Тэтгэлэг горилогсдод тусламж

Game Theory

МБА хөтөлбөрт Удирдлагын багийн шийдвэр гаргах арга зүйг ойлгуулахад тустай нэг кэйсийг бичье. Хариултыг комментоор бичээрэй

Шинээр гарсан хуулийн өөрчлөлтөөс болж оны эцэст төлөвлөгдөөгүй ашиг 500 сая ₮ үлдэхээр байгааг Санхүүгийн газар танилцуулав. Уг ашгийг хэрхэн хуваарилан зарцуулах талаар компанийн удирдлага хамтын шийдвэрт хүрэх ёстой.

Сценари

Гүйцэтгэх захирал ерөнхий санхүүчийн саналыг сонсоно. Ерөнхий санхүүч CBA (өртөг зардлын анализ) хийсний дараа харьцуулж үзэх боломжтой. Иймд газрын дарга нар хөрөнгө оруулалтын төслөө хийчихвэл CBA-г  удирдлагын хуралд танилцуулах боломжтой гэдгээ мэдэгдсэн.

Бизнес хөгжлийн газар уг ₮-г зах зээлийн сегмент бүрт чиглэсэн бүтээгдэхүүн төрөлжүүлж хөгжүүлэхэд зарцуулах саналтай байгаа. Үндэслэл нь зах зээл дээр өрсөлдөөн ширүүссэн, эдийн засгийн хямрал болсон нөхцөлд бүтээгдэхүүнээ төрөлжүүлэх нь зах зээлээ барих хамгийн зөв бодлого

Маркетингийн газар уг саналыг дэмжинэ. Учир нь борлуулалт муудаж байгаа. Бид цөөхөн бүтээгдэхүүнээ хэрэглэгчдэд хоногшуулж чадсан тул өрсөлдөгчид үйлдвэрлэлээ бууруулж байгаа үед бүтээгдэхүүнээ төрөлжүүлэх нь зөв.

Дээрх хоёр газрын захирлууд бие биенийхээ саналыг дэмжинэ

Үйлдвэрийн газар тоног төхөрөмжөө шинэчлэхэд хөрөнгө оруулалт шаардлагатай байгаа. Бүтээгдэхүүн төрөлжүүлэхэд технологи өөрчлөгдөнө. Гэтэл хуучин техникээр хуучнаа үйлдвэрлэхээс шинэ бүтээгдэхүүн гаргах боломжгүй.

Мэдээлэл технологийн хэлтэс дотоод сүлжээ, аюулгүй байдалд хөрөнгө зарцуулах хэрэгтэй байгааг дуулгана. Тухайлбал, шинээр худалдан авсан шуурхай удирдлагын програм одоо хэрэглэж буй Windows7-той нийцэхгүй,  заавал Windows 10 суулгахыг шаарддаг тул удирдлагын мэдээлэл орохгүй байх, замдаа алдагдах явдал нэлээд хэдэн удаа гарч, тэр нь цаг бүртгэл цалин хөлс бодоход маргаан дагуулж байгаа. Мөн уг програмд холбогдсон бүх компьютерүүдийн мэдээллийн аюулгүй байдал их чухал. Учир нь дотроо хак хийх боломж маш өргөн.

Захиргаа, хүний нөөцийн газар 13-р сарын цалин дээр нэмж урамшуулал олгох, сургалтад зарцуулах саналтай.

Гүйцэтгэх захирал ямар ч шийдвэр гаргахгүй, саналыг сонсоно.

Шийдэл нь юу вэ?

Мөн ашиг орлого энэ хэмжээгээр буурвал хаанаас мөнгө танах тухай шийдвэр гаргахаар хэлэлцэхэд таналтад өртөх хамгийн эмзэг нэгж аль нь вэ?

 

Өчигдөр өнөөдөр хоёр Австралийн боловсролын үзэсгэлэн Шангри-Ла зочид буудалд болж буй. Сургуулиа ятгаж дөнгөсний хүчинд оролцож байгаа юм. Энэ тусдаа түүх

Үзэсгэлэн эхэллээ. Болж буй гол яриа

  • Би магистрт сурмаар байна
  • Ямар чиглэлээр?
  • МВА, хүний нөөц, менежмент, шүдний эмч, сэргээгдэх эрчим хүч, барилгын инженере гм
  • Байгаа. Эхний шаардлага англи хэлний IELTS шалгалт 6.0 бүх үзүүлэлтээр
  • Тийм дүн байхгүй, очоод англи хэлээ сураад тэгээд суралцана
  • Тэгвэл хэлний курсэд суралцаад дамжиж орж болно. Энэ хүн таньд тайлбарлана
    • Манай сургуульд хэлний курсэд сураад төссөн хүү элсэн ороход тавьдаг шаардлага, визний нөхцөл гм баахан юм ярина
  • Тэтгэлэг байгаа юу? МВА хөтөлбөрт ирэх жил 15% тэтгэлэг байгаа. Гол нь тэнд сайн дурын ажил хийх шаардлага тавьдаг юм
  • Төлбөр нь хэд вэ?
  • Жилийн 30 000 орчим австрали доллар. Америк 21 000 доллар болно.
  • Бүтэн тэтгэлэг байхгүй юм уу?
  • Австралид нарийн мэргэжил, технологиор маш мундаг хүүхдүүдэд тэтгэлэг өгдөг. Манай сургуулийн хувьд Австралийн ЗГ, Монголын ЗГ, АХБ гэх мэт манай улсад зарлагддаг гадаадын том тэтгэлгүүдэд хамрагдсан сургуулийн жагсаалтад ордог.
  • Тэр чинь аймаар хэцүү эсхүл тэрийг нь яаж авах вэ?
  • Улаан онц сурлагатан байхаас гадна нийгмийн сайн сайханд чиглэсэн ажил манлайлж хийсэн байх ёстой
  • Би сайн дурын ажил хийдэг ш дээ. (Уурлав)
  • Дэлхийн бусад орны мундаг хүүхдүүдтэй өрсөлдөнө шүү дээ. Тэгээд ч MBA гэдэг нь 30 хол гарсан, хувийн бизнестэй, мөнгөтэй хүмүүст зориулсан хөтөлбөр юм.

Хамгийн сүпэр нь:

  • МВА-д сурнаа. Англи хэлний шалгуур ийм.
  • Англи хэл дунд зэрэг, очоод сурчихна.
  • Тэгвэл хэлний курсэд сурч болно.
  • Тэгвэл тэтгэлэг өг!

Нөхөд өө!

Би энэ блог бичиж эхэлснээсээ хойш англи хэлний шалгалт өгөөгүй бол Австралид суралцах тухай бодоод чиг хэрэггүй гэж зөндөө бичсэн. Хэлний курсэд хүртэл явахын тулд IELTS тодорхой оноотой байх шаардлагыг Австралийн ЗГ тавьдаг, энэ баримтыг виз хүсэхэд шаарддаг.

Зөвхөн IELTS өндөр оноотой бол тэтгэлэг өгдөг юм биш. 10-аад жилийн өмнө англи хэлтэй хүн ховор байсан тул ажилтай, шалгалтаа өгчихсөн бол явчихдаг байсан. Одоо бол ёстой НӨҮ шүү дээ

Тэтгэлэг гэдгийг авдаггүй хүртдэг юм. Үүний тулд дор хаяж хоёр жил хөдөлмөрлөдөг юм. Мэргэжлээрээ үр бүтээлтэй ажиллахаас гадна сайн дурын ажил маш их хийдэг, нийгмийн сайн сайханд чиглэсэн үйл ажиллагааг тогтвортой, нэр алдар хөөхгүй, ухаан санаа, цаг заваа зарцуулж байж, бусдаас ялгарч байж хүртдэг юм.

Миний сэтгэл эмзэглүүлсэн зүйлс нь гэвэл Сант, Орчлон, 1-р сургуулийн тооны сонгон гм сайн сургалттай сургууль төгсөж байгаа хүүхдүүд бизнесийн удирдлага, улстөр судлал, философи гм мэргэжлээр бакалаврт сурна гээд ээж ааваа дагуулаад ирсэн явдал байлаа. Эдгээр сургуулийг сайн төгсөж буй бол цаашид шинжлэх ухааны чиглэлээр сурвал илүү үр дүнтэй гэж бодож байна.

Үүдэнд өгч байгаа сургуулиудын танилцуулгыг уншилгүй өгсөн торонд хийгээл бүх сургуулийн брошурыг хамах хүмүүс маш олон байлаа. Надад бол хайран санагдсан. Эдгээр цаасыг онгоцоор авчирсан, яг хэрэгтэй хүндээ хүрэхгүй, зүгээр л цуглуулаад гэртээ эргүүлж нэг хараал хаяна. Бараг юу авч байгаагаа ч ойлгохгүй хүмүүс.

Нийт ирсэн хүмүүсийн 15% зорилготой яах гэж ирснээ мэдэж байв. Асуулт нь ч зөв, сонирхол нь ч өөр юм.

Хэлний курсэд сурах гэж буй хүн бол харьцуулаад агентууд их байна. Сургуультайгаа шууд харьцаад явчихмаар байх юм гэсэн хүмүүс хэд хэд байв. Тэд гэрийн даалгавраа маш сайн хийсэн байлаа.

Гадаадад дунд сургууль коллеж төгсөөд ирсэн хүүхдүүдийн асуулт мөн илүү тодорхой, ойлгомжтой байлаа.

Инженер, нанотехнологи, биотехнологиор сурах хүүхдүүдийн тоо өсчээ.

Нийтлэг хандлага нь дөнгөж төгссөн хүүхдүүд шууд магистрт сурах эрмэлзэл маш их байна. Магистрт дор хаяж 2 жил ажиллаж байгаад орвол илүү үр дүнтэй . Энэ тухай шууд сурсан, дараа нь ажиллаж байгаад сурсан бүх хүн хэлнэ.

Барилгын инженер эсхүл ямар нэг тодорхой инженер гэж хайхаасаа илүү Инженерийн шинжлэх ухааны магистр гэж хайвал илүү үр дүнтэй. Мөн нарийн шинжлэх ухааны мэргэжлээр суралцах гээд байгаа голч оноо 3.4-с бага бол дор хаяж хоёр жил ажиллахгүй бол сургуульдаа элсэж орж чадахгүй шүү.

Австралид улсын болон хувийн их сургуулиуд байдаг бөгөөд гадаад дотоодын оюутнуудын харьцаа нь тухайн сургууль арилжааных уу, шинжлэх ухааных уу гэдгийг тодорхойлдог. Мөн өргөдөл гаргасан бүх хүнийг ч авдаг юм биш. Ийм болохоор мөнгөө төлөөд суръяа гэсэн ч чамайг авахгүй байх магадлал бий шүү.

Өчигдөр яг л дэлгүүр хэсч байгаа хүүхэн гоё харагдсан юмныхаа үнийг асуугаад, дийлэхгүй бол үнэгүй өг, эсхүл хямдруулж өг гэж байгаатай ижил сэтгэгдэл төрснийг энд хэлье. Та нар Лью Вуиттон орчихоод надад наад цүнхээ зүгээр өг гэж загнадаггүй биз дээ? LV сурталчилгаандаа зориулж нэр алдартай хүмүүсийг рекламандаа оролцуулдаг юм. Жирийн иргэд LVтэй болохын тулд дор хаяж 2 жил мөнгөө хураадаг, одод бол од болтлоо дижээйгээс эхлээд дишка хүртэл хийсэн байдаг

PS: Сайн дураараа экспо дээр өдөржин ажилласан Б. Батмөнхөд сургуулийн болон өөрийнхөө зүгээс талархал илэрхийлье Баярлалаа

Batmunkh

Хүмүүс яагаад олон хувилбарт матрикс дундаас яг нэг хүнийг онож дурладаг, хайрладаг юм бэ? Тэр хүн нь эерэг болон сөрөг үр дүнтэй хариу үзүүлэх магадлал ямар вэ? Анаашнуудын хооронд хайр дурлал байдаг уу? Ер нь бид амьтан төрлөөсөө хэр их холдож чадсан юм бэ гм асуултыг бодож бодож олсон өөрийнхөө тайлбарыг хүргэе.

Сэтгэл судлаачид судалсаар байгаад дурлал хайр өрнөдөг механизмыг олж тогтоосноос гадна нэг хүн нөгөө хүндээ дурлахад нөлөөлдөг зүйлсийг хүртэл багцаагаар тодорхойлжээ. Хэн нэгэнтэй таараад 1.5-4 минутын дотор тэр хүн таалагдаж байгаа эсэхийг тархи шийдчихдэг гэнэ.Үүнд нөлөөлдөг зүйлс нь:

55% орчим биеийн хэлэмж

38% орчим нь дууны өнгө, ярианы хурд

Зөвхөн 7% нь яг юу ярьж байгаа нь тодорхойлдог байх нь.

Яагаад “энхрий ялдам төрхтэй, урин тачаангуй охид” болон “эр хүн шиг эрчүүд”-эд эсрэг хүйсийнхэн татагддагийн нууц энд байх нь. Жишээлбэл, Голливудын од Мэрилин Монроу Скарлэт Иохансон  гм одод олон жил дэлхийн эрчүүдийн санал асуулгаар сайханд тооцогддог гэхээр гоо сайхан бие цогцостойгоос гадна дууны өнгө нь маш гоё юм.

Дурлахдаа бид гурван үе шат дамждаг ба тухайн бүрд нь бие организмд химийн маш нарийн урвал явагдана.

Эхний шатанд хүсэмжлэх бөгөөд энэ үед гол үүргийг эр эм гормон гүйцэтгэнэ. Дараагийн шатанд нь яг татагдах бөгөөд энэ үед адреналин, допамин, серотонин ихэсдэг байх нь. Адреналин нь баярлах, айх, уурлах гм сэтгэл хөдлөлийг удирддаг бөгөөд энэ үед зүрх хүчтэй цохилж бие организмыг илүү их эрч хүчтэй болгодог. Допамин мэдрэлийн нейрон хооронд дамжуулагч-өдөөгчийн үүрэг гүйцэтгэж, таашаал мэдрүүлдэг. Хар тамхитай ижил нөлөөтэй. Бас нэг нейродамжуулагч болох серотонины нөлөөгөөр бид тухайн хүнээ байнга бодох, санагалзах процесс явагддаг аж. Гуравдах шатанд дасал болох бөгөөд энэ үед окситоцин, васопрессин ялгардаг. Окситоцин нь тэврэх, янаглах, дур тавихад үүсдэг бол васопрессин нь сексийн дараа урт хугацааны харилцааг үүсгэхэд чухал үүрэгтэй юм.

Маш энгийн практик дээр эдгээрийг тайлбарлая гэвэл чухамхүү эр, эм гормоны нөлөөгөөр бидний биеийн галбир, төрх тодорхойлогддог бол адреналин, допамин, серотонины ачаар галзууртлаа дурлан, байнга хамт байхыг хүсч окситоцин, васопрессиний нөлөөгөөр тэврэлдэх янаглах, урт хугацаандаа хамт байх сэдлийг төрүүлдэг байх нь.

Хайр дурлалын тухай хийсэн судалгаандаа үндэслэн 1973 бичсэн номондоо Жон Лий хүн гээч амьтан ер нь зургаан янз байдлаар хайрладаг гэж дүгнэжээ.

1. Eros буюу янагийн хайр. Бэлгийн дур хүсэл дээр тулгуурласан энэ дурлал нь маш хүчтэй сэрэл мэдрэмжийг төрүүлэх бөгөөд яруу найрагчид, утга, уянгынхан маш сайн дүрслэн бичиж чаддаг. Анхны хайр, сохор дурлал, анхны харцаар дурлах гм нь энд маш их хамааралтай. Титаник кино, Ромео Жульеттад гардаг хайр бол чухам энэ эротик хайр юм. Маш их дурламтгай хүмүүс нь генийн тодорхой өгөгдөлтэй төрдөг болохыг судалгаагаар нотолсон байх юм. Тоосоо гартал нүдэлдэж, тосоо гартал тэврэлдэнэ гэдэг хэллэг чухам яг энэ хайрыг тодорхойлж байгаа юм.

2. Ludas буюу спортлог хайр. Энэ нь хайр дурлалыг нэгэн бодлын бооцоот уралдаан гэж үздэг хүмүүст элбэг тохиолдоно. Нууц амрагийн явдал, эхнэр, нөхрөө араар нь тавих мөн энэ төрөл зүйлд хамаарна. Альфа эрэгчин, эмэгчингүүдэд энэ төрлийн хайр байх нь элбэг.Учир нь тэд адреналины хэрэгцээ маш өндөртэй хүмүүс юм.

3. Storge буюу гэр бүлийн хайр. Аав ээж, ах дүү, үр хүүхэд, ураг төрөл саднаа хайрлах хайр энд хамаарах бөгөөд тодорхой үүрэг хүлээж, энэхүү харилцаанаасаа үр шим хүртдэг. Ялангуяа, хэцүү цаг үед хүний үндсэн хэрэгцээ болох аюулгүй байдлыг энэхүү хайр дээр үндэслэн олдог байна. Олон жил үерхсэн найз нөхөд, хамт ажилласан хүмүүст мөн энэ төрлийн хайр бий болдог.

4. Pragma буюу харилцан ашигтай хайр. Гэр бүл удаан оршин тогтноход нөлөөлдөг гол зүйл бөгөөд харилцан ашигтай байдлаас гадна үр хүүхэд гм нэгдсэн зорилго бий болсноор энэ хайр хөгжих бололцоо бүрддэг аж. Бидний уламжлалт бэр буулгахдаа эмэгтэй хүнд тавьдаг үйлэнд уран, үгэнд цэцэн гм шаардлагууд чухам энэхүү прагматик хайрыг найдвартай болгоход чиглэгдсэн аж. Тооцоотой гэр бүл гэж хэлдэг энэхүү зүйл нь тийм ч муу зүйл биш. Манай олон эхнэр сольсон алтны магнат, алдарт бөхийн сонголт бол чухам энэхүү хэв шинжийг агуулдаг.

5. Mania буюу донтолттой хайр.Дурласан хүнээ өмчлөх тул хардана гэж тамтаггүй. Хар өвчин нь яг эндээс үүсэлтэй бөгөөд зүүн тархины урд хэсэг ичгүүртэй адилхан төв идэвхжин, серотонин ялгаруулалт нэмэгддүүлдэг байна. Урлаг спортын од, улстөрч, олны танил хүмүүсийг хайрлах хайр энэ хайрнаас эхтэй. Допаминий нөлөөгөөр таашаал, аз жаргал, урамших сэтгэлгээ үүсдэг аж

6. Agape буюу өгөөмөр хайр. Нөхцөл болзолгүйгээр, өөрийгөө золиослох, өгөөмөр хайр юм. Аливаа нэг фанат үзэлд үнэнч байх нь энэ хайрын илрэл юм. Ямар нэг үйл хэргийн төлөө өөрийгөө зольж байгаа хүмүүс энэ бүлэгт хамаарна. Библийн номлол ёсоор Бурхан биднийг яг энэ хайраар хайрладаг.

Хэрэв хайр дурлалыг судлаад чухам яагаад дурладгийг нь тодорхойлсон юм бол дурлалыг эмчилж болох уу? Эрдэмтэд болно гэж үзээд зогсохгүй дурлалаас аврах эм бүтээж 2020 он гэхэд өргөн хэрэглээнд нэвтэрнэ гэж үзэж байна.

Тэгвэл хүссэнээрээ дурлаж болох уу. Бас л болно гэж байна. Огт танихгүй хүнтэй тааралдаад өөрийнхөө тухай нууц мэдээллээ 30 минут хуваалцаад бие биенийхээ нүд рүү 4 минут ширтэнэ гэнэ дээ. Туршилтт эхлээд 34 минут өнгөрөхөд 100 хүний талаас илүү нь бие биендээ татагддаг гэнэ. Эльдар Рязановын “Вокзал для двоих” кинон дээр Олег Басилашвили, Людмила Гурченкогийн бүтээсэн роман чухам яг үүнийг нотолдог юм.

Эцэст нь хэлэхэд хавар болж байна. Дурлацгаа. Хайрлацгаа. Учир нь хайр дурлал аз жаргалын даавар их ялгарснаар стрессийн даавруудыг дарангуйлдаг тул дархлаа сайжирдаг юм байна.

Нийгмийн хариуцлага гэж юу вэ? (Social responsibility or Corporate social responsibility)

Энэ талаар судалж үзлээ. Ер нь бол миний ойлголт нэлээн дөхүү л байсан юм байна. Нийгмийн ажилтан, нийгмийн эрүүл мэндээр сурсаны нэмэр байхдаа. За олон үг нуршилгүй тун товчхон бичээд үзье.
Нийгмийн хариуцлага буюу англиар бол corporate social responsibility (CSR) гэдэг дотроо хэдэн утга агуулга, чиг хандлагаар хөгжиж буй ойлголт юм байна. Юуны өмнө төр засгийн зүгээс тодорхойлсон хувилбар байна л даа. Тухайлбал төрийн бодлогын чиглэл, төрөөс үзүүлэх үйлчилгээ, нийгмийн халамж, хамгаалал талаас нь тайлбарласан нь байна. Товчхондоо бол төр иргэнээс татварыг нь авч оронд үйлчилгээ үзүүлэхдээ түүнийг хамгаалсан, аюулгүй байх талыг нь хангасан, эрсдлийг аль болох бууруулдаг байх ба үүнийг үнэхээр сайн туршлагатай хүний нөөц, зохион байгууллалттайгаар хэрэгжүүлнээ……………….нтр гэсэн байна. За манай улсын хувьд үүнийг шалгуур бүрээр аваад үзвэл хэр юм гарах бол хэлж мэдэхгүй. Харин пүүс компанууд, бизнес эрхлэгчдийн хувьд баримтлах ёстой, нэг тийм дагах ёстой нийгмийн хариуцлагатай байх зарчим, тодорхойлолт бас байнаа. Үүнийг би илүүтэйгээр судлав. Нэлээн хэдэн судалгааны өгүүлэл, тайлбарлалыг үзвэл дараах чиглэлээр нийгмийн хариуцлагыг даган мөрдөж байнаа гэж үзэх үндэстэй гэнэ. Үүнд:
1.Voluntary Hazard Elimination буюу “аливаа бараа бүтээгдэхүүн, үйлчилгээ нь цогц байдлаараа хуулинд заасан байгаа эсэхээс үл хамааран хэрэглэгч, олон нийтийн эрүүл мэнд, аюулгүй байдалд хор хөнөөл учруулахгүй байх”
2.Community Development буюу “олон нийтийн хөгжилд чиглэсэн таниулах, сургах, нөлөөлөх үйл ажиллагаанд оролцох, зохион байгуулах, дэмжих” гэх бөгөөд энэ нь заавал тухайн пүүс, компаны сурталчилгаа байх албагүй бөгөөд, зарчмын хувьд өөрийн байгууллагын хэрэглэгч, олон нийтээс бүрдсэн орчныг л хөгжүүлэхэд хувь нэмэрээ оруулж байгаа хэрэг юм байна,
3.Philanthropy буюу буян, хүмүүнлэгийн зарчим энэ нь “өөрийн оршин тогтнож буй нийгэм, улс орон, газрынхаа хүмүүнлэгийн тусламж шаардлагатай байгаа олон нийтэд мөнгөн болон мөнгөөр хэмжихүйц тусламж хүргэх, өгөх”,
4.Creating Shared Value буюу “Нийгмийн сайн сайхан байдал нь компаных нь үнэт зүйлстэй ижил байх буюу нийцтэй байх ” өөрөөр хэлбэл нийгэмд ээлтэй бизнес эрхлэх, аажимдаа хүн амын хөгжил, эрүүл мэнд, орчин зэрэг хор хөнөөлтэй бизнес эрхлэхгүй байх гэсэн зарчим
5.Social Education and Awareness буюу “олон нийтэд, хүн амд чиглэсэн нөлөөлийн таниулан, ойлгуулах, гэгээрүүлэх чиглэлийг өөрсдий бизнесийн соёлтой орчныг бүрдүүлэхтэй хослуулан хэрэгжүүлэх” тухайлбал дахивар бүтээгдэхүүн хогын саванд зөв хаяж сургахын тулд ундааны рекламтай хослуулах гэх мэт байх юм байна.

За ингээд эргээд харахнээ, манай улсад 3р зарчим буюу буяны хүмүүнлэгийн зүйлс өгдөгөөр нь “Бид нийгмийн хариуцлагатай байнаа ” гэж зарлах нь бүрэн утгаараа биш болж таарахнээ.
Жишээлбэл: Манайд нэр хүндтэй томоохон үйлчилгээний газруудад хор хөнөөлийг бууруулсан зарчим байгаа билүү? харин ч эсрэгээрээ хор хөнөөл нэмсэн нь байдаг, хальтарч унаад үүд хаалгаар нь ороход нөгөө үйлдсэн буяны өглөгийн самбар үүдэндээ өлгөөтэй байх жишээтэй. Зарж байгаа хоол хүнсний бүтээгдэхүүн муудсан чанаргүй байгаа нь 4 р зарчим буюу нийгмийн сайх сайхан байдалд хэр нийцэж байна? Хүүхдийн баяраар өгдөг бэлэгний дотор хугацаа нь дууссан бараа хэр их байлаа?
Албан газрууд, нийгмийн хамгааллын яам, улсын томоохон газруудын үүд хаалга хор хөнөөл бууруулаад байна уу нэмээд байна уу? Хоолны газрууд, оюутны хоолны гуанзууд өөх тосоор ихэдсэн хоолоор хор хөнөөл нэмээд байна уу? бууруулаад байна уу? Иргэний үйлчилгээ, төрийн шатлалын байгууллагын үйлчилгээ ч ялгаагүй ганц хөгжлийн бэрхшээлтэй иргэнд атга мөнгөний үнэ ч хүрэхгүй зээлийг олгоход хэр олон шатаар явуулдаг билээ? Заа мэдэхгүй, тэр хүмүүнлэгийн тусламж өгөөд, тараагаад байдаг тэргэнцэрүүд чинь бас бүгд нэг размерийнх, таарах таарахгүйгээсэ болж гутландаа бүдэрдэг шиг хүмүүс унаж бэртэж байна, энэ одоо Хор хөнөөл нэмээд байгаам бишүү? Автобусанд хөгжлийн бэрхшээлтэй хүнийг үнийг улсаас төлнө гэнээ, тэр автобус чин өөрөө хүнийг бэртээдэг гэмтээдэг газаршд, тийм хор хөнөөлтэй газарлуу явуулж байхаар өөрт нь мөнгийг нь өгөөд бизнес хийхэд дэмжээд хэдэн байгууллагынхаа үүдийг довжооны гулгууруудаа соль л доо, би лав энэ албан газруудыг “налуу зам”ыг налуу зам гэж ерөөсөө хардаггүйшд, гулгуур л гэж боддийшд. Энэ одоо нийгмийн хариуцлага уу ? Гулгууруудаа хийсээр байна уу?
Ингээд бичээд байвал манай улсад лав нийгмийн хариуцлагыг бүрэн утгаар хэрэгжүүлж хийдэг “ЮУЧ “байдаггүйм шигээ. Эсвэл би тэрийг нь мэддэгүй байхаа. БИ өөрөө “ХОР ХӨНӨӨЛТЭЙ, НИЙГЭМД ЭЭЛГҮЙ БИЗНЕС” -ийн эргэн тойрноор явахаас айж, “ХҮМҮҮНЛЭГИЙН ТУСЛАМЖ” аас өөр зүйл мэддэггүй дарга нараас холуур тойрч, “ӨӨРИЙНХӨӨ БОЛОН ГЭР БҮЛ, ӨӨР ШИГЭЭ ХҮМҮҮСИЙН” сайн сайхны хэмжүүрийг хайж яваа ЭГЭЛ НЭГЭН БОЛОХООР бичлээ. Нийгмийн хариуцлага бол гоё харагдах, ганган харагдах, “буян”тай харагдах, үнэтэй харагдах, баавартай харагдахыг лав хэлэхгүйнээ өглөгчдөө, буянчидаа, бизнесчидээ! Харин энэ бол энгийн хэрнээ аюулгүй, итгэлтэй, хөгжлийг дэмжсэн, уриалсан, амархан, хялбархан, хүртээмжтэй тийм шинжтэй бизнес, үйл ажиллагааг хэлэхийн байна шүү. Нийгмийн хариуцлага мандтугай!

Saranchuluu Otgon, MPH, MA,

The WordPress.com stats helper monkeys prepared a 2014 annual report for this blog.

Here’s an excerpt:

The concert hall at the Sydney Opera House holds 2,700 people. This blog was viewed about 36,000 times in 2014. If it were a concert at Sydney Opera House, it would take about 13 sold-out performances for that many people to see it.

Click here to see the complete report.

Dedicated to St. Mary’s in exile community in South Bank, Brisbane.

Нэлээд хэдэн христийн сүмд очиж үзсэний хувьд бүтэн сайны магтууны үйл ажиллагаа ямархуу дэс дарааллаар явагддаг хийгээд шашны зан үйлийн талаар ажигласан зүйлээ хуваалцъю гэж бодлоо. Дутуу, дулимаг бичсэн бол уучлаарай. Шашин шүтлэгээс хол хүн болохоор зарим зүйлийг нь сайн ойлгоогүй байж болно шүү.

I have visited a church in Brisbane with my friend a while ago and thought that it would be nice to share my experience being close to the God once a while. Because, I am not such a theological person, may there are mistakes and misinterpretation, hence, apologies beforehand.

Үүдэнд зарах эд зүйлсийн ширээ

Үүдэнд зарах эд зүйлсийн ширээ

Ням гараг бүрт христийн шашинтнууд сүмдээ ирнэ. Үйл ажиллагааны хөтөлбөрийг театрын үзвэрийн хөтөлбөр шиг хэвлэж бэлдсэн байна.

Every Sunday there is a service and Christians come to the service. The program is printed in handouts so, you don’t get lost once in the church

Сүмд явдаг элгэн хамтлаг-community хүмүүс нь жилийн өмнөөс аль өдрийг хэн нь хариуцах уу гээд хуваарь гаргачихдаг бөгөөд үе удмаараа нэг сүмд л явцгаадаг аж. Ядахдаа жилдээ Зул сарын болон Улаан өндөгний баяраар бүгд гэр бүлээрээ сүмд очно.

Church community plans ahead who is responsible for what service and many members are those who are going to the exact same church over years and even across generations. Many people would definitely attend Christmas and Easter services to celebrate the most significant events in Christianity.

1. Хамгийн эхлээд дуулж дадсан мэндчилгээний магтуу дуулна. Сүм бүрд өөр өөр байх шиг байгаа юм. Үүний дараа сүмийн ламтан нь библээс эшлэн уншина.Тухайн өдрийн сэдвээр эшлэл заавал олдоно, урдчилан бэлтгэсэн байна. Миний очсон Брисбаны сүмийн ламтан гэхэд Буддын сургаалиас эшлэн хүнлэг сэтгэл, итгэл бишрэлийн талаар ярьсан нь надад их сонин байлаа. Үүний дараа нэг магтуу дуулна. Дандаа дуулсаар байгаад тогтмол явдаг хүмүүс нь цээжилчихсэн байдаг. Мөн сүмд дуулсаар байгаад сайн дуучин болсон хүмүүс ч олонв

The first of all, there is a greeting in a form of a song. Many songs would be known well to church-goers and the tune is quite simple yet melodic. The next, there is a first reading, when a priest would read an extract from Holy Bible or tell a story about faith and humanity. The priest John of St. Mary’s in Exile church was citing Buddhist teaching which was a quite surprise for me. After that there is a song, that praises the Lord followed by the second reading.

Сүмийн мэнэжэр, ширээт ламын хамт

Сүмийн мэнэжэр, ширээт ламын хамт

Дахин нэг эшлэл уншсаны дараа магтуу дуулна. Үүний дараа талх, вино хуваах ёслол болно. Бэлгэдлийн Ийсус Христ нас эцэслэхээсээ өмнө шавь нартайгаа талх, вино хувааж уусан бөгөөд үүнд үндэслэн Бурхны хайрыг түгээж байгаа гэж үзнэ. Тусдаа хэлдэг үгтэй, дараалалтай. Манайхны бэр гуйх, үрс гаргах гм шиг л шүлэглэн уншиж, ёс гүйцэтгэн талх, виногоо бүгд хувааж иднэ. Дахиад нэг магтууг гар гараасаа барилцан дуулна. Бие биендээ амар амгалангийн тангараг тавьснаар албан ёсны хэсэг дуусна. Үүний дараа хандивын хайрцаг тойрч хүмүүс мөнгөө хандивлана.

One ritual that is the same to all Christians in a church is sharing a bread and vine, which symbolize the love of God and enacting the scene of Christ’s last supper. Then there is another song  that sang holding hands and community members give each other sign of peace. As I understood, this was the official part of the mass. It is the time for a donation box go around.

Хөтөлбөр шүлэглэсэн эшлэл унших, магтуу дуулахад хэн нь гоцлох, бүгд хоороор хэлэх зэргийг нарийн зааж өгсөн байна. Үүний дараа элгэн хамтлагийн хүмүүсээс өвчтэй байгаа, амьдрал нь асуудалтай байгаа гэх мэт хүмүүсийнхээ тухай мэдээлэл өгнө. Мөн хүмүүс нэг нэгээрээ өөрсдийнхөө асуудал, ямар тусламж хэрэгтэй байгаагаа нээлттэй хэлнэ. Тусламж авсан бол хэрхэн зарцуулснаа хэлээд талархал илэрхийлнэ.

The program has clear instructions on who is singing which part etc. After the singing part, an organizer steps up to talk about business: who is sick, who is having a rough time. Also anyone can stand up to talk about own issue and what kind of assistance needed. Those who have received support also reports who funds were spent.

Хөтөлбөр дээр нь өмнөх долоо хоногт хэр хэмжээний хандив цугласан, оны эхнээс хэд цугласан гм санхүүгийн мэдээллийг нээлттэй, ил тод тавина. Мөн сүмээс хэрэгжүүлж буй төслийн тухай танилцуулга, гишүүдийн үйл ажиллагааны тухай мэдээлэл, дэмжлэг хэрэгтэй байгаа бол хэнтэй холбогдох гэх мэт зохион байгуулалт, захиргааны мэдээллийг тавьсан байна.

On the program there is a print stating donation amount the last service collected and accumulated fund for the year. A concise yet, transparent financial statement. Also, there is an info on projects run by the church, community members activities, contact numbers of a person in charge, management notifications.

Хамгийн сүүлд бүгд магтуу дуулсны дараа үйл ажиллагаа албан ёсоор дуусч цай ууж хоорондоо мэдээлэл солилцоно. Хүмүүс нь ээлжээр гоё боов, боорцог хийж ирээд хувааж идэх юм. Шашны зан үйл гэхээсээ илүүтэйгээр айл саахалтынхан нийлж, бие биедээ дэмжлэг үзүүлэх, туслах, мэдээлэл солилцох арга хэмжээ гэж хэлж болохоор.

When last song sang, the service officially ends and there is a tea time for socializing. As I understood, church-goers bring in turn snacks to share. The whole process is more like neighborhood gathering rather a religious ritual, where the community members share information and provide support.

Зохион байгуулалтын хувьд цэвэр шашны үйл ажиллагаагаа явуулдаг ламтан, мэнэжэр, үйл ажиллагааны координатор гурав байх бөгөөд бусад нь бүгд сайн дурын ажилтнуудын нөөц, боломжид тулгуурлаад явчих юм. Гол нь зохион байгуулалтын асуудал бөгөөд үе удам дамжин хийж ирсэн болохоор болдог юм байна. Сүмд явдаг хүмүүсийн нас өндөрсөж байгаа нь дэлхий даяар асуудал болж байгаа бөгөөд америкууд ямар сайндаа л магтуу дуугаа рэп стилиэр дуулдаг болох вэ дээ…

Three people, a priest, a manager, and a coordinator, are who run the organization, but mainly volunteers do the most work. Coordination of the members is the vital part however, because it has been done through generations everything is set and well thought. Around the world aging is the problem for Christian church goers. Americans nowadays, rather rapping than singing the gospels. :)

Gathering after

Gathering after

2016 онд Монгол Улсад зохион байгуулагдах АСЕМ-н хуралд зориулав.

Брисбанд болсон 2014.11.15-16 Жи 20 удирдагчдын саммитын эргэн тойронд болсон үйл ажиллагаанд түшиглэн санаа авахуйц зүйлийг нь тэмдэглэж үлдээхийг чармайлаа.

1. Аюулгүй байдал

Энэ хурлын аюулгүй байдлыг хангахад оролцож байгаа хүнтэй уулзах завшаан тохиосон юм. Сүүлийн хоёр жилийн хугацаанд маш нарийн төлөвлөлттэй, дэс дараатай арга хэмжээ авчээ.

Зөвхөн тус мужийн төдийгүй бусад мужийн 6000 цагдаа, Холбооны цагдаагийн газар, гааль, батлан хамгаалахын 500 гаруй ажилтан албан хаагчид хамрагдав. Дээр нь Тусгай албаныхан (Special Emergency Response Team), мөрдөгч нохойтой болон дэлбэрдэг бөмбөг хариуцсан нэгж оролцов. Хориотой бүс гэж зарлагдсан төрийн тэргүүнүүд буудалласан зочид буудал, уулзалт болох байгууламж (Brisbane Convention and Entertainment Center), RNA (Brisbane Showground) бусад хэсэгт маш өндөр хэмжээнд бэлтгэгдсэн хувийн хамгаалалтын 1000 ажилтныг гэрээгээр ажиллууллав. Дээрх хориотой бүсд олон нийт орох боломжгүй.

Хамгаалалтынхан бүгд учирч болох бүхий л эрсдэлийг тооцон террорист үйл ажиллагаанаас эхлээд эсэргүүцлийн жагсаал, байгалийн гэнэтийн осол гм байж болох бүхий сценарид бэлдсэн байна.

Хориотой бүсээс гадна Хяналтын бүс гэж 12 км урт, 5 км өргөн бүсийг хотын төв хэсэгт гаргаж, Засгийн газраас тухайн бүсд юуг нэвтрүүлж болох, болохгүйг маш тодорхой заасан жагсаалт гаргажээ. Энд lawful reason буюу хууль ёсны дагуу гэсэн тодотголыг хийсэн нь уг бүсд байх бизнесийнхний ажлыг хөнгөвчлөх зорилготой юм. Энэ бүсэд нэвтрэгч хэнийг ч шалгах эрх цагдаад олгогдсон ба дээрх жагсаалтад заасан зүйлсийг авч яваа хэнийг ч G20 дуустал баривчлан хорих эрхтэй. Онгоцны буудал мөн Хяналтын бүсд орсон бөгөөд төлөөлөгчид явах үеэр зам хаана. Цагдаагийн дарга Хориотой бүсд байгаа сэжиг бүхий хэн бугайг ч шууд тусгаарлах онцгой эрхтэй. Жишээлбэл, Путин гуай сэжигтэй байвал уг бүсээс гаргаад л хаях нь байна.

Аюулгүйн чанга ажиллагаа нь зөвхөн дарга нарын амь нас ч биш, өмнө нь хурал болсон хотуудын туршлагаас харахад эсэргүүцлийн жагсаалаас үүссэн эмх замбараагүй байдал нь хотын дэд бүтцэд ноцтой хохирол учруулж, цэвэрлэгээ, шүүх үйл ажиллагааны зардал нь дийлдэхгүй өндөрсөж, хэдэн зуун хүнийг шоронд хорьсон гашуун туршлагын сургамж юм, Австрали их прагматик бодлоготой улс учраас дараа нь бөөн зардал гаргаж байхаар эхлээд зардлаа гаргаад эрсдэлээ бууруулах аргыг ямагт ашигладаг. Дэлхийн том том экспертүүдийг төлөвлөгөө, үйл ажиллагааныхаа сценариод үнэлгээ хийлгэснээр сул талаа дор дор нь илрүүлж, зохих арга хэмжээг авч ирсэн гэнэ.

Торонтод болсон G20 гол сургамж болох нүүрээ халхалсан эсэргүүцэгчдийн асуудлыг шийдэхдээ дээрх нэвтрүүлэхийг хориглосон жагсаалтад тухайн хүний хэн болохыг нь танигдуулахгүй байх зорилго бүхий хэрэгсэл материал гэж оруулсан байна. Тэр жагсаалтад нь радио, шил, салют, гав, том хэмжээтэй уриа лоозон, өндөг, чавх, нисгэдэг тоглоом, тоглоомон машин гм ёстой нарийн заалт байна лээ. Жагсаалт нь энэ байна. Хэрэв ийм юм илэрвэл 5500 хүртэл дойлуураар торгуулна. Хихихи. Торонтогийн хэрэг одоо хүртэл шүүхдэлцэж байгаа бөгөөд шатаасан цагдаагийн машины зардал нь гэхэд л хэдэн сая доллар болсон гэнэ лээ. Ер нь бол Австрали энэ арга хэмжээнд зориулж шинэ хууль 2013 онд баталсан юм.

Хориотой бүсд 7 хоногийн өмнөөс хаалт хийсэн бөгөөд нисдэг тэрэг эргэлдээд л машины хөдөлгөөн саараад хотын төвийнхөн бүгд хөдөө гадаа явцгаалаа.Мөн хотын төв рүү нийтийн тээврээр зорчих нь хялбар байв.

Сонирхуулахад хяналтын бүсээс дотогш бүх траншэйний нүхийг битүүмжилсэн байсан. (зургаа олдоггүй шүү)

2. Хотын иргэдийн амьдрал

Тэр 20 даргаас гадна тэднийг дагасан 4000 төлөөлөгч, хэвлэл мэдээллийнхэн, энэ үеэр аялж таарсан мань мэт гээд зөндөө олон хүнийг уйдаахгүй, бас чиг гэж хотоо сурталчлах сайхан боломжоо алдахгүйн тулд Kaleidoscope of color гэдэг урлаг соёлын 3 долоо хоног үргэлжлэх том арга хэмжээ зохион байгуулав. Хотын гол гол барилга байгууламжуудыг солонгын долоон өнгөөр тодотгон гэрэлтүүлж, гол бийч, пааркуудад нь урлагийн тоглолт нийтийн цэнгүүн болов. Гол нь яг тэр хуралтай давхцах биш, тэр хурал эхлэхээс хоёр долоо хоногийн өмнөөс нийтийг хамарсан ийм арга хэмжээнүүд зохиож эхэлсэн нь “нэг чулуугаар хоёр байтугай сүрэг туулай” цохиод унагачихаж байгаа юм. Энэ нь crowd control буюу олон нийтийг удирдахад хэрэглэдэг арга билээ. Үнэгүй арга хэмжээний хуанли энд байгаа

Яг G20 эхлэх Баасан гарагийг нийтийн амралтын өдөр болгосон хотын төвд ажилладаг офис ажилтнуудад бөөн аз болов. Ихэнх хүмүүс гэр бүлээрээ ойр орчмын бийч, зуны лагерь, ах дүү рүүгээ арилцгаав. Мөн хотын захын дүүргүүдэд үнэгүй арга хэмжээ тэр өдрүүдэд өргөнөөр зохион байгуулагдсан тул хүмүүс тийшээгээ баяр хөөртэйгээр явж, олон нийтийг удирдах ажлыг хялбарчилж өгөв.

Үүнээс гадна дарга нарын гоё гоё машааныг харах гэсэн саваагүй хүмүүс хангалттай. Тэдний энэ саваагүй занг хянахын тулд соушэл медияг өргөнөөр ашиглаж тухай бүр нь зурагтай мэдээг дор бүр нь өгч байв. Мөн урдчилаад төрийн тэргүүнүүдийн гоё онгоц, тусгай машины талаарх мэдээллийг хангалттай өгөв. Тийм болохоор дарга нарын гоё эхнэрүүдийг харах гэж хошуурах хэрэг байхгүй, тэгээд чиг маш хурдтай, хамгаалалттай явах учраас таанууст харагдах ч үгүй л гэж хэлж байна. Хахаха

Хоол идэх газруудыг 2 долоо хоногийн өмнө сонгож, аюулгүйн хяналтыг хийсэн гэнэ. Хаана гэдэг нь бас нууц байсаар дараа нь мэдэгдэв. Мөн дарга нар, төлөөлөгчдийн буусан 12 зочид буудал хаалттай. Арга хэмжээ болох Брисбан голын урд талын хэсэг тэр чигээрээ хаалттай байв.

Тооны хэлээр:

4000 төлөөлөгч

3000 хэвлэл мэдээлэл

Мужийн эдийн засагт $100 сая орно

Ирэх 5 жилд гишүүн орнууд дэлхийн эдийн засагт 2% өсөлт үзүүлнэ

Обамаг ирэх үеэр онгоц буудал 40 мин. хаагдав.

30 хэдэн тусгай онгоц буув

14 хэлний орчуулга хийгдэв.

100000 хоол

700 сайн дурын ажилтан

Шошгон үүл

Follow

Get every new post delivered to your Inbox.

Join 154 other followers