АНГЛИШ сурах нь

Гадаадад сурах, ажиллахад хамгийн эхний асуудал хэл байдаг. Тусламж хүсч буй ихэнхи хүмүүс хэлний оноо нь хүрэхгүй байгаа талаар гомдол тавих юм. Мөнг хэлний сайн курс асуусан хүмүүс мөн олон байнаа. Иимд өөрийн амьдарч буй мужид хэлний курсын судалгаа хийлээ. Мэдээж үнэ хөлс, сургалтын чанар, хүлээн зөвшөөрөгдсөн байдал г.м олон зүйлийг харж судалсны үндсэн дээр нэг сургуулийг их зүгээр юм байна гэж үзлээ. Ингээд та бүхэнд Австралийн хэлний сургуулийн Өмнөд Австрали дахь салбар сургуулийг танилцуулж байна.

SA English Language School of Australia www.elsa.sa.edu.au

Давуу талууд:

• Төлбөр дундаж (1 долоо хоногт 310 австрали $)

• Долоо хоногт 25 цаг буюу өдөрт 09-13 цаг хүртэл хичээллэнэ.

• Их сургуулийн бэлтгэл англи хэлний курсэд сурснаар заавал IELTS өгөлгүйгээр Өмнөд Австралийн Их сургуулиудад элсэн орох боломжтой (pathway)

• Мэргэжлийн англи хэлний шалгалтад бэлтгэх курс (мэргэжлийн хүрээнд англи хэлтэй болохоо нотолсон сертификаттай болох ба энэ нь ажиллах виз, болон байнгын оршин суугчийн виз, цагаачлал хүсэхэд оноо нэмдэг. Мөн хуульч, эмч, сувилагч, гагнуурчин, инженер г.м мэргэжлийг англиас өөр хэлтэй оронд эзэмшсэн хүмүүст хамаарна.)

• Англи хэлний багш нарт зориулсан Кембриджийн сургалт. Энэ нь хүүхдэд, ахлах сургууль, насанд хүрэгчдэд англи хэл заах эрхийг олгодог TESOL курс юм.

• Австрали айлд амьдрах, эрүүл мэндийн даатгал г.м Австралид амьдрахтай холбоотой бүх баримт бичгийг таны өмнөөс бүртгүүлж хийж өгдөг.

• 18-аас доош насны хүүхдүүдэд guardian буюу Австрали аав, ээж олж өгдөг, тэр айлдаа амьдрахаар зохион байгуулдаг.

• Дунд сургууль, ахлах сургуулийн суралцагчдад зориулсан англи хэлний тусгай хөтөлбөрөөс гадна дунд сургуулийн сурагчдын академик хичээлийг англиар заадаг тусгай хөтөлбөрийг Saint Alloys коллежтэй хамтран хэрэгжүүлснээр ахлах сургууль буюу 12 ангиа хэлний курсэд сурахын хажуугаар төгсөх боломжийг олгодог.

• Хотын төвд мөртлөө чимээ аниргүй түүхийн дурсгалтай байранд байрладаг. Central Market ruu 6 минут алхаад орчихоор тул тэнд үдийн цайгаараа хямд хоол идээд байх боломжтой.

• Хүүхдүүд болон томчуудад зориулсан сургалт явуулдаг байрнууд нь тусдаа. Биеийн тамирын заалтай, их тохь тухтай юм байна билээ.

• Хэсэг бүлэг хүмүүст зориулж стади тур, ерөнхий англи хэлний курс хичээллэдэг.

Намайг очиж танилцахад Хятадаас ирсэн уурхайн ажилчид гээд 8 хүн мэргэжлийн англи хэлний хичээлд сууж байсан. Одоогийн байдлаар лав уг сургуулийн урилгаар Хятадаас виз хүссэн хүмүүсийн виз нь 100 хувь гараад ирж сурдаг гэж ярьж байна билээ. Багш ажилчид нь ориг Австраличууд буюу жижиг хэлний курстэй ижил Австралийн иргэн со, хужаа, энэтхэг г.м гарал, үүсэлтэй хүмүүс ганц чиг байдаггүй юм байна. Мөн homestay-ны Австрали аав ээжүүдийг шалгаруулж, (цагдаагийн газрын тодорхойлолт, юу юу ч билээ бөөнд бичиг цаас нэхдэг юм байна билээ) тухайн оюутны үндэсний соёлынх нь талаар сургалт хийж байж гэрээ байгуулдаг. Гэрээ нь үнэн чамбай, бүүр долоо хоногт нэг удаа тухайн үндэсний хоолыг нь оюутанд хийж өгнө г.м. Зөвхөн байраа түрээслэж буй биш, яг л аав ээж шиг нь хандахаар, ихэнхидээ “ажилчин, тариачин анги” биш, чинээлэг дундаж буюу middle class сонгодог юм байна билээ. Нийгмийн анги, давхарга энд байдаг бөгөөд таны байр түрээслэгч, амьдарч буй айл ямархуу боловсролтой, ямар класс, аль дүүрэгт амьдардаг нь таны сурч, боловсроход чухал нөлөө үзүүлдэг. Өмнө баруунд сурч байсан хүмүүс энэ ялгааг их сайн мэдэрдэг гэж бодож байна.

Сул талууд: Сул тал гэхээр зүйл нэг их харсангүй. Өөрөө биечлэн очиж үзэж, мөн айлд амьдардаг нэг охины гэрт хүртэл очиж үзсэн болохоор бүрэн дүүрэн судалсан гэж бодож байна. Өдөрт эрт тардаг тул оройдоо цэвэрлэгээний ажил хийгээд байх боломжтой юм байна билээ. Өмнө дөрвөн ч сургуульд очоод үзсэн байсан тул харьцуулах зүйл байсан. Хажуугаар нь нийгэм, соёлын арга хэмжээ их зохиодог, өөрсдийгөө нэг их рекламдаад байдаггүй, ихэнхи хүмүүс нь бие биенээсээ мэдээлэл аваад сурдаг гэж байсан.

Энэ сургууль надад хамгийн их таалагдсан тул энэ мэдээллийг хүргэж байна. Ялангуяа IELTS-ийн оноо нь хүрэхгүй байгаа, үүнээсээ болоод offer letter сургуулиасаа авч чадахгүй байгаа, эсхүл богино хугацаанд хэлний курсэд сураад цааш шууд их сургуульд сурахыг хүсч буй ахлах сургууль, их сургуулийн оюутнууд, мэргэжлээрээ цагаачлахыг хүсч буй иргэдэд тун давгүй санагдсан. Нэг хятад охин анх уг сургуулиар дамжиж энд аав ээжтэй болоод, аав ээж нь одоо бүүр дүрдээ орчихсон тэр охины коллежийнх нь төлбөрийг төлдөг гэсэн. Үнэн панаал сайтай хужаа байгааз. Ход, ход. Тэгэхээр боломж бол байгаа л байхгүй юу. Миний дээр хэлсэн тэр middle class гээд байгаа нь ийм учиртай юм.