МБА хөтөлбөрт Удирдлагын багийн шийдвэр гаргах арга зүйг ойлгуулахад тустай нэг кэйсийг бичье. Хариултыг комментоор бичээрэй
Шинээр гарсан хуулийн өөрчлөлтөөс болж оны эцэст төлөвлөгдөөгүй ашиг 500 сая ₮ үлдэхээр байгааг Санхүүгийн газар танилцуулав. Уг ашгийг хэрхэн хуваарилан зарцуулах талаар компанийн удирдлага хамтын шийдвэрт хүрэх ёстой.
Сценари
Гүйцэтгэх захирал ерөнхий санхүүчийн саналыг сонсоно. Ерөнхий санхүүч CBA (өртөг зардлын анализ) хийсний дараа харьцуулж үзэх боломжтой. Иймд газрын дарга нар хөрөнгө оруулалтын төслөө хийчихвэл CBA-г удирдлагын хуралд танилцуулах боломжтой гэдгээ мэдэгдсэн.
Бизнес хөгжлийн газар уг ₮-г зах зээлийн сегмент бүрт чиглэсэн бүтээгдэхүүн төрөлжүүлж хөгжүүлэхэд зарцуулах саналтай байгаа. Үндэслэл нь зах зээл дээр өрсөлдөөн ширүүссэн, эдийн засгийн хямрал болсон нөхцөлд бүтээгдэхүүнээ төрөлжүүлэх нь зах зээлээ барих хамгийн зөв бодлого
Маркетингийн газар уг саналыг дэмжинэ. Учир нь борлуулалт муудаж байгаа. Бид цөөхөн бүтээгдэхүүнээ хэрэглэгчдэд хоногшуулж чадсан тул өрсөлдөгчид үйлдвэрлэлээ бууруулж байгаа үед бүтээгдэхүүнээ төрөлжүүлэх нь зөв.
Дээрх хоёр газрын захирлууд бие биенийхээ саналыг дэмжинэ
Үйлдвэрийн газар тоног төхөрөмжөө шинэчлэхэд хөрөнгө оруулалт шаардлагатай байгаа. Бүтээгдэхүүн төрөлжүүлэхэд технологи өөрчлөгдөнө. Гэтэл хуучин техникээр хуучнаа үйлдвэрлэхээс шинэ бүтээгдэхүүн гаргах боломжгүй.
Мэдээлэл технологийн хэлтэс дотоод сүлжээ, аюулгүй байдалд хөрөнгө зарцуулах хэрэгтэй байгааг дуулгана. Тухайлбал, шинээр худалдан авсан шуурхай удирдлагын програм одоо хэрэглэж буй Windows7-той нийцэхгүй, заавал Windows 10 суулгахыг шаарддаг тул удирдлагын мэдээлэл орохгүй байх, замдаа алдагдах явдал нэлээд хэдэн удаа гарч, тэр нь цаг бүртгэл цалин хөлс бодоход маргаан дагуулж байгаа. Мөн уг програмд холбогдсон бүх компьютерүүдийн мэдээллийн аюулгүй байдал их чухал. Учир нь дотроо хак хийх боломж маш өргөн.
Захиргаа, хүний нөөцийн газар 13-р сарын цалин дээр нэмж урамшуулал олгох, сургалтад зарцуулах саналтай.
Гүйцэтгэх захирал ямар ч шийдвэр гаргахгүй, саналыг сонсоно.
Шийдэл нь юу вэ?
Мөн ашиг орлого энэ хэмжээгээр буурвал хаанаас мөнгө танах тухай шийдвэр гаргахаар хэлэлцэхэд таналтад өртөх хамгийн эмзэг нэгж аль нь вэ?
Alimaa's Cyber Space 
Comments on: "Game Theory" (6)
Үйлдвэрийн тонот төхөөрөмж
Бүтээгдэхүүн төрөлжүүлэх
Маркетинг
IT
Хүний нөөц
гэсэн дарааллаар явах болов уу. Чухам яг юу үйлдвэрлэдэгээс хамаарч IT дээшээ доошоо явж магадгүй.
Алдагдал хүлээсэн тохиолдолд ажилчиддаа хагас цалинтай амралт эдлүүлэх зэргээр Хүний нөөцөөс, дараа нь Маркетингээс мөнгө хасна. Бусад албануудад хасна гэсэн ч мөнгө байхгүй.
Хүний нөөцийн төлөвлөгөөг дэмжих нь зөв ба бусад хэлтсүүдийн санал бол байдаг л нэг жил бүрийн төлөвлөгөө байна. Тиймээс энэхүү илүүдэл мөнгөө ажилтнууддаа Урамшуулал болгож олгоод зарим нэг мөнгөө дараа жилд хэрэглэхээр хадгалах хэрэгтэй байх.
Хамгийн эхэнд таналт хийх хэсгүүд гэвэл Бизнес хөгжил болон маркетинг гэсэн хэсгүүд болвуу.
ЗӨВ ШҮҮ
САНАЛ 100 % БАЙНА
Ашиг орлого буурвал хамгийн түрүүнд маркетингийн хэлтсийн зардал танагдах болов уу. Учир нь эдийн засгийн хямралын үед шинэ хэрэглэгч татахаас илүү хуучин хэрэглэгчиддээ чанартай бүтээгдэхүүн үйлчилгээгээ санал болгосноор хуучин хэрэглэгчдийг авч үлдэх хэрэгтэй бдаг.
Нэгэнт эдийн засгийн хямралтай бгаа үе учраас ажилчдад нэмэлт урамшуулал олгох шаардлагагүй санагдаж бна.
Үйлдвэрийн газрын саналыг дэмжихгүй тохиолдолд бизнес хөгжлийн болон маркетингийн газрын саналыг дэмжих аргагүй, мөн технологи өөрчилснөөр нэгжид ноогдох зардал буурах зэрэг ашигтай бж болох учраас үйлдвэрийн газрын саналыг дэмжиж мөн бизнес хөгжлийн газрын саналыг дэмжинэ. Тэгээд үлдсэн мөнгөө мэдээлэл технологийн хэлтэст зарцуулна.
Та хэзээ хариуг нь хэлэх юм бээ? Хүлээгээд л