гадаад хэлтэй, бичиг баримт боловсруулах чадвартай, ажлын туршлагатай, ачаалал даах, багаар ажиллах чадвартай гэсэн ур чадварыг ажилтан дээр хүний нөөцийн менежментийн онолын үүднээс хөрвүүлж үзье.

Гадаад хэлний мэдлэг. Нэгийн зэрэг хэлийг дундаж, дунжаас арай бага түвшинд эзэмшсэн байх боломж бий. Дээд сургуульд 4 жил, дунд сургууль 5 жил нэг хэл дагнан үзсэн учраас словарь ашиглаад бичсэн зүйлийг багцаагаар ойлгох хэмжээнд сурсан байгаа. Түүнээс орчуулга хийгээд баруун солгойгүй ярих чадвар арай л боломжгүй. Хэлний гүнзгий болон мэргэжлийн анги төгссөн хүүхдүүдийн хувьд энэ бол өөр хэрэг. Хэрэв дундаас дээш гэсэн шаардлага тавьж буй бол хэлний мэдлэг зайлшгүй, уг албан тушаалын гүйцэтгэх ажлын талаас илүү хувь нь гадаад хэлний мэдлэг шаардах ажил байна гэсэн үг.

Бичиг баримт боловсруулах чадвар: Монгол хэлний ядаж дүрмийн алдаагүй бичдэг бол боллоо. Бичиг баримт боловсруулах чадвар ажлын туршлагаар бий болдог. Найруулгын хувьд хэл шинжлэл, утга зохиол, сэтгүүл зүйн анги төгссөн хүүхдүүд арай илүү байх. Гэхдээ ерөнхий боловсролоор эзэмших ёстой ур чадвар дээд сургууль төгсөж буй хүнээс шаардаж буй нь бас хэцүү асуудал юм. Хэрэв бичиг баримт боловсруулах өндөр ур чадвар шаардаж буй бол зарласан ажлын байр нь хууль эрх зүйн мэдлэг шаардсан, байгууллагын доторхи мэдлэг дамжуулалт босоо чиглэлд явагддаг, ихээхэн эрэмбэ дэстэй байгууллага байх магадлалтай. Төрийн байгууллагууд энд хамаардаг.   

Мэргэжлээрээ 2 жил ажилласан туршлага. Энд хөрвөх боломжтой ур чадвар нь ажлын туршлагад хамаараад явчихна. Жишээлбэл, оюутан байхдаа чөлөөт цагаараа зөөгч хийсэн ажлын туршлага нь хүнтэй харилцах, асуудлыг шийдвэрлэх, хурдан шуурхай байх г.м үйлчилгээний ажилтанд шаардлагатай ур чадвар эзэмших дадлага болсон байдаг тул чи айлгүйгээр худалдааны менежер, үйлчилгээний ажилтан, заалны зохион байгуулагч,банкны теллер, олон нийттэй харилцах ажилтан хийх боломжтой. Түүнээс хоёр жил ХААН банкинд теллерээр ажиллачихаад Голомт банкинд теллерийн орон тоонд өргөдөл гаргана гэсэн үг биш.  

Ачаалал даах чадвар. Энэ ёстой ойлгомжгүй юм байна. Миний ойлгосноор манайд бол олон төрлийн үүрэг функцийг дунджаас дээш гүйцэтгэлтэйгээр ганцаараа хийхийг хэлээд байх шиг байгаа юм. Ингэхийн тулд илүү цаг сууж, ар гэр, амьдралаа умартан ажиллах хэрэгтэй болно. Эсхүл төрийн хишиг тараах үеэр ажиллах банкны теллер, дүүргийн цагдаагийн газрын хэрэг бүртгэгч, мөрдөн байцаагч, эмнэлгийн сэхээн амьдруулах тасгийн эмч, сувилагч,  г.м өдөр тутмын үйл ажиллагаа нь стрессийн өндөр түвшинд явагддаг хүмүүст хамаарна. Түүнээс биш энэ чадвар нь тийм чухал шаардлагатай, ажлын байрны заран дээр тавигдахаар зүйл биш юм.

Багаар ажиллах. Манайд хамгийн их хэрэгтэй мөртлөө хамгийн бага эзэмшүүлдэг ур чадвар гэвэл үүнийг хэлнэ. Цэцэрлэгээс нь эхлүүлээд уралдаан, тэмцээнд оруулж, байр эзлүүлээд өрсөлдүүлчихээр багаар ажиллах чадвар суух магадлал маш муу. Сургуулийн анги танхимын ширээ хүртэл шил шилээ харсан, багийн динамик үүсгэх  боломж нөхцөл тааруу. Тийм болохоор ч манай оюутнууд багаар ажиллах дадлагаа баарны ширээний ард хийдэг байх гэж би таамагладаг ш дээ. Янз бүрийн клуб, эвсэл, хөдөлгөөн нь нэг зорилгын төлөө зохицон багаар хамтран ажиллах ур чадварыг маш сайн эзэмшүүлдэг. Багаар ажиллах гэдэг хамтын зорилгын төлөө өөрийн ур чадвар, мэдлэгээрээ бусдад байхгүй байгаа тэр орон зайг нөхөж, багийг синержетик байдлаар үр дүнтэй ажиллуулах боломж бүрдүүлэхийг хэлж буй болохоос манайхны нийтлэг ойлголт болох нэг нь хийдүүлж алга болоод үлдсэн нь тэрний хийгээгүй ажлыг давхар хийх ялын тогтолцоо огтоосоо биш. Хамгийн гол нь чадлынхаа хэрээр ажлаа хийж, мэдлэг мэдээллээ бусадтай хуваалцахыг хэлж байгаа. Тийм болохоор багаар ажиллах чадвар гэдэгт бусадтай мэдлэг, мэдээллээ нээлттэй хуваалцах чадвар юм.

Өөрийн найз нөхөд, танил хувийн бизнес эрхлэгчидтэй хийсэн ярилцлагад үндэслэн ажил олгогчийн зүгээс дээрхи ур чадваруудыг хөрвүүлэхийг хичээе.

Гадаад хэл: Гадаад түнштэй мэйлээр харилцаад, захиалга өгчихдөг. Бараа бүтээгдэхүүн дагалдах баримт бичгийг уншаад ойлгочихдог. Гадны түншүүд ирэхэд дагуулаад хамт яваад юм хум үзүүлчихдэг байхад болно. Гадаадад явуулахаар төөрчихгүй, даалгасан ажлыг бүтээгээд ирдэг.

Бичиг баримт боловсруулах чадвар. Бараа дагалдах баримт бичгийг алдаагүй сайхан бөглөчихдөг, гаалийн бүрдүүлэлт, тендерийн баримт бичиг боловсруулчихдаг. Хаяа ийш тийш нь албан бичиг чулуудчихдаг. Компьютер дээр Ворд Эксел ажиллуулчихдаг. Төрийн байгууллагад явуулах тайлан судалгааг цаг үед нь хийгээд явуулчихдаг байхад болоо. Түүнээс би ямар тэр хүнээр зохиол бичүүлэх биш.

Ажлын туршлагатай. Айхтар туршлагатай биш ч гэсэн өглөө цагтаа ажилдаа ирдэг, хэл сураггүй ажил таслаад алга болчихдоггүй. Алхам бүрээ асууж гүйгээд байхгүй. Ажил даалгахгүй бол зүгээр суугаад байхгүй, санаачлагатай, юм хийе, бүтээе гэсэн сэтгэлтэй.

Ачаалал даах: Энэ бас их хэцүү. Хүүхэд өвчтэй гээл чөлөө байнга гуйдаг, эсхүл жилийн эцсийн тайлан балансын үеэр акт аваад алга болчихдог. Үг даадаггүй. Жоохон ажлаар шахахаар халшраад больёо гэдэг. Орой 6 болохыг хүлээгээд суучихдаг, гүйцэтгэл муутай, хүний эв олж чаддаггүй. Гол нь гүргэр биш.

Багаар ажиллах. Нэг хүн байхгүй байхад тэрний ажлыг орлоод хийчих сэтгэлтэй, миний хариуцсан ажил биш гээд хувиа боддоггүй, тусч.

Сайтар харах юм бол ажилтан, ажил олгогчдын ойлголт хол зөрүүтэй биш байгаа биз? Гэхдээ манай ажлын байранд тавьж буй шаардлага нь чухам юу илтгэж байгаагаа ажил олгогчид хэр зэрэг ухамсарладаг болохыг мэдэхгүй юм. Миний ажигласнаар нэг тийм стандарт бий болчихсон, тэрийгээ засал чимэглэгчээс авахуулаад зүрхний мэс засалчийн ажлын байранд хүртэл тавиад байх шиг байгаа юм. Тийм болохоор ажил олгогчийн хувьд шаардлагаа зөөлрүүлж аль болох олон хүн өргөдөл гаргахуйцаар боловсруулбал олон дундаас сонголт хийхэд хялбар байна. Ажил хайгчийн хувьд яг бичсэн зүйлд нь тохирох гэж хүчлэхээсээ өмнө надад энэ ажлыг хийхэд шаардлагатай үндсэн ур чадвар байгаа бил үү, энэ ажил нь чухам юу хийдэг, цалин пүнлүү нь цаашдаа хэрхэн нэмэгдэх боломжтой гэж бодож өнөөдөр өгөх цалингаасаа илүүтэй 6 сарын дараа гэх мэтээр ирээдүйн боломж нь юу вэ гэдгийг харвал аль аль талдаа хялбар дөхөм болох биз.

Хэрэвзээ ажлын байрны шаардлага нь хэт тухайлсан ур чадвар шаардаж байгаа бол тэр ажлын байранд тавигдах хүнээ аль хэзээний онилсон, бэлэн байгаа бөгөөд зөвхөн процедур шаардлага хангахын тулд уг зарлалыг тавьсан байх магадлал ялангуяа олон улсын байгууллагын хувьд өндөр байдаг юм байна билээ. Жишээлбэл. ДОХ, БЗХӨ-тэй тэмцэх бодлого боловсруулж байсан туршлагатай, англи, монгол хэлний өндөр мэдлэгтэй, төсөл хэрэгжүүлж байсан туршлагатай, удирдах ажил 10-аас доошгүй жил хийсэн хэдэн хүн Монголд байдаг вэ? Гарын арван хуруунд багтах тэдгээр хүмүүсээс ажил хайж байгаа хэдэн хүн байгаа вэ гээд бодоод үзэхэд миний хэлсэн дээрхи санаа ортой болох нь таньд мэдэгдэнэ. Тийм болохоор онилсон зүйлд цаг, нервээ гарздаж, сүүлийн шатны 3 хүнд нь багтаж ярилцлага гэж дэглэсэн жүжигт нь туслах дүрд тоглох сонирхол надад лав төрөхөө больсон дог.

Хобби нь ажил нь болсон дуучин, хөгжимчин, бүжигчин хүмүүст би их атаархдаг. Тийм ч учраас стресс багатай, цагт баригдахгүй, бүтээлч, хүнээс хамаарал багатай ажил хийх юм сан гэж их мөрөөддөг. Монголдоо амжилттай ажиллаж буй найзын хэлснээр Монголд зөвхөн Элбэгдорж, Энхбаяр хоёр хоббигоороо ажилладаг, бусад нь ямар нэг байдлаар хэрэгцээгээ хангахаар гүрийдэг учраас миний мөрөөдөл биелэх магадлал муу гэсэн шүү.

English grammar

PREFIXES:

A prefix is a group of letters that can be added at the beginning of a word to modify or change its meaning. Every prefix has a different meaning. For example, under means beneath or below.

• under+arm=beneath the arm
• under+developed=not enough

For more: http://www.englishclub.com/vocabulary/prefixes.htm

Exercise: use the prefixes to create new words

un, dis,re,mis,im,il, non, anti

+clockwise; behave; sense; possible; place; mature; happy; lucky; legal; obey.

SUFFIXES:

A suffix is a letter (or a group of letters) attached to the end of a word to form a new word or to change the original word. Suffixes have meanings: dom=place or state of being. For example, free+dom; king+dom.

For more: http://grammar.about.com/od/words/a/comsuffixes.htm

Exercise: dom; ship; ment;ness;ly;ous.

free+; relation+;entertain+;prosper+;employ+;kind+;neighbour+;friend+;

NOUNS:

A common noun is a person (teacher, chef), a place (Mongolia, Adelaide) or a thing (book, laptop). A proper noun is a specific name of a person (Justin Beiber), a place (Swiss Alps) or a thing (International English Language Testing System). Notice, a proper noun is always  CAPITALISED. A collective noun is a group of words used to describe a group of nouns. For example, a swarn of bees, a pride of lions, a flock of camels, a mob of kangaroos.