Мэтгэлцэх чадвар

Хувь хүний ертөнцийг үзэх үзэл өөр өөр, тэр нь хүрээлэн байгаа орчноосоо хамаардаг тул (http://www.lexitive.com/blog/?p=312) өөрийн мэддэг зүйлээ бусадтай хуваалцаж, үзэл бодлоо хүлээн зөвшөөрүүлэхийн тулд мэтгэлцэх хэрэгтэй болдог байхнээ.

Одоогоос жилийн өмнө (цаг хугацаа ч харвасан сум шиг өнгөрчээнаа) Гэгээн ТББ Англиш клубын нэг хичээлийг удирдан явуулах боломж олдож, тодорхой сэдвээр хоёр баг болж хэлэлцүүлэг зохион байгуулав. Сэдвийг нь яг тодорхой санахгүй байгаа боловч нөгөө тал бол улаан, цагаан дайраад байх юм. Манай тал асуудлын давуу тал болон сул талыг хэлээд байлаа. Нөгөө тал биднийг огт сонсохгүй л дайраад байлаа. Би бүүр гайхаад “яагаад ингээдээнаа?” гэсэн чинь мэтгэлцээний клубт явж байхад нь нөгөө талын хэлж байгааг ерөөсөө хүлээн зөвшөөрч болохгүй, зад няцаагаад л өөрийнхөө санааг “зүтгүүлээд” бай гэж заасан гэдэг юм даа.  Хэрэв нөгөө талынхаа хэлж буйг ойлгохыг хичээхгүйгээр, зөвхөн миний зөв гээд зүтгээд байвал нэг ижил тэгш түвшинд мэдээлэл солилцдог хэлэлцүүлэг биш, үзэл санаагаа уралдуулдаг мэтгэлцээн бол бүүр ч биш, ХЭРЭЛДЭЭН болчихож байгаа юм.

Би хаяа боддийн, энэ УИХ-ын гишүүд дээр хэлсэн Хэрэлдээний клубт явсан байхаа гэж. Хэлэлцэж буй асуудлаас тас хөндлөн сэдвээр шүүмжлээд. Буян Жагаа үйлдвэржилтийн бодлого, хөрөнгөтний үзлээ ярьж байхад тэрний ясан толгойтой, туранхай гуалиг нь ямар хамаа байнаа?. Эсхүл дуучин Баясгалангийн Эх нялхсын эмнэлэг ажиллуулж байгаа нь тэрний хийлгэсэн гоо сайхны мэс засалтай түй ч падлийгүй.

Аливаа асуудлаар үзэл бодлоо уралдуулахдаа тэр хүний пялсоофийг ойлгочихвол мэтгэлцэхэд маш хялбар байдаг. Баабарын Ардчилсан намын ойн хурал дээр хэлсэн үг http://baabar.niitlelch.mn/content/2689.shtml, хариуд нь ИЗН-ын Г. Ганбатын бичсэн нийтлэл http://www.ireport.mn/read/1146.shtml

За хүүхдүүдээ эхлээд энэ хоёр нийтлэлийг сайхан умшаад, пялсооп талаас нь үнэлэх гээд үзээрэй,. Баабарын барзгар нүүр, Ганбатын урт үс энд огт хамаагүй шөө. Нийтлэлийн доор сээгийчидтэй бол бүүр падлийгүй.

Алимаа

‘The Party Thieves’ by Barrie Cassidy

Dedicated to BUBU.

Read the book, like it. Well described behind the scene politics, internal and external.

Characters:

Kevin Rudd, a former PM, a current Minister for Foreign Affairs

Julia Gillard, a current PM, and who challenged K.Rudd and overturned him.

ALP-Australian Liberal Party

Book review: The Party Thieves by Barry Cassidy.

The Party Thieves, while strangely named, is a thorough reporting by Barrie Cassidy of the replacement of Kevin Rudd as the Prime Minister by the parliamentary wing of the ALP, the first days of Julia Gillard’s Prime Ministership and the 2010 election campaign up until the decision of September 7 that made Gillard Prime Minister in a minority government.

The book dives right into the detail. It’s a great book for someone who wasn’t in Australia at the time. It’ll be a great reference for future generations of students of political science and journalism. The people who lived through it probably won’t want to relive it, although the political “tragics” will find this book nourishing.

The book begins looking into the recent history of the federal parliamentary party and its leadership: with Mark Latham and Rudd’s campaign for the leadership. That Gillard had the numbers to replace Beazley with Rudd is an eye opener for me. Gillard didn’t simply have the ability. She also had the numbers. Rudd was the bridegroom, one that, unfortunately, disappointed the parliamentary party as well as the citizens of Australia.

Cont: http://www.onlineopinion.com.au/view.asp?article=11342

Жапанд сурах боломж

В. Ганзориг

Гадаадад сурах боломж

IUJ-г төгсөх үед маань дипломын ажлыг минь удирдсан профессор маань дараах цахим шууданг илгээжээ.

Dear Vinzo,
I am planning to visit Mongolia in January for JDS interviews… If you know good friends you may want to encourage to consider MBA program for JDS and private students for E-Biz. I can even meet E-Biz potential candidates, if you could line up a few…
Take care and good luck for everything…
-Prof. Jay

Үргэлжлэлийг http://vganzorig.blogspot.com/2010/12/ride-wave.html уншаарай.

Initial Public Offering

Манай санхүүгийн мундагчууд энэ талаар тодорхой бичицгээсэн байх гэж найдаад энэ талаар мэддэг жоохон юмаа хуваалцъя.

IPO буюу хөрөнгийн зах зээл дээр анх хувьцаа гаргах үйл ажиллагаа нь бизнесээ өргөжүүлэх, хөрөнгө оруулагчдыг татахад зайлшгүй хийдэг нэг арга хэмжээ юм. Нэгэнт АйПО хийгээд хөрөнгийн бирж дээр бүртгэгдсэн бол тухайн компани нь publicly listed company болж хувирдаг. (АйПО гэдэг үгийг орчуулах гэж манай мундагчууд үзээд энүүгээрээ байсан нь дээр юм байна гэж санал нэгдсэн юм).

2005 билүү 6 онд MoneyGram, HK Stock Exchange хөрөнгө оруулалтаар МГЛ-д баахан хурал хийж, орчуулга хийх хэцүү албанд ажиллаж билээ. Нэр томъёо нь үнэн аймаар, синхрон хийх гэж хөлсөө гоожуулж, хөгөө чирсэн дээ. Харин Австралид төгсөгч Сарантунгалаг энэ чиглэлээр мэргэшсэн, топын топын ТОП гэдгээ харуулж билээ. Манай Сараа чинь Мельбурнд МВА хийсэн юм.

Тэр үед л Хонгконгийн Хөрөнгийн биржийхэн (цаашид ХК ХБ гэчихзе) МГЛ-той нэг цагийн бүсэд байдаг болохоор цагийн зөрүүгүй, шууд мэдээллийг хянах боломжтой,  бид мундаг, бидэнд итгээд АйПОгоо хийлгэвэл мөнгөөр бороо оруулна энээ тэрээ гээд үгүй ээ мөн их рекламдаж байж билээ, хөөрхий. Гэсэн мөртлөө орчуулгын хөлс дээрээ бас гар татаастай. Бид нар ярьж байгаад цагийн 200 дойлуур болгоё яадийн, хэрэгцээ нь байна, эд нар мөнгөтэй, тэгээд чиг хэцүү төрлийн орчуулга гэж ярьж байлаа. Гэхдээ нийгмийн хамгааллын сэдэв, эсхүл ТББ-ын зохион байгуулж буй хуралд бол бид үнэрхдэггүй ээ. Би лав Азийн барилгын инженерүүдийн холбоо, АХБ-ны нийгмийн эмзэг бүлэгт чиглэсэн төслүүд, Канадын модон каркасан барилга, хуванцар химийн үйлдвэрлэлийн технологи нтр-т бөөн дурын уран сайханчаар амаа чилтэл, хоолойгоо хаттал орчуулга хийдэг байлаа гэж.

Австралийн хөрөнгийн бирж Сингагийн хөрөнгийн биржтэй энэ жил нийлсэн (merging) нь манайхан болон Хятадууд ХК ХБ дээр их гарч байгаатай холбоотой гэж үздэг. Нийлж байгаад ХК ХБ-ийн эсрэг “үзэх” нь байна ш дээ.

Энэ оны эхээр Австралид Hunnu Coal (http://www.hunnucoal.com/)IPO хийж 20 сая дойлуур босгосон бол одоо Харанга Резорсис (http://www.haranga.com/) гарах гэж байна. http://zaluu.com/. Энержи Ресурс ч бас ХК-ийн хөрөнгийн биржид гарч нилээд мөнгө босгосон дуулдана лээ. Эндхийн уул уурхайн хүнд жингийн дээд лигийн тоглогчид (Rio Tinto, Leighton, McMahon etc) бүгд манайд орд газартай.

Д. Мөнхчимэгийн бичсэн манай ХБ-ийн талаархи бичлэгтэй санал нийлж байноо. http://www.mongolnews.mn/p/13685. Үнэхээр хуулийн дагуу хурааж авсан боловч ирээдүйд эзэд нь нэхэх хүний мөнгийг төсөвтөө нийлүүлдэг улс дэлхийд цөөн байх даа. Энд амьдран ажилладаг хүмүүст дуулгахад таны Superannuation буюу тэтгэврийн дансны үлдэгдэл 10 мянган дойлуураас их бол мөнгөө өөрөө мэдэж байршуулах эрх нээгддэг учраас боломжтой хүмүүс нь дансны мөнгөөрөө монгол компаниудынхаа хувьцааг худалдан авч байршуулж боломжтой. Бүгдийг биш юмаа гэхэд дөрөвний нэгийг нь ингэж байршуулж чадвал таны эх орондоо оруулж буй хамгийн том хөрөнгө оруулалт болно. Эдгээр компанийн индексүүд нь веб дээрээ байгаа тул сонирхсон хүмүүс нь мэдээллээ аваад явчаарай. Манай Анод, Ремикон, Витафит өөр юу юу билээ Монголын ХБ дээр АйПО хийж мөнгө босгочихоод тэр мөнгөөр нь сонгуульдаад, хаус худалдан авч,  морь уралдуулчихдаг хүнд гаруудтай зүйрлэлтгүй. ОУ-д хөрөнгийн биржид гарахын тулд тухайн компанийн бүх мэдээлэл нь ил тод байдаг, буруу зүйлд зарцуулах магадлал маш бага тул итгэж болно.

Австралийн уул уурхайн төв нь Баруун Австрали, Пертэд байдаг. Манай зарим нэг сэргэлэн гарууд овоо хэдэн жилийн өмнө орчуулагчийг нь хийж гүйж байснаа шагналд нь “Маргаашийн өөхнөөс өнөөдрийн уушиг” гээд том жип авч унаад байсан шүү. Би байсан бол хувьцааг нь авна. Бас нэг өөр төрлийнхөн нь болохоор МГЛ-д очоод уул уурхайн компани байгуулаад өөрөө босс болох гээд давхиж чиг байх шиг. Хүн юм бүрийг чадахгүй юм чинь чаддаг чаддагаа хийгээд харилцан ашигтай байвал барав. Энэ бизнесменүүдийг харахад зөвхөн өөртөө ашиг харахаар бизнес нь тухайн үедээ болж буй мэт боловч удаан хугацаандаа уналтад орно гэж ойлгох хүртлээ нилээд хэд дампуурч, үхэж сэхдэг юм шиг байгаам, зайлуул.

Алтны шороон ордны лицензийг хураах сургаар хөдөлгөөн байгуулагдаад сүйд гэнэ. http://economy.news.mn/content/43612.shtml . ОТ гэрээ муу болсон давуу эрхийн хувьцаагаа гаргавал манай эзэмших хувь хэмжээ багасна нтр гээд л Н.Батбаяр тэргүүтэйгээр тэмцлийн галыг хөгжөөгчид их байна даа. http://economy.news.mn/content/43616.shtml. Тэр гэрээг өмнө умшаагүй байсан гэж худлаа даа, худлаа. Тэгчихээд давуу эрхийн хувьцаа энэ тэрийн учрыг мэдэхгүй байсан гэж бүүр худлаа. Алтны уурхайн лиценз хураах сургаар л өрсөж нүүж байгаа царай нь гэж бодож байна. Байгаа жоохон юмаа булаацалдаад хэрэлдчих юм, өнөөхийг нь сонин сэтгүүл дэвэргээд, хүмүүс тэгэнгүүт бөөн эх оронч хөдөлгөөн өрнүүлэх юм даа. Нөгөө муу Зоригтыг маань бүүр Уго Чааваас болгож үзээд чиг байх шиг (http://munkhbayasgalan.niitlelch.mn/content/2668.shtml) , Баярцогтын томилолтыг хэлэлцээд чиг байх шиг (http://www.mongolnews.mn/i/13748). Дээр нь бас Мон-Атом гэж ураны ордоор бөөн холион бантан (http://economy.news.mn/content/43462.shtml)

Гэнэт идэх гэдсэнд цөвтэй, гэнэт баяжих насанд цөвтэй гэж. Түүхэндээ байгаагүй мөнгөтэй болох сургаар алаагүй баавгайн арьсаа хуваах гэж талцаж өгөх юм. Хэлсэн ярьсандаа байж чадахгүй, хувь хүний эрх ашгаа дээгүүр тавиад өнөөдрийн уушиг хөөгөөд байвал дэлхий нүүрээ бууруулах вий дээ. (Аймаар хүндээр санаа алдав…)

12 сарын 1

Манай улсад ДОХ-ын талаар бүүр 80-аад оны сүүлээр ярьж эхэлсэн юм. Тэр дуулианаас болж олон охид Зөвлөлтийн их, дээд сургуулиас хөөгдсөн дөө. Анх оюутан болж явахад МҮЭСТО-д бүх гадаадад сурахаар явж буй хүүхдүүдийг цуглуулаад ДОХ-ын талаар ярьсан бөгөөд залуухан царайлаг гэгч нь ах “Харуудтай охид их явалддаг, ДОХ тусна шүү. Энэ аюулт өвчнөөс урьдчилсан сэргийлэхийн тулд та нар бие биенээ сайн гатнуулдаад хар, бор залуучуудтай айлгүйтэж байгаа охин, хүүхэн харагдвал шууд хэлж бай, бид шууд хөөнө. Энэ бол шилдэг МХЗЭ-ийн гишүүний журамт үүрэг” г.м утгатай зүйл ярьж билээ. (Журамт үүрэг гэснээс өнөөдөр блогч хүний журамт үүргийн талаар сонины сурвалжлагч болтой хүүхнээс мэдэж аваад ихэд баярлав ш дээ https://alimaa.wordpress.com/2010/11/15/%d0%b4%d1%8d%d1%8d%d0%b4-%d0%b1%d0%be%d0%bb%d0%be%d0%b2%d1%81%d1%80%d0%be%d0%bb%d1%8b%d0%bd-%d0%b7%d0%be%d1%80%d0%b8%d0%bb%d0%b3%d0%be-%d0%bd%d1%8c-%d1%8e%d1%83-%d1%8e%d1%83%d0%bc-%d0%b1%d1%8d/#comment-708)

Манайд ДОХ-ын анхны халдвар тээгч нь гэй байж, одоогийн байдлаар нийт тохиолдлын бараг 70 хувь нь бэлгийн цөөнх чиг хандлагатай хүмүүс болоод байна.(http://www.unicef.org/mongolia/activities_2589.html)

2004 оноос тархалтын гол суваг тодорхой болсон тул бэлгийн чиг хандлага нь цөөнх (дотроо гомо, лесби, трансжендер, бисекс г.м-ээр өөр өөр тул нийтэд нь ингээд нэрлэчихвэл арай хялбар санагддаг) болсон иргэдттэй ДОХ-той тэмцэх өртөг өндөртэй төслийн хүрээнд “тулж” ажиллаж эхэлсэн юм. Үүиий үр дүнд тэдгээр иргэд өөрсдийгөө нийгэмд мэдүүлэх талаар өргөн фронтоор ажилласны нэг жишээ нь блогууд. Ялангуяа, гадаадад байгаа МОГО хүмүүс(өөрсдийгөө ингэж нэрлэдэг юм байна лээ www.patatepatata.blogspot.com http://2046fan.blogspot.com www.alex-mishaa.blogspot.com). 

Хүний эрх талаасаа ч тэр эдгээр иргэд бидэнтэй ижил ЭРХТЭЙ ХҮН, МОНГОЛ УЛСЫН ИРГЭН юм. Пээ, паа балиар заваан гэхээсээ өмнө та өөрийгөө тэдгээр хүмүүсийн оронд тавих гээд үз дээ. Шууд НОҮ гэхээсээ өмнө ядаж ойлгохыг хичээгээд үзээрэй. Хүний бэлгийн сонирхол нь төрмөл бөгөөд капиталист ч бай, социалист ч бай, ядуу баян үл хамааран аль ч нийгэмд нийт хүн амын 10 хувь нь ижил хүйсийн хүнээ хайрладаг хүмүүс байна. Үүн дээр байгалийн бодгалийн хувьд эрэгчин боловч өөрийгөө эмэгчин, эсхүл эсрэгээрээ сэтгэдэг хүмүүс дахиад 5 орчим хувь байдаг гэнэ. Яг үүнтэй ижил хөгжлийн бэрхшээлтэй иргэд аливаа нийгэмд мөн тодорхой тооны байна. Бид хөгжлийн бэрхшээлтэй иргэдээ хөөрхий минь, эвий минь гэж хайрлан тэтгэдэг мөртлөө хөөрхий бэлгийн цөөнхийг хэлэхгүй муухай үгээр хэлж, хараах юм.

25-ын ТАНАЙД ХОНОЁ-гоор Ганбуушийнд очиж хоноход хүмүүс тэр хөтлөгч залуугийн увайгүй үйлдэлд их дүргүйлхэж байсан нь надад их таалагдсан. Дүрдээ итгэсэн гар чинь хачин асуулт тавьж, харин Ганбууш гуай их тэвчээртэй хүн байна лээ. Би байсан бол үхтэл нь доромжлоод, нүүрийг нь маажаад хаяна :). Дашрамд хэлэхэд Ганбууш гуай их алиа хүн байна лээ ш дээ. Яагаав нөгөө “Сүргийн манлай” ККК.

Саяхан Ялалтын, (нээрээ Эрх чөлөөний нэртэй болсон ш дээ) талбайд арга хэмжээ болсон гэж сонссон.  Нүүрномоор урилга ч их ирсэн.

Австралид ч мөн саяхан буюу 80-аад оны үеэс эдгээр иргэдээ хүлээн зөвшөөрч эхэлсэн юм байна. Гэхдээ тэр хүртлээ хатуу, хүнд замыг тэд туулсан, туулсаар ч байна. Ижил хүйстэй хүмүүсийн гэрлэлтийг албан ёсоор бүртгэхийг дэмжсэн хуулийн төсөл одоо болтол Холбооны Парламентаар батлагдаагүй, хэлэлцэгдсээр. Бие даагчид болон Ногоон намынхан энэ асуудлыг дэмждэг тул миний найз нөхөд, хамт ажилладаг цөөнхүүд ихэд найдлага тавьж байгаа тухайгаа ярьж байсан. Миний найз сэтгэл засалч эмч бүсгүй лесби түүний хайртай хүн нь багш. Тэр хоёр 4 жилийн өмнө хурим хийсэн ба өнгөрсөн жил Макс гэдэг мантгар цагаан хүүтэй болсон. Гайхах хэрэггүй, эрүүл мэндийн шинжлэх ухаан өндөр хөгжсөн учраас донорын үр суулгаж хүүхэдтэй болсон юм. Энд нийгмийн сэтгэл зүйн эрүүл мэнд хурц асуудал учраас psychotherapist-уудын эрэлт их, тэр хирээрээ ч орлого маш өндөр.

Хүний хорвоод сайн муу өдрүүд ээлжлэн хөвөрсөөр. Ижил хүйсийн хүнээ хайрласных нь төлөө хэн нэгнийг ад шоо үзнэ гэдэг нь 21-р зуунд 19-р зууны сэтгэхүйтэй амьдарч байна гэсэн үг юм даа.

ДОХ-той тэмцэх дэлхий нийтийн өдөрт зориулав. Мөн гэр бүлийн амьдралын нартай, сүүдэртэй, бороотой, шуургатай бүх өдрүүдийнхээ тухай хуваалцдаг байсан миний хамгийн анхны гэй найзууд болох Маурисио, Аби хоёрыгоо дурсан бичив.

Plagiarism буюу “ухаантай” хуулах нь

Барууны сургуульд сурч буй хүүхдүүдэд тохиолддог хамгийн том бэрхшээл бол “ухаантай” хуулах асуудал юм.

Plagiarism-ийн тодорхойлолтыг Вики аня http://en.wikipedia.org/wiki/Plagirism ингэж тодорхойлжээ.

Энэ үгийн латин үндэс “хулгайлах” plagiārius, plaga- буюу тор, нэхэх гэсэн утгатай грек үгнээс гаралтай юм байна.

Ганзоо энэ үгийг “цагаан махны хэрэг” гээд сайхан орчуулсан байна лээ.http://vganzorig.blogspot.com/2010/08/plagiarism.html

Ишлэл татах буюу референс хийдэг хоёр арга хамгийн өргөн хэрэглэгддэг

Харвард стиль -менежмент, нийгмийн ухааныхан их ашигладаг

APA буюу American Psychologist Association стандарт-боловсрол, сэтгэл судлал, бизнесийн удирдлага чиглэлийнхэн их ашигладаг.

http://www.flinders.edu.au/current-students/slc/whatweoffer/referencing.cfm

Хүний санааг хулгайлсныг мэдэх амархан бөгөөд SafeAssign гээд веб рүү чиний бичсэн тектийг явуулахад хэдэн хувь нь өмнө бүртгэгдсэн, эсхүл интернетэд байгаа материалтай давхцаж байгаа, хуулсан материалын чинь эх сурвалж нь энэ байна гээд гаргаад ирдэг. Ер нь хүүхдүүдийн бичсэн зүйлийг уншиж байхад хүнээс хулгайлсан нь илт мэдэгддэг. Шууд хуулаад тавихгүй ч paraphrasing хийчихээд эх сурвалжаа заагаагүй бол сургуулиасаа шууд хөөгдөнө. Аль ч барууны сургуульд энэ асуудлыг маш хурцаар тавьдаг бөгөөд анх суралцаж эхэлж буй хүмүүст хамгийн их анхааруулдаг, хэрэв хуулсан бол ёстой “өчиггүй” хөөдөг юм.

Мэдээж чи бүхнийг мэдэхгүй, санаагаа нотлохдоо хүний санааг “ашиглах” учраас “ухаантай” хуулах чадвар бол онц сурахаас чухал асуудал. Гол мөрдөгддөг зарчим чиний бичсэн эссений 15-аас илүүгүй хувь хуулбарлагдсан байж болно. Түүнээс их бол шууд хөөгдөнө. Манайх шиг шууд хуулаад, эсхүүл ба бэгүй цээжлээд эргүүлж багшдаа ярьж өгдөг сургалтын  хоцрогдсон технологи хэрэглэгддэггүй тул чиний critical thinking буюу бусдаас “зөв” будаа идээд түүндээ үндэслэн оюун дүгнэлт гаргах ур чадвар амжилттай сурах ХАМГИЙН ХАМГИЙН ГОЛ чадвар юм.

За тэгээд бүгд сайхан “ухаантайхан” шиг хуулж сурцгаая.

PS: Энд сурч буй их дээд сургуулийн багш нар үүнийг л Монголд нэвтрүүлэх хэрэгтэй гэдэг дээр дуу нэгтэй санал нэгддэг. Тийм болохоор оюуны өмчийн хулгайтай хатуу тэмцдэг багш нар олширвол энэ асуудал цэгцлэгдэх байх гэж итгэдэг. Тэдний нэг байхаа ч амлаж байна.

Алимаа

Шилдэг блог 2010

Өчигдөр мэйл хүлээн авлаа. Зохион байгуулж буй маркетингийн компанийн захирал Мэнд-Орших миний энэхүү блог хоёрдугаар шатанд шалгарсан талаар мэдээлээд АйЛофтод болох ёслолын ажиллагаанд урьжээ. Хоёр дахь өдрөө толгой өвдөөд баахан эм уусан учир “шулуун” бодож чадалгүйгээр хариултыг нь бичээд явуулчихлаа. Шууд үзэх гэсэн боловч хэвлэлийн бага хурлын бичлэг нь тасраад олигтой ч зүйл болоогүй тул дахин 2 ш кодейн уугаад унтахаар хэвтэв.

Өглөө босоод горьдлого царайлан мэдээ хайж яваад http://www.lexitive.com/blog/?p=347#more-347 өөрийгөө нийгмийн сэдэвт блогдоо нилээд дээгүүр орсныг мэдэв.

Хамгийн сайхан нь Австралид төгсөгчдийн блог их сайн “давхижээ”.

Шилдэг бизнес блог Ванчингийн ГАНЗОРИГ, Нотр Дамын Их сургууль төгсөгч www.vganzorig.blogspot.com

Шилдгийн шилдэг блог Бүүвээбаатарын БУЛГАНМАА, Гриффит Их сургууль төгсөгч www.gegeen.com  www.gegeen.wordpress.com

Ганзоо, Булгаа хоёртоо баяр хүргэе. Дашрамд дурдахад энэхүү блогийг эхлэх суурийг Булгаа тавьсан юм. Өмнө банжигамаа царайлсан боловч тэрхүү АйДи яг ийм төрлийн блог хөтлөхөд итгэл үнэмшил төрүүлж, амжилт олохоор маркетинг хийхэд тохиромжгүй байлаа. Манай Булгаа “хойно гарсан эвэр” болохоороо энэ блогийн маркетинг, менежментийг сайн хийсний хүчинд байнгын тогтмол уншигчтай болсон юм.

Хоёр жилийн хугацаанд нийт хандалтын тоо 40 мянгад дөхсөн нь наддаа том амжилт. Мөн шилдэг нийгмийн сэдэвт блог http://aanxaa.niitlelch.mn-аас олон санал авсандаа ихэд урамшив. Миний бодлоор ЛЕХ блог их сайн давхих байсан. Үндэслэл нь:

1. Монгол хэлний найруулга, дүрмийн алдаагүй бичдэг. (Миний ойлгосноор энэ хүн хасаг үндэстэн байх магадлалтай. Хэдийгээр монгол сургуулиар явсан ч гэсэн төрөлх хоёр дахь хэлээрээ ингэж сайн бичнэ гэдэг нь монгол хэлний улсын олимпиадад 3-т орж байсан намайг ичээдэг юм).

2. Маш сайн асуудлыг хөндөж тавьдаг, нийгмийн харилцааг ажиглан оюун дүгнэлт хийх чадвар маш өндөр. Би лав 20-хэдтэй байхдаа ийм лаг байгаагүй.

3. Бусдад мэдсэн, дуулснаа харамгүй түгээдэг, хүний материал, санааг хулгайлж баяжилт хийдэггүй.

Миний байнга эргэдэг блогууд:

www.damdaa.blogspot.com

www.alex-mishaa.blogspot.com

www.gankhuyag.wordpress.com 

http://www.doshgin.blogspot.com/

http://itsme.blog.gogo.mn

www.barbagsh.mn

Дээр нь www.baabar.mn дээрхи нийтлэлүүд

Өмнө явуулсан блог санал асуулгын дүнгээс харахад алимаашка блогт өдөрт 100 гаруй хандалт тогтмол бүртгэгддэг ба тэтгэлгийн талаар мэдээлэл тавигдахад ачаалал ихэсдэг, прагматик бодит зүйл бичихээр сэтгэгдэл ихэсдэг, онолдсон, “тархи толгой” ажиллуулах чиглэлийн бичлэг ямар ч сээгийгүй байдаг чиг хандлага ажиглагдав. Эндээс харахад уншигчдын ихэнхи нь 80-аад оныхон байдаг юм уу гэж дүгнэлээ.

Блогчдын хувьд залуучуудын блог гоүгоү, банжиг дээр их байдаг ба сүүлийн үед банжига ажиллахаа болид хүмүүс ийш тийшээ их нүүдэл суудал хийсэн юм шиг байгаам. Цаашид блогчиддоо тавих санал гэвэл жилийн 25 дойлуурыг нь төлөөд чиг болтугай тэр цэг. эмэн экстеншнийг авах хэрэгтэй болов уу.

Ямар ч тохиолдолд би сэтгэл хангалуун байна. Миний балиашигласан хүүхдүүдээс тэтгэлэг хүртсээр яг өнөөдрийн байдлаар тоо нь 20 гарчээ. Тэдгээр залуучууд загас барих аргаа сурахад нь бага ч болтугай нэмэр болсон бол миний хувьд болох нь тэр. 

Шинэ оны босгон дээр хүн бүр ажлаа дүгнэж байна. Бас дараа жилийнхээ ажлыг төлөвлөж байна. Тийм болохоор би ч мөн адил 2011 онд блогтойгоо холбогдуулан хийх ажлаа тоймлохыг хичээе.

1. Тархины фитнес сэдвээр бичихдээ хүмүүст асуудлыг өөр өнцгөөс харах сэдэл төрүүлэхүйцээр бичих. Энэ нь цаашид тэтгэлэг горилогсдод Action plan, Research proposal- бичихэд нь туслах зорилготой юм.

2. Тэтгэлэг хүртсэн хүүхдүүдийг “дарамталж” байгаад өөрсдийнх нь “түүхийг” бичүүлэх. Одоогийн байдлаар Булган, Отгонжаргал хоёр бичсэн байгаа.

3. Нийгэмдээ хэрэгтэй хүн байх чиглэлээр санаа авахуйц “будаа” бүхий нийтлэлийг ажиглалт, туршлага дээрээ үндэслэн бичих.

4. Сардаа нэг удаа АНГЛИШ-ээр эссе бичих. (Тоймтой сэдэв одоогоор алга байна, гэхдээ аль болохоор target audience late 20s, early 30s -д чиглэсэн байна)

5. Үг үсгийн алдаагүй бичлэг хийхийг чармайх.

Таван төгөлдөршил гэдэг шиг юм болчиховоо. 😉

Энэ блогийн төлөө саналаа өгсөн бүх хүмүүст баярлалаа. Цаашид улам хичээх болно. Мэдлэг, мэдээллээ харамгүй солилцвол тэр hомунизм hээч нь юу байхав дээ, тиймээ?

PS: Шилдэг блог 2010-ыг зохион байгуулагчдад бүртгүүлж, саналаа өгсөн хүмүүсийн АйДи нууцлалын талаар асууж, цаашид телемаркетинг-д ашиглахгүй гэсэн баталгааг шаардаж имэйл бичихэд агентлагийн захирал Мэнд-Амар захиа ирүүлсэн бөгөөд имэйл хаягийг ашигласан тохиолдолд unsubscribe хийх боломжтой байхаар тохируулна гэж амласныг дуулгая.

Uranium vs Байгаль орчин

Манайхан бөөн баяр. Францын АРЕВА-гийн охин компани Кожсговь ураны олборлолт уусгадаг аргаар хийнэ гэнэ.

http://zaluu.com/economics/index.php?id=952

Одоогоос 3-4 долоо хоногийн өмнө Францын улсын мэдлийн компани Арева Хятадын талд ирэх арван жилийн хугацаанд 20 мянган тонн ураны баяжмал нийлүүлэхээр Ху даргыг Францад айлчлах үеэр гарын үсэг зурав даа. http://www.pennenergy.com/index/power/display/8901900187/articles/pennenergy/power/nuclear/2010/11/areva-seals__3_5b.html

Тэрний өмнөхөн Хурцыг Хитроуд баривчлав. Дээрхи үйл явдлууд бүгд холбоотой юу?

Цөмийн эрчим хүчний станц барих урьдчилсан судалгааны багийн ахлагч нь хэрэв ийм станц барьчихвал бид чинь үнэгүй цахилгаантай, бүүр хужаа нарт зараад баяжиж үхэх юм байхаа. Дэлхий дахинд одоогийн хэрэглэж буй түвшин, технологиор тооцоход өндөр чанарын ураны баяжмалын нөөц нь зөвхөн хэдхэн арван жил хүрэлцэнэ. (Diesendorf, 2009). Цөмийн эрчим хүчний цахилгаан станцад шаардлагатай ураны баяжмалын концентрацыг гаргаж авахын тулд мянга түм дахин илүү их хэмжээтэй чулууг бутлах ба энэхүү үйлдвэрлэл нь fossil fuels буюу нүүрс, байгалийн хийг хэрэглэж, энэ нь эргээд хүлэмжийн хийг нэмэгдүүлэхэд үлэмж хувь нэмэр оруулдаг байна. Цөмийн эрчим хүчний үйлдвэрлэлийн технологийн дараалал (nuclear chain) нүүрс, байгалийн хийгээр ажилладаг цахилгаан станцыг нийлүүлсэнтэй тэнцэх хэмжээний ул мөрийг байгаль орчинд үлдээдэг. (Van Leeuwen, 2008). Үйлдвэрлэлийн хаягдлын асуудал бас бөөн толгойны өвчин. Радиоактив элементүүдийг (плутони) цэвэрлэх технологи нь маш өндөр технологи бүхий химийн үйлдвэрлэл шаарддаг тул бас эргээд байгаль орчинд аюултай, өндөр өртөг бүхий үйл ажиллагаа болно. Өнөөдрийг хүртэл цацраг идэвхит элементийг бүрэн цэвэрлэх технологи дэлхий дээр байхгүй байгаа юм.  

Миний ойлгосноор бол ЦЦС барих төсөл их урт настай байдаг юм байна. Жишээлэхэд, Австралид улс төрийн шийдэл болчихоод байгаа ийм төрлийн төсөлтэй холбоотой зөвхөн дэд бүтцийг барихад 15 жил шаардлагатай гэнэ. ct requires long planning and construction time. Энэ хугацаа нь олон нийтийн эсэргүүцэлтэй тулаагүй тохиолдолд (ARPS, 2010). (Өнөө өглөөхөн энэ төсөл нь Парламент дээрээ унах шиг болов. ЕС Жулия барайв).

Монголын олон нийт энэ асуудлаар мэдээлэл муутай байгаа тул одооноос эхлэн олон нийтийн санаа бодолд эерэг сэдэл төрүүлэх компанит ажлыг явуулж эхэлж байгаагийн нэг жишээ дээрхи ярилцлага. X-ray хийхдээ бас зүйрлэчихжээ. Гэтэл дэлхийн хөгжингүй орнуудад жирэмсэн эмэгтэйг рентген хардаггүй бөгөөд “Please, tell them I am here” плакат дүүрэн. Манайх харин жирэмсний хяналтад оруулахдаа рентген хийлгэ, тэгэхгүй бол бичиг өгдөггүй, бичиггүй бол мөнгөн тэтгэлгээ авч чаддаггүй ч гэл үү нээх хөгийн юм яриад байсан шүү. Больмоор юм. 90-ээд оны эхээр нэг эмч бүсгүй Чернобыль болон Мардайн уурхайн үр нөлөөний талаар судалгаа хийж Др хамгаалахаар Москвад сурч байсан. Тэр хүний судалгааны тайланг олж үзвэл бас л сонин байх даа. Судалгаа гэлтгүй Украйнд хамт сурч байсан найз бүсгүйчүүдийн үс их унадаг ба нэг маань “Энэ ер нь Чернобылиэс болсон байх. Тийм болохоор Украйны ЗГ-аас нөхөн олговор нэхье” гэж санал гаргаж байсан сан. Тэр үедээ урдаас ХУЦ гэж хэлэх биз гээд инээлдэж байсан ч үнэхээр тэр гамшгийн дараа сурч байсан, ямар аюултай юманд явж байгаагаа мэддэггүй байж дээ.

Онигоо: Киевийн зах дээр эмээ “Чернобылийн төмс аваарай, Чернобылийн төмс аваарай”. Нэг залуу өрөвдөөд эмээд дөхөж очоод “Эмээ минээ, та ядаж Харьковын төмс гэж хэлээч, Чернобылийнх гэхээр хэн таны төмсийг авах билээ дээ” гэхэд “Харин ч үгүй шүү, хадам ээждээ зориулаад залуучууд сайн авдаг юм”.  Вахаха.

Өнгөрсөн жил албан тушаалаасаа буухаасаа өмнө Олон Улсын Цөмийн Энергийн аген тлагийн дарга Эль Барадей Монголд улсад айлчилсан нь нэгийг хэлээд байх шиг. Бас ДБ-ны суурин төлөөлөгч байсан нөхөр Пибодигийн Монголын салбарын захирлаар томилогдоод ирэх юм. Тэр үед нь манай төр засгаас одон медалийг нь өгөөд БАЯРТАЙ, САЙН яваарай гээд үдсэн гэж бодсон үгүй юм аа.

Тэгсэн чинь салхины эрчим хүч ашиглах төсөл гээд нээх жижигхэн зүйл манайд байнаа. Эдийн засгийн үндэслэлийг нь бодвол хамгийн боломжтой хувилбар энэ баймаар юм. http://www.eurasianet.org/node/62296

Энэ бичлэгийн материалыг саяхан хуралд тавьсан илтгэлээсээ ишлэн бичлээ. Зүүн бүсийн төлөвлөлт, нутагшил, суурьшлын байгууллагын хуралд тавьсан What future holds for us? The price of economic prosperity гэдэг өгүүллэг их амжилт олж одоо удахгүй хэвлэгдэх гэж байгаа баяртай мэдээг дашрамд дуулгая.  Гэхдээ “Меньше знаешь, крепче спишь” орос ардын зүйр үг ямар үнэн бэ?.