Тэтгэлэг горилогсдод тусламж

Нээрээ ядуу орны иргэн байхаар чинь сэтгэлгээ хүртэл ядуу байдаг гэж үнэн юмаа. Би промо ажил хийгээд үнэгүй юм их цуглуулдаг гэж бичиж байсан тэ?

2010 онд баахан шүдний оо сурталчилсан юм. Тэгээд яахав дээ, ядуу хүн чинь бүтэн хайрцгийг  гэртээ хэрэглэнэ гээд аваад тавьчихсан. Одоо шүдээ угаахаар өмхий үнэртэж байгаа юм шиг санагдаад байх юм. Хаях хайран, хүнд өгөх гэхээр хүн амьтан хордуулчихвал гэж муу санаалаад. Тэгээл өглөө оройдоо ярвайлттайгаар шүдээ угааж байна.

Монголд идэж чадах юм биш гээл амаа олохгүй элдэв янзын юм идэх юм. Австрали найз нар бол хэрэгцээгээрээ иднэ. Би бол дахиж олдоо ч уу, үгүй ч үү гэсэн сэтгэлгээтэй идэхээр ширээний араас бараг хөдөлж чадахаа больсон амьтан босох юм. Хэрэвзээ энэ бүхэн надад цаашдаа олдоно гэдэг итгэл, үнэмшил далд ухамсарт байдаг бол би ингэж гуранхайтахгүй дээ.

Надтай хамт нэг англи хүүхэн ажилладаг. Би авсан юмаа яаж авч явнаа гээл бөөн толгой өвдөөстэй. Шуналтай дэлгүүрчин чинь хичнээн ч юм цуглуулсан юм. Тэгэхэд тэр хүүхэн бол хэдэн хувцас чемодандаа хийгээл үлдсэнийг нь шууд тусламжинд явуулж байна. Би ийм болох юмсан. Энд тэнд очиж амьдрал босгоол, явах болохоороо гарааж сэйлдээл зарагдаагүй үлдсэнийг нь шууд хандивт тушаадаг маргаашдаа итгэлтэй нэгэн болох юмсан.

Шунал, хүслээ хязгаарлаж сурна гэдэг их том боловсрол юмаа. Ядаж байхад юм үзээгүй ядуу орны иргэн миний шунал хөдөлгөх зүйлс захаас аваад олон. Өөрийгөө ажиглаад хэрэгцээгээ зөв тодорхойлж чаддаггүй этгээд байна гэж дүгнэлт хийв. Хамт ажилладаг хүүхэнтэйгээ хамт дэлгүүрдээд, сонголт хийж байгаа байдлыг хараад ийм дүгнэлтэд хүрлээ. Тэр ийм захтай, ийм материалтай, ийм юм авна гэсэн бол яг тэрийгээ эрт, орой хэзээ нэгэн цагт авдаг. Би болохоор за нэг тиймэрхүү юм байхад болно гэсэн бүдүүн тоймын ойлголттой гараад худалдан авалт хийхэд нөлөөлдөг хамгийн эхний зүйл үнэ, тэгээд материал, загвар байхад англи хүүхнийх яг эсрэгээрээ. Цалин адилхан байж яагаад ингэж байна гэдэг асуулт тавихаар ерөөсөө л сонголт хийх чадвар сул хөгжсөн нь харагдаад байгаа байхгүй юу. Дээр нь маргаашдаа итгэлгүй учраас өнөөдөр олдож байгаагаас нь сонголтоо хийдэг юм байна.

Үүнтэй яг ижилхэн, мянга шүүмжилсэн ч 21 мянган төгрөг тараахаар бүгд авдаг. Маргаашдаа итгэлгүй учраас олдож байгаа дээр нь аваад, өнөөдрийнхөө хэрэгцээнд зарцуулаад дуусдаг.

Comments on: "Яахав дээ, ядуу орны иргэн л байгааз тэ?" (8)

  1. эмэгтэй хүний араншин гээд л манайхан хэлээд бдгийн

  2. Uneen. Nadad neg iimerxuu xaan bish bool setgelgee neg medexed uuschixsen bdagiin. Uuniig yaj zasax talaar ur duntei arga oldvol bicheerei. Amjilt

  3. Yaanaa ayagui tanil dur zurag buuujiinaa. Hondlongoos unshisan chin bas evgui yumaa tee. hmmm. Ter 21.0 iig hurtel za tegeed negent ogch biagaam chin, avku bol uls butsaagaad huraagaad avcihj medne geed ichih ch ugui ocherlool avchidiishd.
    Yag unen, margaashdaa itgeltei boloh yumsan…

  4. Таалагдлаа.. ер нь блог чинь их таалагдлаа.. ийм эртний блогыг сая л олох гэж..

  5. Uneen unen. Ireeduidee itgeltei amidrah umsan.

  6. Delgermaa said:

    “Шунал, хүслээ хязгаарлаж сурна гэдэг их том боловсрол юмаа” үнэхээр үнэн.

  7. sodoo said:

    kkk bi bas yag ingedeg sh de bas l gadaadad surdag oyutan tegeed unegui yumand bas nugasgui unen yaduu setgelgeegees salmaar bn

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

Шошгон үүл

%d bloggers like this: