Утаан дундаа сүүмэлзэх Улаанбаатар минь сайхөөн

. Хичээлийн жил дуусч, оюутны амралт эхэлсэн тул гэртээ харьнаа. Хүн болгон тэр хүйтэн рүү явдаг, утаа аймаар, ханиад их, мөнгө байхгүй, амьдрал баргар гээд хэлээд байна. Тоохгүй ээ. Гэртээ харих болсон шалтгаан:

• Сүүлийн 20-оод жил мутацид орж нүүрсхүчлийн давхар ислийг шүүх өндөр чадвартай болсон уушгаа муу зан сургаж хэт цэвэр агаараар амьсгалуулж болохгүй ээ. 20-оод насны оюутан үе минь тухайн улсынхан хамгийн хүнд агаартай хотод буюу нүүрсний уурхайтай их ойрхон өнгөрсөн байдаг.

• Монголын өнөөгийн амьдралаас хэт тасарвал буцаж очоод соёлын шоконд дээд зэргээр орох учраас үндсэн орчноосоо тасрахгүй байх нь эх орондоо эргэн очиж, нийгмийн амьдралд “идэвхитэй, эрч хүчтэй” орж, замын бөглөрөл, нийтийн үйлчилгээ, орцны үнэр г.м төрөл бүрийн стресс үүсгэгчийн эсрэг дархлаагаа хадгалах арга юм.

• Энэ улсад 3 сар амьдрах мөнгөн зардал нь Монгол руу нисч очоод, нэг их тансаг биш ч тохь тухтайхан амьдраад ирэх зардалтай тэнцэж байна. Иймд уушиг зүрх, мэдрэлийн эсээрээ дэнчин тавьж үнэн эх орончоо харуулахаар утаат нутгийнхаа зүг хөлгийн жолоо заллаа даа.

Завтай хүн

Хүмүүст тус хүргэх санаатай мэддэг чаддаг юмаа бичээд байсан чинь ерөнхийдөө ажиглагдаж байгаа нэг зүйл байна.

 Сурах хүсэл их байгаа боловч хаанаас яаж мэдээллээ олж авах, тэр олж авсан мэдээллээсээ оюун дүгнэлт хийж, өөрт ашигтай хувилбарыг сонгох чадвар үнэн муу байна. Өмнө нь арван хуруугаа эцтэл бичсэн асуудлаар яахуу, ийхүү гээд байх юм. Бас болоогүй, надаас биечлэн зөвлөгөө авах сонирхол их байна. Уг нь мэддэг юмаа нийтэд хүртээлтэйгээр, аль болохоор хялбараар тайлбарлаад бичээл вайна, бичээл вайна. Бүүр болохгүй болохоор нь Монгол руу нисч очоод үнэгүй лекц уншаал вайна, уншаал вайна. Нэмэр алгаа. Яамаар ч юм дээ.

Articles

Энэ артикл буюу монголоор тодорхойлогч үг гэж хэлээд байгаа этгээдтэй хэдэн жил байлдаж байнаа. Миний мэддэг үндсэн хэлэнд энэ золиг байдаггүй болохоор дүрмийг нь сурчихвал ойлгочихно гэж итгэдэг байлаа. Гэтэл  47 дүрмээр a/the аль нь болохыг тодорхойлдог боловч ёстой экскюзи муа, 326 exception байдаг гэж байна. Тэгээд дүрмийг нь сурах уу, exception-ийг сурах уу гэдэг асуулт тулгарч байнаа даа.

Reminder IELTS test

Он дуусах дөхлөө. 2010 онд тэтгэлэг хүсэх өргөдөл гаргах гэж буй хүмүүс IELTS шалгалт өгч оноогоо аваад, сургууль өргөдөл гаргах ажлаа 2010.01.15-ны дотор хийхгүй бол 2011 оны тэтгэлэг зарлахад амжихгүй болно шүү. Миний мэдэхээр Монголд ESPI, Хүмүүнлэг дээр IELTS авч байгаа. Ихэнхидээ очер дугаараа хагас жилийн өмнө аваад бүртгүүлчихдэг юм шиг байгаа юм. Бүүр болохгүй бол Бээжин  явж өгч болно. Шалгалт авдаг 3 төв байна. Сард дор хаяж 3-4 удаа нэг төв нь авдаг тул яарсан үед хэрэгтэй юм. Online бүртгүүлээд RMB 1450 төлөөд шалгалтаа өгч болно. 

http://www.ielts.org/test_centre_search/search_results.aspx

Цаасан аппликэйшн-ийг хавсаргав. Лав 2 ш зураг хэрэгтэй юм байна шүү.IELTS_Application_Form[1]