Тэтгэлэг горилогсдод тусламж

Би гэдэг хүн эх орондоо ирээд уул уурхай, архи, тамхи, авлигаас ангид эрүүл мэндэд хор нөлөөгүй ажил хийнэ гэсэн зорилт тавиад ажил хайсан бөлгөө. Энэ тухай энд бичсэн байгаа.

Эрсний эцэст олно, Эзэн хичээвэл заяа хичээнэ гээд үндэсний манлай үйлдвэрлэгч компанид ажилд орлоо. Насан багын мөрөөдөл загвар зохион бүтээгч болж чадаагүй ч төөрсөөр төрөлдөө гэдэг шиг загвар, моодтой ойртож, үндэсний үйлдвэрлэгчид ажилд орсондоо баяртай байлаа. Мэдээж шинэ ажилд орсон хүн идэвхитэй ч гэж жигтэйхэн өглөө 7-с орой 9 цаг хүртэл нэг сар ажиллав. Би үнэхээр хичээсэн юм шүү.

Ажилд орсон эхний өдөр хурал дээр том заки ирж бүгдийг нь хамруулан загналаа. Яагаад загнаад байгааг нь ойлголгүй нүдээ цавчиж сууж байгаад хурлаас гарав. Бүгд л тоо баримттай, тайлан тооцоотой орж ирж, удирдлагын хурал дээр мэдээлэл өгдөг аж.

Миний хариуцсан нэгжийн хамт олон нь залуу, эрч хүчтэй, зөв хандлагатай хүүхдүүд байсныг хэлэх хэрэгтэй. Ялангуяа, ажилдаа үнэн сэтгэлээсээ хандаж буй тэдэнд жаахан ч гэсэн мэддэг, чаддагаасаа заагаад өгчих юмсан, нөгөөдүүл маань ч бас сурчих юмсан гэсэн хүсэл, зориг нь сайхан таарч, хамт ажиллахад хүндрэл бэрхшээл гараагүй юм.

Эхний долоо хоногт дэд заки, нэгжийн мэнэжэрийн хооронд хөдөлмөрийн маргаан үүслээ. Миний хариуцсан ажлын нэг мөнөөсөө мөн тул уг асуудлыг судалж, шийдвэрлэх, эрхзүйн хувьд яаж зохицуулах вэ гэх мэт асуудал босч ирнэ гэж бодож холбогдох хууль, дүрэм, журмыг сайтар судалсны эцэст маргаанд өртсөн ажилтантай уулзлаа. Хамгийн гол нь тэр хүн алдааг удирдлагад чихэлгүй, өөрийн буруутай үйлдлээ ухамсарлаж байсан бөгөөд манай улсдаа олдохгүй нарийн технологич хүн байв. Мөн энэ хугацаанд байгууллагын дотоод сахилга баттай холбоотой асуудал үүсч анх удаа хувь хүний нэр төрд хэрхэн аймшиггүйгээр халдах байж боломгүй үйлдэлтэй тулгарав. Асуудалдаа биш, асуудлыг хэлэлцэж буй байдал нь миний хувьд хачирхалтай гэж хэлэхэд багадахаар зэрлэг зүйл байсан юм.

Хоёр дахь долоо хоногт нь харуул хамгаалалт, үйлчилгээний ажилтнуудтай уулзсанаар ажлаа эхлэв. Бүгд биеэ барьсан, цэнэсэн байдалтай. Хэн ч хэзээ ч тэдний юу хүсч байгааг нь сонсдоггүй бололтой. Өөрөөр хэлбэл эдгээр ажилтнууд компанид хувь нэмрээ оруулдаг гэдгийг нь хэн ч үнэлдэггүй, тэднийг чухал ажилтан гэдгийг нь хэлдэггүй бололтой. Баахан гоморхол, гомдол сонссоны эцэст би юуг баримталж ажиллахаа ойлгогдохоор хэлсэн. Гэвч…

Яг юу нь болохгүй байгааг ойлгохгүйгээр 2 ч удаа том закид дуудагдан нэг удаа нь үглүүлж, нөгөө удаа нь ажилтнуудын дэргэд загнуулав. Дуугаа чангалан орилох тэр хүнийг хараад сэтгэл мэдрэл нь зүгээр эсэхэд ихэд эргэлзэв. Гаднаас ирсэн яам, тамгын хүнтэй эелдэг сайхан хандах мөртлөө ажилтнууддаа арслан барс болдог боссыг хараад мэл гайхаж цэл хөхрөв. Тайлбарлахыг оролдсон биш бүүр гай болж хувь хүнийхээ хувьд доромжлуулаад зогсохгүй, сэтгэл зүйн дайралтад өртөв. Хүчирхийлэгч. УЖАС. Ажлаас гарах талаар бодож эхэллээ.

Тав дахь өдөр нь дэд закитайгаа уулзаж надаар яг юу хийлгэх гээд байгааг нь ойлгохыг чармайв. Юу ч ойлгосонгүй. Тэр хүн ярьж буй зүйлээ ойлгож буйд нь эргэлзэв. Чаддагаар нь байгууллагын соёлын тухай, удирдлагын шийдвэр гаргах процессын тухай юуг нь сайжруулах шаардлагатай байгаа тухай өөрийн санаа бодлоо бичээд мэйлдэв.

3 дахь 7 хоногийн эхний өдрийн хурал дээр нийт 24 үүрэг даалгавар өгөгдсөний 17 нь манай нэгжид байв. Мөн намайг ХАНГАЛТГҮЙ ажиллаж байна гэж дэд заки үнэлэв. Тав дахь өдөр ярьсан зүйлээ нэг дэх өдөр шаарддаг нь намайг супэр робот гэж бодсон юм байх даа гэж гайхаж хоцров. Би олон долоон юм бичиж, үйл ажиллагааг нь шүүмжилсэн тул заки ажлаар дарах стратеги барьжээ. Хуучин ажиллаж буй хүмүүсээс асуувал ийм арга барилтай гэнэ. Өөрийн нэгжийн ажилтнуудаа өрөвдлөө. Уучлал гуйлаа. Хөөрхийс минь бүлтэгнээл, зүгээрээ бид хийчихнэ л гэж байна.

Уг нь би энэ залуусыг бодож байж юм хийлгэдэг болгох гээд ингэж байж бүтээлч сэтгэлгээ нь задарна гэж бодоод байдаг, удирдлагын өгч буй үүрэг даалгавар бодохгүйгээр, зөвхөн тухайн үеийн гал унтрааж, аргацааж өнгөрөөх өгөгдөлтэй байхаар байв. ХУРДАН ШИЙДВЭР ГАРГАХ НЬ САЙН ТАЛТАЙ Ч БАЙГУУЛЛАГЫН ХЭМЖЭЭНД ЭНЭ НЬ ГАЛ УНТРААХ АРГА ХЭМЖЭЭ БОЛЖ БАЙНА гээл биччихлээ.

Эхний судалгаа, анализийн дүн энэ долоо хоногоос гарч эхэлсэн бөгөөд чухам яагаад хүн тогтохгүй, гаралт, оролт их байгааг олж харж эхэллээ дээ. Гол мэссэжүүдээ ч удирдлагын багт өгч эхэллээ. Гурван ч асуудал шийдүүлэхийг чармайв. Үнэхээр болохгүй байв. Мөн байгууллага доторхи улстөр, фракц, эрх мэдлийн хуваарилалтыг бүхэлд нь харж, асуудлыг ая зүйгээр хэлцлийн замаар шийдэхээр ихэд хичээв. Би шинэ хүн тул намайг хүлээн зөвшөөртөл хугацаа хэрэгтэй гэдгийг сайтар ойлгож байсан юм. Хөдөлмөрийн хоёр дахь том маргаан үүслээ. Дахиал… Дэд заки түүнийг сайн шийдсэн. Мөн сайжирна гэсэн итгэл төрүүлэхүйц хоёрзүйл энэ хугацаанд болсныг хэлэх хэрэгтэй.

Ажилтнууд яагаад шинэ санаа хэлэхээр улаан цайм эсэргүүцэхгүй ч дэмждэггүй, соргогоор хүлээж авдаггүй болохыг ойлгож эхлэв. Шийдвэр тухайн моментод нэг талын мэдээллээр гардаг тул аливаа асуудлыг төлөвлөж, судалж, нухацтай шийдвэрлэх боломж тогтолцооны хувьд байхгүй болохыг ойлгов. Дахин нэг хөдөлмөрийн маргаан үүслээ. Холбогдох захирлуудтай нь хэлцэл хийхийг чармайсан ч бүтсэнгүй.

Дөрөв дэхь долоо хоногт нь нэгж хоорондын мэдээллийн зөрүүтэй байдлыг арилгаж, нэгдмэл ойлголттой болохын тулд холбогдох нэгжийн удирдлагуудтай ажилтнуудтайгаа хамт албан бус уулзалт хийв. Ямарч байсан хийж буй үйл ажиллагааныхаа мөн чанарын зах зухаас ойлгож эхэлсэн гэж найдаж байна. Мөн хоёр ч хүнд сахилгын арга хэмжээ авахаар болов. Ярилцаж тохиролцсон гэж бодсон үйлчилгээний ажилчид намайг ойлгоогүй бололтой юм. Хүний цалин пүнлүүгээр оролдох нь хэцүү ч ярьсан тохирсондоо байж чадаагүй тул надад өөр арга байгаагүй. Мөн энэ үйлдлийг нүдээ аниад өнгөрөөвөл хэзээч сахилга, дэг журам гэдгийг тогтоож чадахгүй гэдгээ ойлгож байв.

Тав дахь долоо хоногт нь гэрээний эрхзүйн асуудлаар маргаантай, будлиантай асуудлыг цэгцлэхийг оролдов. Надад олдох бүхий л эх сурвалжаас шаардлагатай мэдээлэл авч ихэд хичээнгүйлэн бэлтгэв. Бодов. Их хэцүү уулзалт байсан. Учир нь компани гэрээний заалтаа улаан цайм зөрчсөн байсан бөгөөд үүнээс гарах гарцыг боломжийн хэмжээнд судалсан юм. Эв зүйгээр шийдвэрлэх асуудал байтал өөр нэг захирлын удирдах ур чадвар, жудгаас болж асуудал унахыг харав. Дахин хоёр асуудал бас өөр нэг захирлын амиа аргацаасан байдлаас болж унав. Ямарч шийдвэр гаргах эрх мэдэлгүй, гүйцэтгэгч, үүрэг хүлээгч болохоо мэдрэх тусам миний дургүй хүрч, ажлаас гарахаар нэг мөсөн шийдсэн юм. Өргөдлөө бичээд өгчихлөө. Хариуцсан хүн нь намайг сэтгэл хөөрлөөр шийдэж байна гэж бодсон бололтой юм билээ, закид өгөөгүй байв. Надаас асуухаар нь өг л гэв. Захирал дээр орж чухам яагаад ажлаас гарч байгаа үндэслэлээ хэлснээр тушаалаа дор нь гаргуулж, ажилтнуудаа зааж өгнө гэж бодож байсан гүйцэтгэлийн үнэлгээ тооцох онолын үндэслэл, аргачлалаа хурдхан зааж өгснөөр миний үндэсний үйлдвэрлэлээ дэмжих ажил дуусав.

Та нар намайг хурдан шантарсан гэж бодож байгаа байх. Үгүй юм. Би 5 долоо хоног ажиллахад 7 кг турж, анхны цагаан үсээ зулгаасан даа. Тэр үсний тал нь цагаан, тал нь хар байв. Хэдийгээр нэг талдаа ёс жудгаа бодож, тэрхүү эрх мэдэлгүй, хөдөлмөрийн мөлжлөгт өртөж буй ажилтнуудын эрх ашгийг хамгаалах ёстой гэсэн итгэл үнэмшил их байсан ч нөгөө талдаа би тэдний тэрхүү ажилтнаа робот мэт боддог соёлд автагдах магадлалтай байгаагаа мэдэрсэн учраас, миний суурь хүмүүжил, боловсрол, мэдлэг ийм зүйлийг хүлээн зөвшөөрвөл би өөрөө АЛИМАА биш болно гэдгээ ойлгосон учраас ажлаасаа гарсан юм. Би харамсахгүй ээ. Найз нөхөд, гэр бүлийхэн маань шоолсон хэвээр. Монголд “алдартай” боссын компанид яаж яваад орчихсон юм бэ гэж байна. Зарим нь ч Монголд хувийн компани угаасаа л ийм ш дээ, газарт буу л гэж байна. Би өөрийнхөө ажлын ачаалал, урт цагаар ажиллаж буйдаа огт санаа зовоогүй, гагцхүү ажилтнуудаа хүндлэхгүй байгаа хандлага миний зэвүү, дургүйг хамгийн их хүргэсэн юм шүү. Ухаан муутай хүнд мөнгө, амьдралын туршлагагүй залуу хүнд эрх мэдэл төвлөрөхөөр чухам юу болдгийн амьд жишээг харлаа.

Манай бизнесийнхэн КОРПОРАЦИЙН ЗАСАГЛАЛ гэж идэвхитэй ярьж байгаач феодал нийгмийн өмчийн эзний сэтгэхүйгээр компаниа удирдаж буй цагт удирдлагын энэхүү арга барил сарнаас ч хол байна даа. Ядаж эхний алхам нь ЧАМААР ТЭЖЭЭЛГЭЖ байгаа амьтан биш, УР ЧАДВАР, ОЮУНАА ҮНЭЛЖ БУЙ бие даасан СЭТГЭДЭГ ХҮН гэж харах  юм.

Хүн мөнгөтэй, хөрөнгөтэй болохоор оюуны мэлмий нь нээгдэж нигүүлсэл, гэгээрэл рүү явдаг бол манайхан улам л араатан шинж рүүгээ ордог аж.  Учир нь бид капиталын анхны хуримтлал хийх гэж ядаж яваа, БИ, МИНИЙ сэтгэхүй нь БИДНИЙ, ХАМТЫН гэх сэтгэхүйгээ дарангуйлчихсан аж.

Хөрөнгө мөнгө, эрх мэдлийн хуваарилалт зэрлэг капитализмын загвараар явж, мөн чанараа ухаараагүй хүмүүс мөнгөтэй, хөрөнгөтэй ийм учраас эрх мэдэлтэй болохын хэрээр цаашдаа харынхан ба улааныхан гэдэг шиг БОРЧУУД ба БАЯЧУУД гэдэг хуваагдлыг улам алсруулж, хувьсгал гарахад хүргэнэ шүү.

ТЭНГЭР ӨРШӨӨГ

Жич: Сүүлийн 4 жилд миний ажиллаж байсан албан тушаалд 10 хүн ажиллаж байсан бөгөөд хамгийн удаан нь нэг жил тэссэн байв.

Comments on: "Корпорацийн засаглал хийгээд эх орноо мандуулан хөгжүүлэх шахсан нь" (11)

  1. Arai altain hudert orsiin bish bizdee kk. Tiim bol oilgomjtoishd. Huviin compani bur iim baidguin. Bi bur sonsood angaichlaa. Manai compani huulia tas morddog. Deer ni shine sanaachlaga gargaval mongoor hudaldaj avdag kkk. Oor l yum bn.

    • Jagaa said:

      Buyan, Nomin, Tavan bogd, Altain huder, Genco geh metiin adal yavdal haragdaad yavchlaa. MCS, Mobicom oor baij magadgui yum daa

  2. Ninjbat said:

    :))) Зүгээр л инээмээр санагдлаа. Найз аа, битий ажилд ор. Өөрөө компаниа байгуулаад бизнесээ босгоод өөрөө босс бол. Чамд ажил олдохгүй ээ.🙂

  3. Iim bolohoor l mongol butsaj chaddagguin shd.

  4. Uyanga said:

    Yanztai bichij. Ter zaki gegch araatnii aviriin talaar hiisen chinii ajiglaltuudad “hamgiin ur dunGUI manageruudiin 7 zan”-guudaas dor hayaj 3 ni bagtaj baina!
    http://www.mindflash.com/blog/2011/08/7-habits-of-a-highly-ineffective-manager/

  5. Муланка said:

    Танил дүр зураг байна, ийм байгууллага монголд олон бий. Манай байгууллага ч эдний нэг болох гээд, би чадлаараа тэмцээд дийлэхгүй л явна.

  6. Уул уурхайд ажиллахгүй гэчихээд уг нь алтайн хүдэрт ороогүй л баймаар юм. тэдний захирал гэж л ёстой монголдоо загнадгаараа алдартай босс байдаг гээ биз дээ.

  7. 5 богд дүрээрээ байна.
    Хамгийн том босс нь байж, хамгийн жижиг хүмүүсээ загнаад, алчих гээд байдаг газар.
    охин компаниудынх нь захирлууд, том боссдоо л таалагдах юм хийгээд л, тэрнээсээ давж сэтгэх, хийх талаар боддог ч үгүй юм байлээ.
    Хэзээ компанийн соёлтой болно доо гэж аймар харамсдаг.

  8. Desert said:

    Хувцас загварын Монголд үйлдвэрлэгч Том компани гэхээр нэг л нэр буугаад байхийн.

  9. Odibogatir@yahoo.com said:

    Kkk yum medeed zagnadag bol yaxav gexsen, zarim darga nar ajlaa medexgui bxooroo “Ichsen xun xun alna” gedeg shig xudlaa tom tom duugarch zagnaxaar orovdoltei shuu.

  10. ene bol niitleg uzegdel . chinii gargasan shiidver ch zuv deer 1 naiziin helseheer uuriinhuu kompaniig baiguulaad kompaniin zasaglal gedgiig ajilchin burt medruuleed oilguulaad irheer hamt olon shan tuluvshihnu shuudee tgd amjiltand hurne. bas 1 asuudal bii ene tend baiguullaga heseed dogshirtson zalitai nuhduud bii ted niig anhnii yariltslaga deer tanij avahgui bol hamt olon dotor orood irvel nuguu bozo gdg ayul bii bolno shuu dee. tsegtstee chadvartai humuusiig olj avah ; hamgiin chuhal bh gej bodhiin uuruu HR mergeshsen hun bololtoi yum. za teged hamgiin tom boss teer dor bga ajilchinaa zagnaad bna geheer nuguu chingis haanii aravtiin sistem gdg menejmentiin arga baril aldagdaad utgaa alddag yum bna ldaa .
    tgd neeeh tom mungulug bosuud mungu bol tiim unete bish shuudee bgaa uedee bdag bhgui udee alga boldog l zuil. harin hunii uuriin ezemshsen ur chadvar medleg turshlaga bol mungunuus unte gj boddiihste

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

Шошгон үүл

%d bloggers like this: