Завтай хүн

Хүмүүст тус хүргэх санаатай мэддэг чаддаг юмаа бичээд байсан чинь ерөнхийдөө ажиглагдаж байгаа нэг зүйл байна.

 Сурах хүсэл их байгаа боловч хаанаас яаж мэдээллээ олж авах, тэр олж авсан мэдээллээсээ оюун дүгнэлт хийж, өөрт ашигтай хувилбарыг сонгох чадвар үнэн муу байна. Өмнө нь арван хуруугаа эцтэл бичсэн асуудлаар яахуу, ийхүү гээд байх юм. Бас болоогүй, надаас биечлэн зөвлөгөө авах сонирхол их байна. Уг нь мэддэг юмаа нийтэд хүртээлтэйгээр, аль болохоор хялбараар тайлбарлаад бичээл вайна, бичээл вайна. Бүүр болохгүй болохоор нь Монгол руу нисч очоод үнэгүй лекц уншаал вайна, уншаал вайна. Нэмэр алгаа. Яамаар ч юм дээ.

 Өөрөө сурдаг, дээр нь ажил хийдэг, бас хажуугаар нь монголд байгаа ажлаа хийнэ, цаг минуттай уралдаж, галзуу хүн шиг явдаг хүнд нээрээ бас их зовлонтой байна. Ааш муутайдаа ингэж байна гэж битгий бодоорой, аль аль талдаа хүндрэл учруулахгүйгээр харилцан туслалцвал хэн хэндээ хялбар байхсан. Тийм болохоор үүнээс хойш, түүнээс цааш дараахи төрлийн асуултад хариулахгүй гэдгийг анхааруулья.

1. Яаж тэтгэлэг авах вэ, тэтгэлэг авахын тулд би юу хийх ёстой вэ?.
 Энэ талаар би болон бусад хүмүүс маш их бичсэн, бүүр болохгүй бол  УБ-т боловсролын мэдээллийн төвөөс, Отгонбатын ном гээд  материалууд олдоно доо. Мэдээлэл хаанаас олж авахаа, яахаа  мэдэхгүй байж яаж тэтгэлгээр бас дээр нь магистрт сурна гэж бодож  байгаа юм бол.

2. Би одоо, оюутан/сурагч, төгсөнгүүтээ, тэтгэлгээр шууд үргэлжлүүлэн сурах сонирхолтой.
 Улс эх орондоо ажиллаж сурсан мэдсэнээ гаргаагүй хүнийг аль нэг  орны Засгийн газар, олон улсын байгууллага, сан тэтгэлгээр сургана  гэж санасны гарз. Тэгээд чиг мэргэжлийн ур чадвар гэдэг зүйлийг  зөвхөн ажлын туршлагаар олж авдаг болохоос гадаад, дотоодын  баахан диплом цуглуулснаар чинь чиний мэдлэг, ур чадварыг үнэлнэ  гэвэл ёстой өрөөсгөл ойлголт.

3. Би нээх сайн сурдаггүй, жирийн хүүхэд.
 Тэтгэлгийг улаан онц биш юмаа гэхэд ядаж жигд сайн суралцсан,  нийгмийн маш их идэвхитэй, зорилготой хүүхдүүд хүртэх магадлал  өндөр байдаг. Түүнээс баахан дунд сурчихаад, дээр нь нэг ажил  хийсэн болоод бүтээсэн зүйлгүй, цалингаа аваад “жирийн иргэн”  царайлж яваа хүмүүст тэтгэлэг олдоноо гэж байхгүй. Ядаж тэр олон  дундаас ялгарах нэг чадвартай байж, тэр чадвар чинь тухайн  тэтгэлгийн зорилгыг хангаж байж хүний мөнгөөр сурна.

4. Ямар мэргэжлээр ямар сургуульд сурвал зүгээр вэ?.
 Би мэдэхгүй. Юу хүсч, юунд тэмүүлж байгаагаа чи өөрөө мэдэхгүй  байхад 3 өгүүлбэртэй мэйл уншиж байгаа би яаж мэдэх вэ. Ямар  мэргэжлээр тэтгэлэг олдох магадлал өндөр вэ гээд бичсэн байгаа даа.

 Тэтгэлэг хүртэнэ гэдэг нь удаан жилийн шаргуу хөдөлмөр. Түүнээс хэрэв ингэвэл чамд яаг өгчихнө гэсэн бэлэн жор байдаггүй тул миний хэлээд байгаа зүйлс нь та нарыг тэтгэлэг хүртэхүйц хувь хүн болоход чинь туслах зорилготой өөрийн туршлага дээр үндэслэн бас нилээд их зүйл уншиж, судалж, харьцуулж, шинжилж байж хийж байгаа сайн дурын ажил.

 Энэ эгч ийм ааш муутайн байж яаж тэтгэлэг аваад байдаг байнаа гэж бодож байгаа байх. Гэтэл би хэдийгээр зарим хүмүүсийн дүгнэж байгаагаар шимнусын амилсан дүр мөн боловч хажуугаар нь энэ мэт бөөн дурын, нийгмийн сайн сайханд чиглэсэн ажил их хийдэг учраас л надад гадаад орны засгийн газрууд хайртай байдаг