Тэтгэлэг горилогсдод тусламж

Хятадын цагаач балетийн бүжигчин Ли Цүнсины 2003 онд бичсэн дурсамж ном нь нэг хэсэгтээ л бэстсэллэр болж байсан юм. Кино нь зохиолоосоо илүү ойлгомжтой.

Гол агуулга нь соёлын хувьсгалын үед тариачны ганц хүү балетын тусгай сургуульд тэнцсэнээр түүний урлагийн замнал эхэлнэ. Түүнийг бүжигчний карьерээ эхэлж байхад Маогийн эхнэр балет үздэг бөгөөд сонгодог балет хувьсгалт үзэл хангалттай илэрхийлэхгүй байна гэж шүүмжилснээс болж театрын бүжиг дэглэлт хувьсгалт найруулгатай болохоос гадна Вагановагийн школтой бүжиг дэглээч нь эсэргүү болж ачигдах гэх мэт үйл явдлуудын гэрч болох юм. 80-аад Маогийн дараах дулаарлын үед Хьюстон Балет Бээжинд соёлын солилцооны дагуу тоглолт хийх ба хариуд нь нэг эрэгтэй балетчин туршлага судлахаар АНУ-д гурван сар ажиллах боломжтой болох юм. Бээжингийн театрын уран сайхны удирдагч нь Лиг сэтгэлийн дотоод хүч ихтэй, тууштай гэж тодорхойлсноор түүнийг капитализмын нөлөөнд авталгүйгээр нэр төртэйгээр ажиллаад ирнэ гэж найдвар хүлээлгэн Америкт явна.

Америк бүсгүйтэй танилцаж, дурласнаар байдал эргэнэ. Хьюстон Балетын гоцлол бүжигчин тоглолтын өдрөө гэмтсэнээс болж АНУ-ын Дэд ерөнхийлөгчид зориулсан гала концертод Ли испани бүжиг бүжиглэхээр болж 6 цагийн бэлтгэлийн дараа тайзан дээр гардаг. Энэ нь түүнд алдар хүндийг авчрах ба түүний АНУ-д ажиллах хугацааг сунгах хүсэлт Хятадын ЗГ-т гаргадаг боловч татгалзсан хариу авна. Хамт ажилладаг хоёр бүжигчин түүнийг цагаачлалын өмгөөлөгчтэй уулзуулах бөгөөд хэрэв америкийн иргэнтэй гэрлэвэл үлдэх боломжтойг түүнд хэлснээр америк найз бүсгүйтэйгээ гэрлэж, үүнийгээ мэдэгдэхээр Хятадын консулын газарт очино. Найз нөхөд, эхнэр, дарга, өмгөөлөгчийнх нь хажууд түүнийг хүчээр авч яван хорьдог. Мэдээж америкчууд бөөн юм болоод өмгөөлөгч нь Ерөнхий прокурорын зөвшөөрөл авч сүүлдээ ЭфБиАй, АНУ-ын дэд ерөнхийлөгч Буш хүртэл оролцсон асуудал боссоноор Лид үлдэх боломж олдож, тэрээр Хьюстон баллетын гоцлол бүжигчин болно. Эхнэрээсээ сална.

Жирийн тариачин эцэг, эхийг нь хүмүүс жигшин муучлах компанит ажил өрнөнө. 10 орчим жилийн дараа ээж, аав нь Америкт ирж, хүүгийнхээ тоглолтыг үзнэ. Тэрээр төрсөн тосгондоо 15 жилийн дараа очдог.

Миний хувьд энэ хүн мундаг гэхээсээ илүү хувиа хичээгч. Хувь хүнийхээ хувьд авъяаслаг бүжигчин энэ эр өөрийн хүсэл мөрөөдөлдөө хүрсэн ч гэлээ аав ээж, хамт ажилладаг байсан олон хүмүүсийн боломж, амьдралыг золиосолж байж үүнд хүрсэн юм. Мэдээж түүнийг зугтааснаас хойш лав Бээжингийн драмын театрынхан коммунист намын хар дансанд орсон байгаа. Хөөрхий аав, ээж хоёр нь олон хүнд чичлүүлэн урвагчаараа дуудуулан ихэд зовсон. Мэдээж боломж олдож байгаа дээр ашиглах ёстой, ашиглаагүй бол чи тэнэг гэж олон хүн хэлэх байх. Гэвч уучлаарай. Ард үлдэж буй хүмүүстээ ямархуу гай зовлон авчрахаа мэдсээр байж, үлдэж чадаж байна гэдэг нь хувиа бодсон хүний шинжээс гадна хүсэл мөрөөдлөө биелүүлэхдээ бусдыг золиосолсон хүн хэр зэрэг “мундаг” хүн бэ?

Энэ хүн одоо хөрөнгийн бирж дээр ажилладаг бөгөөд гэр бүлийн үнэт зүйлс, зорилго гм-ийн тухай нийтэд зориулсан лекц уншдаг юм. 

 

Comments on: "Мао-гийн сүүлчийн бүжигчин" (4)

  1. daraa ni australia huuhentei bas suudag sh dee. hehe, america avgai n iluu ih bolomj olgoh gej sain duraaraa salj amjiltiig ni demjdeg yumaa. huniig aviyastaig ni uneheer uneleed eks ehner n hurtel amidraliinh n negen shat bolood uldeheer ovormots shiidver gargaad daraachiin alhamuudiig n’ zasaj ogdiin, sain duraaraa sh dee.

    tegeheer nadaa bol mundag l sanagdsan. america-uud yahav dee, uls tor, baahan show hiij sensaatslaad, show manager n’ bas suiheetei er baij taaraad media channeluudiin hot spot bolgoj chadsan n sn hereg.

    hun bur 2 ulsiin bodlogiin hemjeend hurtel yarigdah gots aviyastai torj chadahgui sh dee. gehdee gots n’ yu yum neleen eye catching tuuhen zamnaltai l hun shig sanagdsan daa.

    suuld australia ruu bas zugatsan biz dee hehe… youtube bichleg n joohon gomo haragduulaad bdg bolohoos uul n ch goya ogzogtei l baletchin daa hehe..

  2. end yag asian bolon american uzliin yalgaa unertej bn doo.

    america-uud bol suiheetei mundag criminal, robber-iigoo uneheer aviyastai baij chadval FBI-n ajiltan bolgood avchdag, barag l chadaj baival hulgail l daa, huur l daa, amia bodoh, huvia hicheeh tal deeree shildeg n’ baij CHADAJ baival gee l suujiidag, irged n hunii yumaar huudegnecheed gants ooriin saihan amidraliig hoohiig HERO, success hemjeend avch uzdeg bol asia-uud ter mini ene mini, sorry, neree hicheeye, uhtel ur haram, busdiin hereg butvel ooriin hereg butne, naizaar mini namaig tanina, orooliig toloo ooriigoo zolison sain hun bla bla bla…

    yamar saindaa tsagaan zaluus hyatad huuhentei GF hemjeend joohon yavchuul teed onooh n zugeer ch morooroo hayagdchihgui, salchihgui, boon family ashame yariad, suuh muuh bolood yadargaataad yavchdag geed ineeldeed bdagshd kk.

  3. 4, 5 jiliin omno usa xamgiin sxan oron yum gej boddog l baila. odo jaaxan yum uzed sonsod bxne bas tiimgui yuma. xunii erx ed nar gej yaridag mortloo xamgiin ix zorchdog ch oron yum shig. xunii erxtenii naimaa, gazar xodlolt, uyer, xyamral ged oligtoi yum medeger garaxa baila. er ni mongol maani l xamgiin sxan oron yum da aav eej ax duu torol torogsod maani bugd bdag. mongoloo l goyo bolgochih yumsan. tiim xaluun zurxtei xumus ix toroosei.

  4. eebii said:

    Amidral sanasnaar bolohgui shu de

Хариу үлдээх

Fill in your details below or click an icon to log in:

WordPress.com Logo

You are commenting using your WordPress.com account. Log Out / Өөрчлөх )

Twitter picture

You are commenting using your Twitter account. Log Out / Өөрчлөх )

Facebook photo

You are commenting using your Facebook account. Log Out / Өөрчлөх )

Google+ photo

You are commenting using your Google+ account. Log Out / Өөрчлөх )

Connecting to %s

Шошгон үүл

%d bloggers like this: