Тэтгэлэг горилогсдод тусламж

Цатгалан

Өлсгөлөн гээд бичсэн чинь нэг л онцгүй санагдаад. Тэгээд цатгалан гэж нэрлээд хоолны тухай бичнэ.

Эр хүний зүрхэнд хүрэх хамгийн дөт зам ходоод шуу даа, охидуудаа. Цагтаа ч үеийн залуусыг хоолоороо хуйлруулдаг л байлаа. Одоо цагийн гарз гэж бодоод мундаг сайхан хоол хийхээ больсон. Харин гоё хоол идэх дуртай хэвээр. Өнөөдөр ихэд сэтгэл гаргаж улаан дарстай үхрийн махан касэрол хийв. Орц найрлага бол амарханаас амархан, гол нь улаан вино.

Орц нь: Сонгино 1ш, лууван 3 ш, сармис 3 хумс, черри улаан лооль 5-6 ш, паприка чинжүү 1ш, үхрийн мах 1 кг, хагас жил улаан дарс (Madeleine гэдэг хямд дарс яг сайхан таарч байна лээ). 10 ширхэг хар чинжүү, 1 ш лаврын навч, давс өөрт таарахаар. Оливийн тос, хуурай гурил тус бүр 2 цайны халбага.

Эхлээд сонгино сармисаа тосондоо хуураад дээр нь луувангаа нэмж жоохон хуураад тусад нь гаргаад тавьчихна. Тэгээд тэр савандаа махаа борлотол нь хуурна. Дээр нь черри помидороо голоор нь нэг зүсээд хийнэ. Шарах шүүгээгээ 160С дээр тааруулаад халаана. Энэ хоорондоо шарах шүүгээнд тэсвэртэй саванд виногоо хийж буцалгаад дээр бэлдсэн зүйлсээ хийгээд таглаад шарах шүүгээндээ хийнэ. Нэг их хүчтэй биш жигд сайхан пургилах ёстой. Жоохон байж байгаад соуснаас нь хоол хутгадаг халбагаар аваад гурил, давсаа хийж сайтар задартал нь хутгаад эргүүлээд хийнэ. Нэг цаг хагасаас хоёр цаг болоход мах нь зөөлрөөд сайхан амттай, үнэртэй хоол бэлэн.  Дээр нь та өөрийн уран сэтгэмжээ нэмээд юу ч хийсэн болно. Хүмүүс манжин, төмс, шанцай гэх мэт төрөл бүрийн ногоо хийдэг. Хамгийн гол нь нэг хийхдээ овоо их болох учраас контейнэрт хийгээд хөлдөөчихвөл дараа юутай ч идсэн сайхан халуун хоол болдог юм.

Зураг авах гэсэн чинь залгуураа олдоггүй ээ. Оронд нь дээр үед хийсэн нэг хоолныхо зургийг шахчихъяа..

Seafood soup-Далайн амьтнаар хийсэн битүү шөл

Comments on: "Цатгалан" (2)

  1. ene yostoi sonirholtoi hool bnaa. udurt zaaval orj tanig shine sodon zuil bichij uu gej shalgaj unshdag bolloo

  2. Hmm winond durtaig helehuu. Minii durtai hoolnii neg bolj medeh hool baina shu. turshij uznee. daanch sharah shugee ajiluulj chaddag hun hodoo yavtsan. Namar ireheer ni turshinaa. 1kg mah geheer ovoo yum boloh ni baina shuu. geriinhnee bugdiig ni baihad hivel zugeer yum baina.
    Yaanaa wino gesen chin shuud shuls asgaraad yavchilaa. Onoodor nadad beer-ni hani oldoogui. yaadiin gantsaaraa garch avch uunaa😛

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

Шошгон үүл

%d bloggers like this: