Тоо юу, хэл үү?

http://gangaa.niitlelch.mn/content/2446.shtml

Сүүлийн үед олж уншаагүй их сонин сайхан нийтлэл байна. Үнэхээр л миний үеийн тоондоо сайн байсан хүүхдүүд одоо их амжилттай сайн амьдарцгаадаг. Нэг үе хэл гэж хошуурсан боловч яг сурсан юм уу гэхээр тэдэн дундаас гадаадын дээд сургуулийн хэлний шаардлага хангах хүүхэд их цөөхөн байх юм. Харин одоо хүмүүс тоог их сонирхож, хүүхдүүдээ тооны гүнзгий ангид оруулж байгаа нь баярламаар дахиад 5-6 жил өнгөрөхөд боловсролын илүүдэл, доголдол зөв гольдиролдоо орно гэж төсөөлдөг.

Гадаад орнуудын тэтгэлгийн агуулгыг харахад тухайн орны ард түмний үнэлэмж, нийтлэг философитой ямар нэг хэлбэрээр хамааралтай байдаг. Жишээлбэл:

Герман: логик сэтгэлгээ, бүтээлч чадвар

Япон: дүрэм журмын дагуу юмыг тас хийдэг, академик онц сурлагатангууд

АНУ: Хүний эрх, эрх чөлөөг дээдэлдэг, хүчтэй бие хүн

Англи: Нийгмийн эмх замбараа, үндсэн онол постулатад суурилсан гаргалгаа гаргах чадвар

Австрали, Шинэ Зеланд, Голланд, Скандинавын орнууд: нийгмийн шударга ёс, нийгмийн сайн сайханд чиглэсэн сэтгэлгээ, алтруизм

Орос, Солонгос, Хятад: Академик боловсрол, мэдлэг, тухайн орны иргэдтэй нийтлэг зан үйл

Манайхны хэлээр хулигаандуу гэж болохоор хүчтэй бие хүн Япон руу сургууль хөөцөлдөөд бүтэл муутай. Бүтсэн ч гэсэн очоод соёлын шоконд их гүнзгий орох нигууртай, тухайн нийгмийн сайн сайхныг бус, болж бүтэхгүйг нь хамгийн түрүүнд харах болно. Тас онц сурдаг, зөвхөн дүрэм, зааврын дагуу ажилладаг хүн Австралид ирвэл бас л хэцүү. Чухам юу нь зөв, юу нь буруу вэ гэж бодсоор байгаад ядаргаанд орох магадлалтай. Тийм болохоор гадаадад сурах хүсэлтэй хүмүүс эхлээд өөрийгөө би хэн бэ гэж ойлгох нь чухал байгаа биз?

Гэхдээ дасан зохицох, хөрвөх чадвар өндөртэй хүмүүс бол аль ч оронд газардахгүй. Африкийн Мозамбик орсон ч нутгийнхантай найзлаад сурах зүйлээ сураад ирнэ дээ.

Advertisements

Бас дахин баяртай мэдээ

Миний нэг найз, танил 2 хүн ALA тэтгэлэг хүртэж байгаа юм байна. Би их баяртай байна. Энэхүү блогийг нээж ажиллуулснаар олон хүнд хүртээмжтэй мэдээллийг түгээж, заасан замаар явсан хүмүүс амжилтад хүрч эхлэхэд цэцэгчин хүн тарьсан цэцгээ арчилж ургуулсаар цэцэглэхийг нь үзэж баярладаг шиг л би ихэд хөөрөн баясч байна.

Хамгийн гол нь эдгээр хүмүүс мундаг боловч хоёр толгойн орд, уул уурхайн ашиг сонирхолоос үүдэн манай орны иргэдэд тэтгэлэг ихээр олгож байгаа гэдгийг ойлгож, эх орондоо “өртэй” гэдгээ сайтар ухамсарлан эргэж очоод амжилт бүтээлтэй ажиллана гэдэгт итгэж байна. Үүнээс гадна надад баярлаж талархахаасаа өмнө миний дэмийг цааш нь улам олон хүнд түгээн дэлгэрүүлж, мэдлэг мэдээллээ хуваалцах аваас бид бүгд хөгжин дээшилж, тэр хэрээр Монгол хөгжих болно.

Мэдлэг, мэдээллээ хүнтэй харамгүй хуваалцана гэдэг нь эрдэмтэй, боловсролтой хүний үндсэн шинж чанар гэдэгт итгэдэг.  Арван жилийн дараа гэхэд хуучин шиг мэдээлэл цөөн тооны хүмүүсийн хүрээнд бус, нийтэд ил тод байж, олон дундаас авхаалжтай самбаатай, чадалтай хүмүүс нь үр шимийг нь хүртдэг болохын ерөөлийг тавья. Ардчилсан шударга ёс, зах зээлийн шударга өрсөлдөөн гэдэг нь үүнийг л хэлээд байгаа юм.

Сайн үйлс дэлгэрэх болтугай.

Герман хэлтэй хүмүүст

Германы хөгжлийн агентлагийн Монголд хэрэгждэг тэтгэлгээр миний балиашигласан бүсгүй сурахаар одсон бас нэг баяртай мэдээ авлаа. Дараахи вебээр орж мэдээлэл аваарай.

http://www.daad.de/stipendien/en/index.en.html?land=110#pos2

Техник, технологийн чиглэлийн мэргэжилтнүүд их боломжтой юм байна. Мөн судлаач, зуны сургалт гээд төрөл бүрийн програм хэрэгждэг гэнэ. Танил бүсгүй хагас жил Герман хэлний курсд сураад үндсэн ангидаа орох юм гэнэ. Сайхан тэтгэлэг байна даа.

Амжилт хүсье.

Австрали амьдрал:Мөнгө

Үнэ ханш

Хамгийн чухал зүйл энэ тул энэ сэдвээр постоо эхэллээ. Австрали долларын ханш чанга байгаа  учир зарим бараа бүтээгдэхүүний бодит үнэ 2 жилийн өмнөхтэйгээ ижил байгаа юм байна. Жишээлбэл: IPod Nano. Иймд уг бүтээгдэхүүнийг өөр улсаас онлайнаар худалдаж авбал хямд авах боломжтой. Өнгөрсөн 7-р сарын байдлаар Макдональдсын БигМак Австрали, Швейцарь болон евро хэрэглэдэг улс орнуудад үнэтэй байжээ.  Биг Макийн индексийг хялбарчилбал валютын хөрвөх ханш зөв тохиолдолд ижил төрлийн бүтээгдэхүүн дэлхийн дахинд ижил үнэтэй байна гэсэн санаанд тулгуурладаг ба тухайн улсад зарагдаж буй БигМакийн үнийг Америкт зарагдаж буй үнэтэй нь харьцуулж гаргадаг. Үүнээс гадна Уруулын будагны, даашинзны хормойн уртны гэдэг индексүүд мөнгө, санхүүгийн байдлыг илэрхийлдэг байна.

Эдийн засаг муудахад хүүхнүүд үнэтэй хувцас авахаас татгалзан, түүний оронд уруулын будаг худалдаж авдаг гэж үздэг. Палаажны хормойн уртын хувьд эдийн засаг сайн байх тусам мини моданд орж, муудвал урт хормойтой даашинз өмсдөг. Энэхүү худалдан авалтын чиг хандлага өнгөрсөн зууны дунд үед анх ажиглагдсан ба хүүхнүүд үнэтэй, торгон оймсоо ил харуулахын тулд богино банзал, даашинз өмсдөг байна. Энэ жилийн моодны чиг хандлага бүдүүн булчингаар татсан банзал, даашинз байгаа ба улс төрчид өөр зүйл хичнээн ярилаа ч дээрхи индексийн үзэл санаагаар эдийн засаг хямралтай хэвээрээ байгаа юм байна гэж дүгнэв.

Байгаль орчин

Найз хүүхэн саяхан хүүхэдтэй болсон бөгөөд тэд олон удаагийн хэрэглэдэг живх хэрэглэдэг. Нэг ширхэг нь 35 долларын